بيىلعى 1 جەلتوقسان ەلەۋلi كۇندەر قاتارىندا قىرعىز جىلناماسىنا كiرەرi ءسوزسiز. ەلدiڭ جاڭا تاريحىندا پرەزيدەنتتiك بيلiك بiرiنشi رەت بەيبiت تۇردە بiر قولدان ەكiنشiسiنە وتپەكشi. ايتسە دە، جاڭا پرەزيدەنتتiڭ iسكە كiرiسۋiنiڭ سالتاناتتى ءراسiمi قالىڭ كوپشiلiكتi ونشا قىزىقتىرىپ وتىرعان جوق.
ءۇش پرەزيدەنتتىڭ تاققا وتىرۋ جورالعىسىن كورىپ ەتى ۇيرەنىپ قالعان ەل وزدەرىنىڭ كۇندەلىكتى ارەكەتىمەن الەك. بىراق بيلىكتى كوزدەگەن ساياسي كۇشتەردىڭ تالاس-تارتىسى شىرقاۋ شەگىنە جەتتى. جوعارعى كەڭەشتىڭ ءبىر توپ دەپۋتاتتارىنىڭ وزدەرىنىڭ توراعاسى احمەتبەك كەلدىبەكوۆتi پارلامەنت مىنبەرىنەن اشىقتان-اشىق سىنعا الۋى سونىڭ ءبىر كورىنىسى ىسپەتتى. ولاردىڭ سوزىنە قاراعاندا، احمەتبەك كەلدىبەكۇلى قىزمەتىن اسىرا پايدالانىپ، مەملەكەت قازىناسىن ىسىراپقا ۇشىراتقان. سپيكەر بولسا، كەيبىر كەمشىلىكتەردىڭ ورىن العانىن مويىنداپ، ءبىر ايدان بەرى كەيبىر ساياساتشىلار ونى جاماناتتى قىلۋ ءۇشىن بارلىق ايلا-امالدارىن ىستەپ جاتقانىن مالىمدەدى. سىنشىلاردىڭ جوعارعى كەڭەشتىڭ قىزمەتكەرلەرىنە بەرىلەتىن كەڭسە تاۋارلارىن، توراعانىڭ بروندالعان كولىگىنىڭ دوڭگەلەكتەرىن ساتىپ الۋعا قانشا اقشا كەتكەن قازبالاعانىنا قاراعاندا سپيكەردىڭ ءسوزىنىڭ جانى بار. ايتكەنمەن، سپيكەردىڭ قوعامدىق كەڭەسشىلەرىنىڭ ءوز كولىكتەرىنە مەملەكەتتىك KG ءنومىرىن تاعىنىپ تايراڭداپ جۇرگەنى، جوعارعى كەڭەشتە ىستەگەن حاتشى-رەفەرەنتتەردىڭ 18 مىڭ سوم ايلىق العانى ەلدىڭ ىزاسىن تۋدىرعانى انىق. ويتكەنى بيۋدجەت قىزمەتكەرلەرىنىڭ (ولاردىڭ قاتارىندا جوعارى كۆاليفيكاتسيالى دارىگەرلەر، مۇعالىمدەر بار) ورتاشا ايلىعى 7 مىڭ سومعا جەتپەي وتىر.
پرەزيدەنت روزا وتىنباەۆا وتكەن اپتادا اقش-قا بارعان ساپارىنان ورالعان سوڭ-اق، وعان «قىم-قۋىت» كۇندەر باستالىپ كەتتى. كۇن سايىن 3-4 ءىس-شاراعا قاتىسۋمەن بولدى. مينيسترلىكتەر، مەكەمەلەر جانە جوعارعى وقۋ ورىندارى «ماڭىزدى» سىلتاۋلاردى تاۋىپ، پرەزيدەنتكە ريزاشىلىعىن ءبىلدىرىپ جاتتى. قورعانىس مينيسترلىگى مەكەمەلىك «ەڭبەك سىڭىرگەنى ءۇشىن» مەدالiن تاپسىرسا، ج. بالاساعۇن اتىنداعى ۇلتتىق ۋنيۆەرسيتەت ارداقتى پروفەسسور دارەجەسىن تارتۋلادى. 