سەيسەنبى, 4 تامىز 2020
COVID-19 قازاقستاندا. جۇقتىرعاندار — 93820. جازىلعاندار — 65132. قايتىس بولعاندار — 1058
933 2 پىكىر 3 شىلدە, 2020 ساعات 13:00

42 500 تەڭگە تولەۋگە زاڭنامالىق نەگىز جوق

قر پرەمەر-ءمينيسترىنىڭ ورىنباسارى ەرالى توعجانوۆ 5 شىلدەدەن باستالاتىن ەكى اپتالىق كارانتين كەزىندە الەۋمەتتىك تولەم بەرۋ ماسەلەسىنە قاتىستى ايتتى. بۇل تۋرالى قازاقپارات مالىمدەدى. 

ورتالىق كوممۋنيكاتسيالار قىزمەتىندە وتكەن ونلاين ءباسپاسوز ءماسليحاتىندا 42 500 تەڭگە الەۋمەتتىك تولەمگە قاتىستى سۇراق قويىلدى. ۆيتسە-پرەمەر توتەنشە جاعداي بولماعاندىقتان، بۇل تولەمگە زاڭنامالىق نەگىز جوق ەكەنىن اتاپ ءوتتى.

«42 500 تەڭگە كومەگى توقتادى. بىراق، ءالى تولىق جۇمىسقا شىعا الماي وتىرعان مەكەمەلەر بار. كاسىپ يەلەرى تابىس جوق بولعان سوڭ، بارلىق قىزمەتكەرلەرگە الەۋمەتتىك تولەم جاساي المايمىز دەيدى. مۇنداي جاعدايدا حالىققا ەندى الەۋمەتتىك تولەم جاسالا ما؟»، - دەپ سۇرالدى.

«بۇل - توتەنشە جاعدايمەن تىكەلەي بايلانىستى. ارى قاراي توتەنشە جاعداي توقتاتىلعاننان كەيىن، وعان ەشقانداي زاڭنامالىق نەگىزدەمە جوق. سوندىقتان ازاماتتار مۇمكىندىگىنشە قىزمەت ورىندارىندا جۇمىستارىن جالعاستىرۋى ءتيىس»، - دەدى ە. توعجانوۆ.

Abai.kz

2 پىكىر