«بولاشاق» حالىقارالىق ستيپەندياسىنا قۇجات قابىلداۋ باستالدى. بۇل تۋرالى ءبىلىم جانە عىلىم مينيسترلىگى حابارلادى. 

«قازاقستان رەسپۋبليكاسى ءبىلىم جانە عىلىم مينيسترلىگى ماگيستراتۋرا، دوكتورانتۋرا، رەزيدەنتۋرا جانە تاعىلىمداما باعدارلامالارى بويىنشا جىل سايىنعى «بولاشاق» حالىقارالىق ستيپەندياسىن تاعايىنداۋ كونكۋرسىنىڭ باستالعانىن حابارلايدى»,- دەلىنگەن مينيستلىك تاراتقان مالىمەتتە.

كونكۋرسقا قاتىسۋ ءۇشىن قۇجاتتاردى ونلاين-رەجيمدە egov.kz مەملەكەتتىك قىزمەتتەر پورتالى ارقىلى جولداۋ قاجەت.

قۇجاتتاردى قابىلداۋ 2020 جىلعى 27 شىلدەدەن باستاپ 31 قازانعا دەيىن جۇرگىزىلەدى.

بيىلعى جىلى «بولاشاق» باعدارلاماسى بويىنشا اكادەميالىق وقۋعا 85 جانە تاعلىمدامادان وتۋگە 95 باسىمدىققا يە ماماندىقتار ۇسىنىلىپ وتىر.

سونىمەن قاتار، باعدارلاما شەڭبەرىندە وقۋعا QS, ARWU, Times Higher Education, The U.S. News Best Global University حالىقارالىق رەيتىنگتەرىنىڭ كەمىندە ەكەۋىنىڭ TOP-100 قۇرامىنا كىرەتىن جانە ەكونوميكالىق ىنتىماقتاستىق جانە دامۋ ۇيىمىنا مۇشە ەلدەردەگى ۋنيۆەرسيتەتتەردىڭ US News Global رەيتينگىسىندە كەمىندە 65 جاھاندىق بالعا يە 138 جوعارى وقۋ ورنى بەكىتىلگەن.

• باسىمدىققا يە ماماندىقتار ءتىزىمى:

https://www.bolashak.gov.kz/kz/pretendentu/perechni/perechen-prioritetnykh-spetsialnostej.html

• شەتەلدىك جەتەكشى جوعارى وقۋ ورىندارىنىڭ ءتىزىمى: https://www.bolashak.gov.kz/kz/pretendentu/perechni/spisok-rekomenduemykh-vuzov.html
• قۇجاتتاردى دايىنداۋ بويىنشا ۇسىنىستار:

https://bolashak.gov.kz/kz/pretendentu/rekomendatsii/rekomendatsii-po-podgotovke-dokumentov.html

Abai.kz