حالىقتى كىنالاي سالۋعا بولمايدى
شورناق اۋىلى مەن ساتباەۆ قالاسىندا بولعان جاعدايعا بىرجاقتى قاراۋعا بولماس. ەل ىشىندە قوردالانعان ماسەلە كوپ. مىنا ىندەتتىڭ ءتۇرى جامان، جان-جاعىمىزدى قاۋسىرىپ بارادى. قىسقا ءجىپ كۇرمەۋگە كەلمەي، تۇرمىس تاۋقىمەتى قينايدى ءبىر جاعىنان. جۇيكە سىر بەرمەي، قايتسىن؟!
«سوعىس جاعدايىندا ءومىر ءسۇرىپ جاتىرمىز» دەدى عوي پرەزيدەنت. وسىنداي تۇستا ونسىز دا زارە-قۇتى ۇشقان جۇرتقا جالعان اقپارات تاراتىپ، ەلدى ارانداتىپ، دۇرلىكتىرگىسى كەلەتىندەر ءتيىستى جازاسىن الاتىنى انىق.
«مىڭ كۇندە سىنباعان شولمەك، ءبىر كۇندە سىنادى» دەيدى. ال سىنعان، شىتىناعان دۇنيەنى اۋەلگى قالپىنا كەلتىرۋ مۇمكىن ەمەسى بەلگىلى. قانشا قيىن بولعانمەن، ءتوزىمدى بولماساق، سابىر ساقتاماساق بولمايدى.
بىلايعى كەزدە ۇستانىمىمىز، دۇنيەنى قابىلداۋىمىز، قوعامعا كوزقاراسىمىز ارقيلى بولۋى مۇمكىن، بىراق ءوز قولىمىزدى ءوزىمىز كەسپەيمىز عوي، ەلدىڭ تۇتاستىعىنا، قاۋىپسىزدىگىنە سىن كەلەتىندەي جاعدايدا كەرىتارتپالىققا جول بەرىلمەۋى كەرەك، قىسقاسى.
سوسىن قيت ەتسە، حالىقتى كىنالاي سالۋعا بولمايدى. وسى جولى مەملەكەت باسشىسى جوعارىدا اتالعان ايماقتارداعى حالىقتىڭ ەڭ باستى الەۋمەتتىك-ەكونوميكالىق قاجەتتىلىكتەرىنە نازار اۋدارۋ كەرەك ەكەنىن ايتتى. شەندى-شەكپەندىلەر ەسەپ ءۇشىن ەمەس، ەل ءۇشىن قىزمەت قىلماسا جاعدايدىڭ ۋشىققانى ۋشىققان!
قۋات اۋەسبايدىڭ جازباسى
Abai.kz
