بەيسەنبى, 22 ءساۋىر 2021
46 - ءسوز 3016 6 پىكىر 17 شىلدە, 2020 ساعات 13:29

قازاقستانداعى قىتاي̆لىق ستۋدەنتتەر تۋرالى

قىتاي̆لىق ءبىر پورتال (封面新闻) "قازاقستانداعى قىتاي̆ ەلشىلىگىنىڭ "بەي̆مالىم پنەۆمونيانىڭ" ءولىم كورسەتكىشى كوروناۆيرۋستان الدەقاي̆دا جوعارى" دەگەن حابارلاماسىنان سوڭ، 20 ملن.عا جۋىق حالقى بار ورتاازيالىق وسى مەملەكەت الەمدەگى كوروناۆيرۋس ەپيدەمياسى بوي̆ىنشا بارشانىڭ نازارىن اۋدارتقان دۇنيەنىڭ تاعى ءبىر قىزۋ نۇكتەسىنە اي̆نالدى" دەپ جازدى.

اتالعان پورتال ەپيدەميا كولەڭكەسىندە قالعان قازاقستانداعى قىتاي̆لىق ستۋدەنتتەردىڭ تۇرمىس-تىرشىلىگىن بايانداي̆دى:

قازاقستان-بريتان ۋنيۆەرسيتەتىندە وقيتىن سياو چەن جازعى دەمالىستا نانكينگە قاي̆تۋى كەرەك ەدى. قازىر ونىڭ قاشان ەلگە ورالارى بەلگىسىز. ال وقۋىن اياقتاعان ۆەي̆ ۆان بەلگىلى كومپانيادان جۇمىسقا شاقىرتۋ العانىمەن، ەلدەگى جاعداي̆عا وراي̆ ول دا جۇمىسىنا كىرىسە الماي̆ وتىر. قازاقستاندا توتەنشە جاعداي̆ ورناعالى بەرى 63 كۇن بوي̆ى بولمەسىنەن شىقپاعان ول، ۆيزاسىنىڭ مەرزىمى اياقتالىپ كەتە مە دەپ الاڭداي̆دى.

سياو چەن تۇرعان جاتاقحانادا 200-گە جۋىق ستۋدەنت تۇراتىن ەدى. قازىر بار بولعانى 20-سى قالعان. ولاردىڭ باسىم بولىگى قىتاي̆لىق ستۋدەنتتەر.

23-ناۋرىز كۇنى توسەگىندە جاتقان ۆەي̆ ۆان "جاتاقحانا ناۋقاستار قابىلداي̆تىن ورىنعا اي̆نالادى. ءبىر تاۋلىكتىڭ ىشىندە بوساتىڭدار" دەگەن شۇعىل ەسكەرتپە العان سوڭ اپىل-عۇپىل جينالىپ، تۋىسىنىڭ ۇي̆ىنە كوشىپ كەتەدى.

"جەرگىلىكتى حالىق ىندەتتىڭ قاتەرىن سەزىنگەن جوق. ادامداردىڭ باسىم بولىگى ماسكا تاقپاي̆ ءجۇردى",-دەي̆دى ۆەي̆ ۆان. "ولار ماسكانى بىلەگىنە ءىلىپ، كەي̆بىرى موي̆نىنا اسىپ الىپ ءجۇردى. يەگىنە ءتۇسىرىپ العانداردى، ءبىر قۇلاعىنا ءىلىپ قوي̆عانداردى نەمەسە كەۋدە تۇسىنداعى قالتاسىنا سالىپ العانداردى، انشەي̆ىن قولدارىنا ۇستاپ جۇرگەندەردى دە كوردىم" دەپ اڭگىمەلەي̆دى.

"مەنىڭ ونداعى ەڭ جاقىن دوسىم وتباسىمەن ۆيرۋس جۇقتىرىپ اۋرۋحاناعا ءتۇستى. ولاردىڭ ءبارى ءبىر بولمەدە جاتتى. ول جىبەرگەن ۆيدەودان تەك توسەك جابدىعى بار ءۇش قانا كەرەۋەتتى كوردىم. ارناي̆ى كيىمدەگى مەدبيكەنى كورمەي̆ىنشە، ول جەردىڭ اۋرۋحانا ەكەنىن اجىراتا الماي̆سىڭ...",-دەي̆دى ول.

ەرتاي ءنۇسىپجانوۆتىڭ جازباسى

Abai.kz

6 پىكىر