مەملەكەتتىك باسقارۋ اكادەمياسى العاش رەت قازاق ءتىلىن دەڭگەي بويىنشا وقىتۋ تۇجىرىمداماسىنىڭ نەگىزىنە سۇيەنە وتىرىپ، «RESMI QAZTEST» دەپ اتالاتىن قازاق تىلىنەن تەستىلەۋدىڭ جاڭا فورماتىن ازىرلەدى.

اتالعان ورتالىقتىڭ حابارلاۋىنشا, العاش رەت ىسكە قوسىلعالى وتىرعان تەست مەمەلەكەتتىك قىزمەتشىلەردىڭ قازاق ءتىلىن مەڭگەرۋ دەڭگەيىن انىقتاۋعا مۇمكىندىك بەرەدى.

تەستىلەۋ جوعارى وقۋ ورنىنان كەيىنگى ەرەسەك اۋديتوريانىڭ  قازاق ءتىلىنىڭ عىلىمي، رەسمي، پۋبليتسيستيكالىق ستيلدەرى بويىنشا ءار ءتۇرلى كولەمدەگى ءبىرىزدى ءماتىن قۇراستىرۋ (باياندامالىق، تالدامالى-ساراپتامالىق), كوپشىلىك الدىندا ءسوز سويلەۋ داعدىلارىن دەڭگەيلەپ انىقتاۋعا مۇمكىندىك بەرەدى.

«قازاقستان رەسپۋبليكاسىنىڭ ءبىلىم بەرۋ مەكەمەلەرىندە  قازاق ءتىلى بالاباقشادان باستاپ جوعارى وقۋ ورىندارىنا دەيىن وقىتىلادى، نورماتيۆتىك قۇقىقتىق قۇجاتتارمەن قامتاماسىز ەتىلگەن، ال، جوعارى وقۋ ورنىنان كەيىنگى ءتىلدى كاسىبي سالانىڭ باعىتىنا بەيىمدەپ وقىتۋ ءنورماتيۆتى-قۇقىقتىق تۇرعىدان  قاراستىرىلماعان. مەملەكەتتىك قىزمەتشىلەردىڭ كوپشىلىگى قازاق ءتىلىن اۋىزەكى ستيلىندە عانا قولدانادى، رەسمي ءستيلدىڭ جازىلىمى مەن ءماتىن قۇراستىرۋ تەحنيكاسىن، ءادىس-تاسىلدەرىن جوعارى وقۋ ورنىندا يگەرمەگەن،   كوپشىلىك الدىندا ءسوز سويلەۋدىڭ ستراتەگيالارىن قولدانبايدى»،-دەپ اتاپ ءوتتى «RESMI QAZTEST» تەستىلەۋىن قۇراستىرۋشىلاردىڭ ءبىرى، مەملەكەتتىك ءتىلدى وقىتۋ كابينەتىنىڭ مەڭگەرۋشىسى نازيگۇل تولەنبەرگەنوۆا.

رەسميقازتەست الەمدىك تاجىريبەلەردى ەسكەرە وتىرىپ ازىرلەنگەن جانە تىڭداۋ، كوپشىلىك الدىندا سويلەۋ، رەسمي وقۋ، رەسمي جازۋ جانە CEFR سىندى حالىقارالىق تەستىلەۋ ورتالىقتارىنىڭ ورفوگرافيالىق نورمالارىن قامتيدى:  بازالىق دەڭگەي (ۆ1, ۆ2) جانە ەركىن دەڭگەي (س، س2). ۇمىتكەردىڭ قازاق ءتىلىن مەڭگەرۋ قۇزىرەتتىلىگىن انىقتاۋعا ارنالعان «RESMI QAZTEST» تىڭدالىم، لەكسيكا-گرامماتيكا، جازىلىم، سۇحبات بولىمدەرىنەن تۇرادى.

 تىڭدالىم ءبولىمى  – ۇمىتكەردىڭ 1,5-2 مينۋتتىق ۆيدەودا كورسەتىلگەن اقپاراتتىڭ وزەكتىلىگىن دۇرىس تۇسىنۋىنە باعىتتالسا،   لەكسيكا-گرامماتيكالىق ءبولىم – سوزدەر مەن ءسوز تىركەستەرىنىڭ لەكسيكالىق ءمانىن انىقتاۋ ماقساتىندا ازىرلەنگەن.  جازىلىم ءبولىمىت تەست تاپسىرۋشىنىڭ رەسمي ستيلدە ءماتىن قۇراستىرا الۋ داعدىسىن، سۇحبات ءبولىمى ۇمىتكەردىڭ كوپشىلىك الدىندا ءسوز سويلەۋ داعدىلارىن انىقتاۋعا باعىتتالعان.

«بۇل قاجەتتىلىكتەن تۋىنداپ وتىر، بىرىنشىدەن، مەملەكەتتىك قىزمەتشىلەردىڭ رەسمي ستيل بويىنشا بىلىمدەرى ءبىرىزدى انىقتالادى، كاسىبي قىزمەتكە قاجەتتى ءبىلىم اكادەميادا مەڭگەرتىلەدى، ەكىنشىدەن، مەملەكەتتىك اپپارات تىلدىك جاعىنان كاسىبيلەندىرىلەدى، سونىڭ ىشىندە، دەڭگەيلەپ وقىتۋ باعدارلامالارىن ەنگىزۋ ارقىلى مەملەكەتتىك قىزمەتشىلەردىڭ قازاق ءتىلىنىڭ رەسمي ستيلىندە وقۋ، تىڭداۋ، سويلەۋ، جازۋ داعدىلارى دامىتىلادى»،- دەدى نازيگۇل تولەنبەرگەنوۆا ءوز سوزىندە.

قازىرگى تاڭدا مەملەكەتتىك باسقارۋ اكادەمياسىنا وقۋعا تۇسۋگە ۇمىتكەرلەر ResmiQazTest-ءتى پيلوتتىق فورماتتا سىناقتان وتكىزۋدە.14 شىلدە مەن 31 شىلدە ارالىعىندا ۇمىتكەرلەر اتالمىش تەستتى APA.TALANTIZ.KZ ونلاين پلاتفورماسىندا تاپسىرادى. وقۋعا قابىلدانعان، الايدا مەملەكەتتىك ءتىلدى مەڭگەرۋ دارەجەسى B1-دەن تومەن بولعاندار اكادەميانىڭ قاشىقتان وقىتۋ كۋرستارىنان نەمەسە وزگە ءتىل ورتالىقتارىنىڭ كۋرستارىنان ءوتۋ ارقىلى وقۋ جىلى باستالعانعا دەيىن ءوز دەڭگەيلەرىن تالاپ ەتىلەتىن مەجەگە دەيىن كوتەرۋلەرى قاجەت.

Abai.kz