بەيسەنبى, 26 قاراشا 2020
COVID-19 قازاقستاندا. جۇقتىرعاندار — 128400. جازىلعاندار — 114821. قايتىس بولعاندار — 1990
ەل ءىشى... 1877 20 پىكىر 13 شىلدە, 2020 ساعات 10:16

13 شىلدە – قازاقستاندا ۇلتتىق ازا تۇتۋ كۇنى

بۇگىن، 13 شىلدە ەلىمىزدە پاندەميا قۇرباندارىن ەسكە الۋ ءۇشىن ۇلتتىق ازا تۇتۋ كۇنى.

قازاقستاننىڭ بارلىق قالاسىندا مەملەكەتتىك تۋلار ءتۇسىرىلىپ، تەلەارنالار ەفيرىنەن ويىن-ساۋىق باعدارلامالار توقتاتىلدى.

ەلوردا ۋاقىتىمەن 12:00-دە ءبىر مينۋتتىق ۇنسىزدىك جاريالانادى. بۇگىن سونداي-اق، مەشىتتەردە قۇرباندار رۋحىنا باعىشتالىپ دۇعا وقىلىپ، شىركەۋلەردە ءدىني جورالعىلار جاسالادى.

رەسمي مالىمەتتەرگە سۇيەنسەك، قازاقستاندا 59 899 ادام كوروناۆيرۋس جۇقتىرعان. 375 ادام وسى دەرتتەر قايتىس بولعان. مينيسترلىكتىڭ بۇل تىزىمىنە تاعى 100-دەن اسا ادام ەنبەگەن. قۇزىرلى ورگاندار ولاردىڭ ولىمىنە باسقا دەرتتىڭ سەبەپ بولعانىن ايتقان.

بۇعان قوسا، ەلىمىزدە پنەۆمونيا دا ءورشىپ تۇر. رەسمي مالىمەت بويىنشا، 2020 جىلدىڭ العاشقى التى ايىندا 98 مىڭنان استام ادام پنەۆمرونياعا شالدىققان. بۇل بىلتىرعى كورسەتكىشتەن 55,4 پايىزعا ارتىق.

ەستەرىڭىزگە سالا كەتەيىك، وسىعان دەيىن پرەزيدەنت قاسىم-جومارت توقاەۆ كوروناۆيرۋستان قايتىس بولعان قازاقستاندىقتاردى ەسكە الۋ ماقساتىندا 13 شىلدەنى ۇلتتىق ازا تۇتۋ كۇنى دەپ جاريالاعان بولاتىن.

ۇلتتىق ازا تۇتۋ كۇنى تاۋەلسىزدىك العالى قازاقستاندا توعىزىنشى رەت جاريالانىپ وتىر.

پرەزيدەنت توقاەۆ پاندەميا قۇرباندارىن ءۇنسىز ەسكە الۋ راسىمىنە قاتىستى

جالپىۇلتتىق ازا تۇتۋ كۇنىنە وراي قاسىم-جومارت توقاەۆ اقوردا رەزيدەنتسياسىنىڭ الدىندا ىندەتتەن قازا بولعان ازاماتتاردى ەسكە الدى.

سونىمەن قاتار راسىمگە مەملەكەتتىك حاتشى قىرىمبەك كوشەرباەۆ، پرەزيدەنت اكىمشىلىگىنىڭ باسشىسى ەرلان قوشانوۆ، قاۋىپسىزدىك كەڭەسىنىڭ حاتشىسى اسەت يسەكەشەۆ، پرەزيدەنت كەڭسەسىنىڭ باستىعى نۇرلان ونجانوۆ، دەنساۋلىق ساقتاۋ ءمينيسترى الەكسەي تسوي قاتىستى.

ىندەت قۇرباندارىن ءۇنسىز ەسكە الۋ ءراسىمى رەسپۋبليكانىڭ بارلىق ايماعىندا ءوتتى.

