پرەمەر-ءمينيستردىڭ ورىنباسارى ەرالى توعجانوۆ ءبىلىم بەرۋ سالاسىنداعى كەمشىلىكتەر جايلى ايتتى.

«سوندىقتان وسىنىڭ ءبارىن ەسكەرۋىمىز كەرەك. 2200 مەكتەپتىڭ دارەتحاناسى دالادا. ەكى جىلعا جۋىق ۋاقىت ءوتتى. سوندا قايدا قاراپ وتىرمىز؟»، - دەدى پرەمەر-ءمينيستردىڭ ورىنباسارى.

وڭىرلەردە پەداگوگتار ءالى تاپشى. 200-دەن استام مەكتەپ قيرايىن دەپ تۇر. وقۋلىقتاردىڭ وڭىرلەرگە جەتكىزىلۋىنەن دە كىلتيپان تاپقان ەرالى توعجانوۆ سىلبىر جۇمىس ىستەگەن ءبىلىم باسقارمالارىنىڭ باسشىلارى، وبلىس اكىمدەرىنىڭ ورىنباسارلارى جەكە جاۋاپقا تارتىلاتىنىن ەسكەرتتى.

«بۇل ەندى نەگىزگى ماسەلەلەردىڭ ءبىرى. بۇل بۇگىن عانا كوتەرىلىپ جاتقان جوق قوي. بۇعان دەيىن تالاي رەت ايتىلعان ماسەلەلەر. سوندىقتان وسىنىڭ ءبارىن ەسكەرۋىمىز كەرەك. 2200 مەكتەپتىڭ دارەتحاناسى دالادا. ەكى جىلعا جۋىق ۋاقىت ءوتتى. سوندا قايدا قاراپ وتىرمىز؟ ءبىلىم باسقارمالارىنىڭ باسشىلارى دا، مەكتەپتىڭ باسشىلارى دا، كەشە وبلىس اكىمىنىڭ ورىنباسارلارى وسى ماسەلەگە قاتىستى جاۋاپ بەردى. «بارلىعىن 1-قىركۇيەككە دەيىن شەشەمىز» دەگەن اڭگىمە ەستىلدى»، - دەيدى پرەمەر-ءمينيسترىنىڭ ورىنباسارى ەرالى توعجانوۆ.

Abai.kz