29 قاراشادا روزا وتىنباەۆا پرەزيدەنت قاتارى جۋرناليستەرمەن اقىرعى كەزدەسۋىن وتكىزىپ، باق-تاردىڭ وكىلدەرىنە «ەسەپ» بەردى. روزا يساقوۆنا ءوزى مەملەكەت باسشىسى بولىپ تۇرعانداعى قىرعىزستاننىڭ ەڭ ۇلكەن جەتىستىگى- ولكەنىڭ پارلامەنتتىك باسقارۋعا ءوتىپ العاندىعى ەكەندىگىن ايتتى. وكىنىشتىسى - سوت رەفورمالارىن اياعىنا شىعارا الماي قالعان. الداعى ءىس جوسپارى بويىنشا ول «ءبىلىم بەرۋ، مادەنيەت، الەۋمەتتىك جانە سىرتقى بايلانىستار سالالارىندا كوپ نارسەلەردى جاساي الاتىنىن» ايتىپ، بۇل باعىتتا قايرىمدىلىق قورىن اشۋعا نيەتتەنىپ جاتقانىن مالىمدەدى. وزىنە «ەكس-پرەزيدەنت» ارنايى ستاتۋسىن ۇيعارىپ، وعان سايكەس، تىنىش، تاۋ بوكتەرىندەگى اۋاسى تازا پرەزيدەنتتىك رەزيدەنتسيانىڭ اۋماعىنان ءۇي، مىنگەنگە كولىك بەرسە قۋانا تۇرعاندىعىن، ەگەر كولىك بەرىلمەي قالسا، ماشينا ايداي المايتىندىعىنان، ءوزى جاقسى كورەتىن ۆەلوسيپەدپەن-اق قالاعا قاتىناپ تۇرۋعا ماقۇل ەكەنىن ءبىلدىردى. ايتا كەتسەك، اسقار اقاەۆكە جانە قۇرمانبەك باكيەۆكە «ەكس-پرەزيدەنت» ستاتۋسى بەرىلگەن ەمەس.
30 قاراشادا پرەزيدەنت روزا وتىنباەۆا جوعارعى كەڭەشتىڭ جينالىسىنا قاتىسىپ، قىرعىزستان حالقىنا ۇندەۋ جاسادى. مەملەكەت باسشىسى ولكەدە ءوزى باسقارعان 1 جىل 8 اي مەرزىمدەگى جاعدايعا باعا بەرىپ، رەسپۋبليكانىڭ ءوسىپ-وركەندەۋى ءۇشىن ەلدى ىنتىماقتا بولۋعا شاقىردى.
1 جەلتوقساندا وتەتىن پرەزيدەنتتىك يناۋگۋراتسياعا بۇل جولى قازاقستاننان - پرەمەر-مينيستر كارىم ءماسىموۆ كەلمەكشى. تۇركيادان پرەزيدەنت ابدۋللاح گۇل، گرۋزيادان پرەزيدەنت ميحايل سااكاشۆيلي، سونداي-اق، شەت ولكەلەردەن باسقا دا جوعارعى دارەجەلى مەيماندار شاقىرىلعان.
30 قاراشادا پرەمەر-مينيستر وتستاۆكاعا شىقتى. بۇل كۇننەن باستاپ مينيسترلەر كابي­نەتىنىڭ مۇشەلەرى قىزمەتتەرىن ۋاقىتشا اتقارا باستادى. ءبىر-ەكى كۇننەن كەيىن جاڭا پرەزيدەنت - المازبەك اتامباەۆ جوعارعى كەڭەشتەگى بەس پارتيانىڭ بىرەۋىنىڭ جەتەكشىسىنە پارلامەنتتە كوپشىلىكتىڭ كواليتسياسىن قۇرىپ، جاڭا ۇكىمەتتى جاساقتاۋعا تاپسىرما بەرەدى. نەگىزى، جاڭا كواليتسيانى قۇرماي-اق، بۇرىنعىشا كەتە بەرسە دە بولار ەدى. بىراق پارلامەنتتىڭ ىشىندەگى تالاس-تارتىستار وسىعان ماجبۇرلەيدى. ەگەر ا. اتامباەۆ كواليتسيا قۇرۋدى «اتا جۇرت» پارتياسىنا تاپسىرسا، وسى پارتيانىڭ مۇشەسى - قازىرگى توراعا احماتبەك كەلدىبەكوۆتىڭ قىزمەتىندە قالۋىنا كوبىرەك مۇمكىنشىلىك تۋادى. بۇرىن كوپشىلىكتىڭ كواليتسياسىنا ءۇش پارتيا بىرىككەن. بۇل جولى وعان ءتورت پارتيا كىرىپ قالۋى مۇمكىن. ولكەنىڭ كونستيتۋتسياسى بويىنشا، بارلىق پارتيا ءبىر كواليتسياعا بىرىگە المايدى. ويتكەنى پارلامەنتتىڭ «دەنساۋلىعىن» كۇندە تەكسەرىپ تۇراتىن ءبىر وپپوزيتسياشىل «سانيتار» پارتيا كەرەك.

نازاربەك بايجIگIتوۆ، «تۇركiستاننىڭ» قىرعىزستانداعى مەنشiكتi تiلشiسi

«تۇركىستان» گازەتى