TUT.BY سايتىنىڭ مالىمەتىنە قاراعاندا، بۇل باسىلىمنىڭ ەكى ءجۋرناليسى، سونىمەن بىرگە "سۆوبودا", "بي-بي-سي" راديولارىنىڭ، Reuters, Associated Press, "بەلسات", تاسس، "ريا نوۆوستي" اگەنتتىكتەرىنىڭ، "ناشا نiۆا", "بەلاپان", "كومسومولسكايا پراۆدا — بەلارۋس" باسىلىمدارىنىڭ قىزمەتكەرلەرى قامالعان.

ىشكى ىستەر مينيسترلىگىنىڭ مينسك قالالىق باسقارماسىنىڭ رەسمي وكىلى ناتاليا گانۋسەۆيچ قامالعان باق وكىلدەرى جەكە كۋالاندىرۋدى انىقتاۋ ءۇشىن ميليتسيا بولىمىنە جەتكىزىلگەنىن مالىمدەدى.

تاسس اگەنتتىگى رەسەيدىڭ ديپلوماتيالىق وكىلدىگىنە سىلتەمە جاساپ، مينسكىدەگى ەلشىلىك رەسەيلىك جۋرناليستەردىڭ قامالعانى تۋرالى مالىمەتتەردى تەكسەرىپ جاتقانىن جەتكىزدى.

قۇقىق قورعاۋشىلاردىڭ مالىمەتى بويىنشا، بۇل كۇنى ومون تاۋەلسىزدىك الاڭىنداعى اكتسيانىڭ 150-دەن استام بەلسەندىسىن قامادى.

بەلارۋستا 9 تامىزدا پرەزيدەنت سايلاۋى وتكەن. رەسمي مالىمەت بويىنشا قازىرگى پرەزيدەنت الەكساندر لۋكاشەنكو سايلاۋشىلاردىڭ 80 پروتسەنت داۋىسىن العان. وپپوزيتسيا سايلاۋ ناتيجەسىن مويىنداماي، كوپتەگەن بۇرمالاۋعا جول بەرىلگەنىن مالىمدەپ كەلەدى.

سايلاۋ وتكەننەن بەرى بەلارۋستا لۋكاشەنكونىڭ وتستاۆكاسىن تالاپ ەتكەن جاپپاي نارازىلىق اكتسيالار ءوتىپ جاتىر. بيلىك دەمونسترانتتارعا قارسى كۇش قولداندى. مىڭداعان ادام ۇستالىپ، ولار ومون جانە باسقا ميليتسيا وكىلدەرى تاراپىنان قۋعىندالىپ، ازاپتالعان.

Abai.kz