بەلارۋس پرەزيدەنتى بۇقارالىق اقپارات قۇرالدارى جانە باسقا دا تەتىكتەر ارقىلى حالىقتىڭ ساناسىنا «لۋكاشەنكودان باسقا ەل باسقارۋعا لايىق ادام جوق، ول كەرەمەت باسقارىپ وتىر، ول ەرەكشە»، دەگەن پىكىردى سىڭىرگىسى كەلەدى.

ەلدەگى تاۋەلسىز جۋرناليستەردىڭ كوپشىلىگى قۋعىن-سۇرگىنگە ۇشىراعان. قالعاندارى سىبىرلاپ قانا سويلەيدى. ا.لۋكاشەنكو بيلىگى تۇسىندا ۆ.گونچار، يۋ.زاحارچەنكو، ا.كراسوۆسكي ت.ب. ساياساتكەرلەر ءىز-ءتۇزسىز جوعالىپ كەتكەن. ەۋروپالىق كەڭەستىڭ پارلامەنتتىك اسسامبلەيا مۇشەسى ح.پۋرگۋريدەس بۇل ادامداردىڭ جوعالىپ كەتۋىنە بەلارۋس بيلىگىن كىنالايدى، بىراق ا.لۋكاشەنكو ءوزىنىڭ بۇعان ەش قاتىسى جوقتىعىن ايتادى.

2006 جىلى ا.لۋكاشەنكونىڭ اقش-قا جانە ەۋرووداق تەررريتوريالارىنا كىرۋىنە تىيىم سالىندى. كەيىن تىيىم شارتتارى وزگەرتىلدى، بىراق الىنىپ تاستالعان جوق.

1994 جىلى وتكىزىلگەن ءبىرىنشى سايلاۋدان باسقا سايلاۋلاردىڭ بارلىعىندا ەلدە قارسىلىق اكتسيالارى وتكىزىلىپ، ول اكتسيالار وكىمەت تاراپىنان اياۋسىز باسىپ-جانشىلىپ كەلەدى. حالىقتى قورقىتىپ ۇستاپ وتىر. حالىقارالىق ۇيىمدار بەلارۋسسياداعى 1994 جىلى وتكەن ءبىرىنشى سايلاۋدان باسقا بارلىق سايلاۋدى زاڭسىز دەپ سانايدى. بىراق پرەزيدەنت وعان قىڭق ەتپەيدى، «بۇكىل دۇنيە ءجۇزى قارسى بولسا دا، ەگەر ءوزى قالاسا لۋكاشەنكو پرەزيدەنت بولا بەرەدى»، دەگەن ءسوزدى ۇلكەن مىنبەلەردەن ايتا بەرەدى.

ءلاززات دۇيسەمبەكوۆانىڭ جازباسى

Abai.kz