20 شىلدەدەن باستاپ الماتىدا ەپيدەمياعا قارسى شەكتەۋ شارالارى كۇشەيتىلەدى. بۇل تۋرالى الماتى قالاسىنىڭ باس سانيتار دارىگەرى جانداربەك بەكشين مالىمدەدى. 

جاڭا جارلىققا سايكەس، قالاارالىق اۆتوبۋس تاسىمالدارىن توقتاتۋ، مەترو مەن اۆتوبۋستاردا جولاۋشىلار سانىن 50%-تەن اسىرماۋ، سەنبى جانە جەكسەنبى كۇندەرى قوعامدىق كولىكتەردى تولىعىمەن توقتاتۋ، ال، جۇمىس كۇندەرى كورسەتىلگەن كولىكتەر ۇنەمى دەزينفەكتسيالاۋ قاراستىرىلعان.

وقۋ كۋرستارى مەن فورۋمداردى، سونداي-اق وتباسىلىق، سونىڭ ىشىندە ەسكە الۋ شارالارىن قوسا العاندا، قوعامدىق جۇمىستارعا تىيىم سالىنادى. مۇراجايلاردىڭ، تەاترلاردىڭ، كورمەلەردىڭ، عيبادات ەتۋ وبەكتىلەرىنىڭ، بالالار لاگەرلەرىنىڭ جانە دامۋ ورتالىقتارىنىڭ جۇمىسىنا تىيىم سالىنادى. بالاباقشالار تەك كەزەكشى توپتار رەجيمىندە جۇمىس ىستەيدى. ۇلتتىق وليمپيادا كوميتەتى اككرەديتتەگەن سپورتتىق بازالاردى قوسپاعاندا، بارلىق سپورت نىساندارىن پايدالانۋعا تىيىم سالىنادى.

سونىمەن قاتار قوناق ۇيلەر، لاگەرلەر مەن دەمالىس ۇيلەرى قاتاڭ سانيتارلىق تالاپتار نەگىزىندە جۇمىس ىستەيدى.

قۇجاتتا 65 جاستان اسقان ازاماتتاردىڭ قوزعالىسىن شەكتەۋ قاراستىرىلعان. تاۋلارعا، ونىڭ ىشىندە تانىمال تۋريستىك جانە تاۋ نىساندارىنىڭ اۋماعىنا شىعۋعا تيىم سالىنادى. ۇلتتىق پاركتەر سەنبى جانە جەكسەنبى كۇندەرى جابىلادى. تەك جۇمىس كۇندەرى اشىق اۋادا سەرۋەندەۋگە رۇقسات ەتىلەدى، الايدا تاماق، سۋسىندار الا الۋعا بولمايدى.

ساياباقتا ءۇش ادامنان ارتىق جۇرۋگە، وت جاعۋعا سالىنادى. جەكە جاتتىعۋلارعا رۇقسات ەتىلەدى. سونىمەن قاتار، جەكە كولىكتەرمەن ايماقتار اراسىندا جۇرۋگە رۇقسات ەتىلەدى. ساۋدا ورتالىعىندا تەك ءدارىحانالار، ازىق-تۇلىك سۋپەرماركەتتەرى جانە جەكە كىرەتىن جانە اشىق الاڭدارى بار تۇراقتى تاماقتانۋ ورىندارى جۇمىس ىستەيدى. ويىن-ساۋىق مەكەمەلەرىنىڭ، كينوتەاترلاردىڭ، تاماقتانۋ الاڭدارىنىڭ جانە بانكەت زالدارىنىڭ، سۇلۋلىق نىساندارىنىڭ، فيتنەس-ورتالىقتاردىڭ، سپورت زالدارىنىڭ، مونشالاردىڭ، ساۋنالاردىڭ، جاعاجايلاردىڭ، باسسەيندەردىڭ قىزمەتىنە تىيىم سالىنادى.

تاماقتانۋ مەكەمەلەرى كليەنتتەرگە تەك 30 ورىندىق جانە 22.00-دەن كەش ەمەس جازعى الاڭداردا قىزمەت كورسەتۋى كەرەك.

قارجى نارىعى سۋبەكتىلەرىنىڭ قىزمەتىنە ۇلتتىق بانك پەن قارجى رىنوگىن رەتتەۋ جانە دامىتۋ اگەنتتىگىنىڭ اكتىسىنە سايكەس رۇقسات ەتىلەدى. حقكو-عا ساعات 9.00-دەن 16.00-گە دەيىن جۇمىس ىستەۋگە رۇقسات ەتىلدى، ال قىزمەتكەرلەردىڭ كەمىندە جارتىسى قاشىقتىقتان جۇمىس ىستەۋى كەرەك. «قازپوچتا» اق ءۇشىن جۇمىس كەستەسى 8.00-دەن 14.00-گە دەيىن بولادى.

كولىك جۋ، جوندەۋ ورىندارى، تۇرمىستىق تەحنيكانى جوندەۋ ورتالىقتارى، ايىرباستاۋ پۋنكتتەرى، لومباردتار، بيزنەس ورتالىقتار 10.00-دەن 17.00-گە دەيىن جۇمىس ىستەيدى.

ءدارىحانالاردىڭ، مينيماركەتتەردىڭ، سۋپەرماركەتتەردىڭ، گيپەرماركەتتەردىڭ، اشىق بازارلاردىڭ جۇمىسىنا رۇقسات ەتىلەدى. شتات سانى 30 ادامنان اساتىن مەملەكەتتىك مەكەمەلەر مەن ۇلتتىق كومپانيالارعا قىزمەتكەرلەرىنىڭ كەم دەگەندە 80% -ىن «قاشىقتىقتان جۇمىس ىستەۋگە» جىبەرۋ تاپسىرىلدى.

Abai.kz