ديپلوماتتاردىڭ مالىمەتى بويىنشا، سول-يلەتسك قالاسىنداعى لاگەر مەن سامارا وبلىسىنداعى ماشتاكوۆو باقىلاۋ-وتكىزۋ بەكەتىندەگى ادامدار تىزىمگە الىنعان. ەلشىلىك ولارعا 31 اۆتوبۋس ءبولدى.
"قىرعىزستان ەلشىلىگى رەسەي تاراپىمەن بىرگە قىرعىز ازاماتتارىن كوروناۆيرۋس بار-جوعىن انىقتايتىن تەستتەن تەگىن ءوتىزدى. اۆتوبۋستاردى جالداۋ اقىسىن كوروناۆيرۋسپەن كۇرەس جونىندەگى رەسپۋبليكالىق شتاب ءبولدى" دەلىنگەن ەلشىلىك حابارلاماسىندا.
قىرعىزستاننىڭ سول-يلەتسك قالاسىنداعى لاگەردە تۇرىپ جاتقان ازاماتتارىنىڭ بارلىعى ەلگە قايتتى.
بۇل ۋاقىتتا، ورىس-قازاق شەكاراسىندا وزبەكستان ازاماتتارى كوپتەپ جينالىپ تۇر. بۇل تۋرالى وزبەكستاننىڭ ماسكەۋدەگى ەلشىلىگى حابارلادى.
وزبەك ەلشىلىگى ەڭبەك ميگرانتتارىنان شەكارادان وتكىزۋگە كومەكتەسەم دەيتىن الاياقتارعا سەنبەۋىن سۇراپ وتىر.
Abai.kz
