بىلتىر ترامپتىڭ نەگىزگى تابىسى مايامي دەمالىس ورنىنداعى مار-ا-لاگو (فلوريدا شتاتى) رەزيدەنتسياسى مەن ۆاشينگتونداعى Trump International قوناق ءۇيى بولعان. اق ءۇي باسشىسى سونىمەن بىرگە كينواكتيورلەر بىرلەستىگىنەن جانە "كەلىسىم ءتۇزۋ ونەرى" كىتابىنان پايدا تاپقان.
بيىل شىلدە ايىنىڭ باسىندا اقش جوعارعى سوتى نيۋ-يوركتاعى پروكۋرورلارعا ترامپتىڭ سوڭعى توعىز جىلداعى دەكلاراتسياسىن جاريالاۋ تۋرالى قاۋلى شىعارعان. بىراق بۇل اقپارات كونگرەسسكە جىبەرىلمەيدى.
بۇدان بولەك كونگرەسستىڭ ءۇش كوميتەتى ترامپتى سوتقا بەرگەن. ولار پرەزيدەنتتەن قارجىلىق اقپاراتتى جاريا ەتۋدى تالاپ ەتكەن. بىراق جوعارعى سوت ولاردىڭ تالابىن قاناعاتتاندىرمادى. بۇل قاراشا ايىندا وتەتىن اقش-تاعى پرەزيدەنت سايلاۋىنا دەيىن كونگرەسس ترامپتىڭ سالىق دەكلاراتسياسىمەن تانىسا المايدى دەگەن ءسوز.
2015 جىلدىڭ ماۋسىم ايىندا پرەزيدەنت سايلاۋىنا تۇسەر الدىندا ترامپ تابىسى 8 ملرد 800 ملن دوللار ەكەنىن مالىمدەگەن. بىراق Forbes ونىڭ تابىسىن ەكى اسە از ەتىپ كورسەتكەن.
2020 جىلدىڭ ءساۋىر ايىندا Forbes پرەزيدەنتتىڭ تابىسىن 2 ملرد 1 ملن دوللارعا باعالاعان. بۇل 2019 جىلمەن سالىستىرعاندا ءبىر ملرد دوللارعا از.