پرەمەر-ءمينيستردىڭ كوڭىل ايتۋى:

مامين اسكار ۋزاكپاەۆيچ بيوگرافيا - پرەمەر-مينيستر رك ☀NUR.KZ

وسىناۋ كۇردەلى كەزەڭدە قازاقستان كوروناۆيرۋس ىندەتىمەن كۇرەسۋدە. وكىنىشكە قاراي، قاۋىپتى ىندەتتىڭ سالدارىنان ءبىزدىڭ وتانداستارىمىز دا كوز جۇمۋدا. قايتىس بولعانداردىڭ تۋعان-تۋىستارى مەن جاقىندارىنا اسا قايعىرا وتىرىپ كوڭىل ايتامىن.

مەملەكەت باسشىسىنىڭ شەشىمى بويىنشا 13 شىلدە COVID-19 ىندەتىنەن قايتىس بولعان قازاقستاندىقتاردى ەسكە الۋ ءۇشىن جالپىۇلتتىق ازا تۇتۋ كۇنى بولىپ جاريالاندى.

قابىلدانىپ جاتقان شارالار حالقىمىزدىڭ تاباندىلىعى مەن ەرىك-جىگەرىن جانە ءوز كۇشىنە دەگەن سەنىمىن تاعى ءبىر كورسەتە وتىرىپ، بىزگە ىندەتتىڭ تارالۋىن توقتاتۋعا مۇمكىندىك بەرەتىنىنە سەنىمدىمىن.

اسقار مامين، قر پرەمەر-ءمينيسترى.

سەنات توراعاسىنىڭ كوڭىل ايتۋى:

ماۋلەن اشىمباەۆ — سەنات دەپۋتاتى — "ايعاق" اقپاراتتىق پورتالى

مەملەكەت باسشىسى كوروناۆيرۋس ىندەتىنەن قايتىس بولعان ازاماتتاردى ەسكە الۋ ءۇشىن 13 شىلدەنى ۇلتتىق ازا تۇتۋ كۇنى دەپ جاريالاعانى بەلگىلى. سوعان بايلانىستى بۇگىن بارشا قازاقستان حالقى ازا تۇتۋدا.

وكىنىشكە قاراي، پاندەميا سالدارىنان كوز جۇمعان جانداردىڭ قاتارىندا ەلدىك مۇراتتى تۋ ەتكەن ارىستاي ازاماتتارىمىز، زيالى قاۋىم وكىلدەرى، مەملەكەت جانە قوعام قايراتكەرلەرى، سونداي-اق، وزگەنىڭ ءومىرى ءۇشىن سوڭعى ساتكە دەيىن كۇرەسىپ وتكەن دارىگەرلەرىمىز بار. ءبىز ءۇشىن دۇنيەدەن وزعان ءار وتانداسىمىزدىڭ ورنى بولەك.

وسىعان وراي ىندەتتەن قازا تاپقانداردىڭ تۋىستارى مەن جاقىندارىنا ورنى تولماس قايعىلارىنا ورتاقتاسىپ، كوڭىل ايتامىن. ەندى ەشقاشان مۇنداي قارالى كۇن بولماسىن! ەلىمىز امان، جۇرتىمىز تىنىش بولسىن!

ءبىز قابىلدانعان شارالاردىڭ ارقاسىندا پاندەميانىڭ تارالۋىنا تويتارىس بەرىپ، ىندەتتى اۋىزدىقتايمىز دەپ سەنەمىز. قازاق – سان قيلى تاريحىندا بۇدان دا اۋىر سىناقتاردان سۇرىنبەي وتكەن جانە تالاي تار جول، تايعاق كەشۋدەن امان قالعان حالىق. سونىڭ بارىندە بەكەم بىرلىك پەن ىرىس-ىنتىماعىمىزعا تابان تىرەدىك. قازىر دە ءدال سولاي اۋىزبىرشىلىك تانىتساق، اۋرۋدىڭ ءارى قاراي اسقىنۋىنا جول بەرمەيتىنىمىز ءسوزسىز.

سوندىقتان ارقايسىمىز جاقىندارىمىزعا جاناشىرلىق تانىتىپ، ماماندار انىقتاپ بەرگەن تالاپتاردى ورىنداۋعا ەرەكشە كوڭىل بولەيىك! ءار ازاماتىمىزدىڭ اماندىعى ءۇشىن بىرگە كۇرەسەيىك!

ماۋلەن اشىمباەۆ، سەنات توراعاسى.

Abai.kz

20 پىكىر