جۇرگىزۋشىلەردىڭ ايتۋىنشا، كەلىسىم-شارت بويىنشا ارقايسىسى كۇنىنە 10 مىڭ تەڭگەدەن الۋى ءتيىس بولعان، بىراق بۇل ايدا ولارعا نەبارى 4-5 مىڭ تەڭگەدەن تولەنگەن.
– جۇرگىزۋشىلەر كۇنىنە 10 مىڭ تەڭگەدەن الۋى ءتيىس، ولار كوندۋكتورلاردى دا الىپ تاستادى، سول ءۇشىن قوسىمشا كۇنىنە 2,5 مىڭ تەڭگەدەن تولەۋگە ۋادە بەرگەن. بىراق ۋادەلەرىن ورىندامادى، كەرىسىنشە كۇندىك جالاقىنى 4,5 مىڭعا دەيىن قىسقارتىپ تاستادى، – دەدى بۇرىنعى كوندۋكتور ناتاليا بوريسەۆيچ. ول قازىر Semey Bus كومپانياسىمەن سوتتاسىپ ءجۇر.
جۇمىسشىلاردىڭ سوزىنە قاراعاندا ولار وسىعان دەيىن باسشىلىققا شاعىمدانعان كەزدە "كىمگە ۇنامايدى، جۇمىستان كەتە بەرسەڭىزدەر بولادى" دەگەن جاۋاپ العان. وقيعا ورنىنا پوليتسيا قىزمەتكەرلەرى تەز جەتتى.
اكتسيا باستالعاننان كەيىن شامامەن ەكى ساعات ۋاقىت وتكەن سوڭ قالالىق اكىمدىكتىڭ كولىك ءبولىمىنىڭ جەتەكشىسى سەرىكقالي جۇمانوۆ كەلدى. ول قىزمەتكەرلەردى سابىرعا شاقىرىپ، 3 تامىزدان باستاپ اۆتوپاركتىڭ جۇمىسىن باقىلايتىن تەكسەرۋ كوميسسيانىڭ جۇمىسقا كىرىسەتىنىن ايتتى.
"بەس جۇمىسشىنى تاڭدايىق تا سويلەسەيىك" دەدى ءبولىم باستىعى. ال كوپشىلىك ءبارىنىڭ ارىز-شاعىمى بارىن ايتىپ، اكىمدىك وكىلىنىڭ ۇسىنىسىمەن كەلىسپەدى.
جۇرگىزۋشىلەر اكتسيا كەزىندە جالاقىمەن قاتار، مەديتسينالىق ساقتاندىرۋ، زەينەتاقى جارناسىنىڭ جوقتىعىنا، ايىپپۇل ءجيى تولەيتىنىنە شاعىمداندى.
ء"تىپتى مي قايناتقان ىستىقتا دا جابىق باتەڭكە كيىڭدەر دەيدى. سول ءۇشىن جۇرگىزۋشىلەردى جازالايدى" دەدى نارازىلاردىڭ ءبىرى.
اۆتوپارك ۇلەسىنىڭ 49 پايىزى سەمەي اكىمدىگىنە تيەسىلى. جۇرگىزۋشىلەر اكىم ەرماك ءسالىموۆتىڭ كەلۋىن تالاپ ەتتى. ال اكىم كەلگەنمەن نارازىلارمەن كەزدەسۋدەن باس تارتتى. ول پارك اۋماعىنان ءوتىپ، ەرەۋىلگە قوسىلماي وڭاشا تۇرعان ادامدارمەن سويلەستى.
سالدەن سوڭ پوليتسيا قىزمەتكەرلەرى ادامداردى ەكى جاققا ىسىرىپ، قاقپادان بىرنەشە اۆتوبۋستىڭ وتۋىنە مۇمكىندىك جاسادى. نارازى جۇرگىزۋشىلەر ماسەلەلەرى شەشىلمەيىنشە جۇمىسقا شىقپايتىنىن ايتتى.
اۆتوپارك جۇمىسشىلارى كاسىپوداق قۇرعانىن حابارلاپ، قول جيناي باستادى. سوڭعى مالىمەت بويىنشا، وعان 78 ادام قول قويعان.
Semey Bus كومپانياسىنىڭ قىزمەتكەرلەرى جۇمىس بەرۋشىنىڭ ارەكەتىنە شاعىمدانىپ، بۇعان دەيىن دە نارازىلىق اكتسياسىنا شىققان. 14 شىلدەدە جالاقىنىڭ ون كۇنگە كەشىكتىرىلۋىنە نارازى بولعان. ولار سونىمەن بىرگە جارتىسى سەمەي اكىمدىگىنە تيەسىلى كومپانياسىن تۇتاس تەكسەرۋدى دە تالاپ ەتكەن. بيلىك كاسىپورىنعا قارجىلىق تەكسەرۋ جۇرگىزۋگە ۋادە بەرگەن.
Abai.kz
