مەملەكەت باسشىسى قاسىم-جومارت توقاەۆ پارلامەنت پالاتالارىنىڭ بىرلەسكەن وتىرىسىندا قازاقستان حالقىنا جولداۋىن جاريالادى.

پرەزيدەنت جولداۋىنىڭ ماتىندەرى باق-تا جاريالانىپ جاتىر.

قاسىم-جومارت توقاەۆ شەنەۋنىكتەردى قىسقارتۋدى تاپسىردى. مەملەكەت باسشىسىنىڭ ايتۋىنشا، ەلىمىزدە شەنەۋنىكتەر ارمياسى 25 پايىزعا قىسقاراتىن بولدى.

«پاندەميا كەزىندە ءبىز كوپ نارسەگە كوز جەتكىزدىك. جۇمىستار قاشىقتىقتان اتقارىلدى. بيىل ءبىز 10 پايىزعا مەملەكەتتىك جانە كۆازيمەملەكەتتىك سەكتورداعى قىزمەتكەرلەردى قىقسارتامىز. ال كەلەسى جىلى 15 پايىزعا ازايتىپ تاستايمىز. شەنەۋنىكتەر ارمياسىن ازايتۋ ارقىلى قالعاندارىنىڭ ەڭبەكاقىسىن كوبەيتەمىز», – دەدى مەملەكەت باسشىسى قاسىم-جومارت توقاەۆ.

«پارامەن ۇستالعاندار ءومىر بويى مەملەكەتتىك قىزمەتكە كەلە المايتىن قاعيدا كەرەك»

پرەزيدەنت قازاقستان حالقى ءۇشىن تاعى ءبىر ماڭىزدى ماسەلە جەر ماسەلەسى تۋرالى تاعى دا ايتتى.

«كەلەسى جىلى اۋىلشارۋاشىلىعى ماقساتىنداعى جەرلەردى پايدالانۋ ماسەلەسى بويىنشا جەر كودەكسىنىڭ كەيبىر نورمالارىنا قاتىستى ەنگىزىلگەن موراتوري كۇشىن جويادى. جەرىمىز شەتەلدىكتەرگە ساتىلمايدى. بىراق ۇكمىەت اۋىل شارۋاشىلىعى جەرلەرىن تولىققاندى ەكونوميكالىق اينالىمعا ەنگىزۋدىڭ وزگە ءادىس-تاسىلدەرىن ازىرلەۋگە ءتيىس», - دەدى پرەزيدەنت.

قازاقستاندىقتار زەينەتاقى جيناعىنىڭ ءبىر بولىگىن الا الادى

مەملەكەت باسشىسى ءوزى وسىعان دەيىن ايتقانىنداي مۇعالىمدەردىڭ جالاقسى جوعارلايتىنىن جەتكىزدى.

«ءبىلىم سالاسىنداعى باستى ماسەلەنىڭ ءبىرى – ۇستازدار جالاقىسىنىڭ ازدىعى. مەن 2021 جىلدىڭ قاڭتار ايىنان باستاپ مۇعالىمدەردىڭ ەڭبەكاقىسىن 25 پايىزعا كوبەيتۋ جونىندە شەشىم قابىلدادىم. جالاقى مولشەرى الداعى ۋاقىتتا ارتا بەرەدى. بۇل ماقساتقا الداعى ءۇش جىلدا قوسىمشا 1,2 ترلن تەڭگە بولىنەدى», -دەدى پرەزيدەنت.

پرەزيدەنتكە تىكەلەي باعىناتىن اگەنتتىك قۇرىلادى

سونداي-اق، ەلىمىزدەگى ەڭ ءىرى حولدينگتەر – «قازاگرو» مەن «بايتەرەك» بىرىگەتىن بولدى. توقاەۆتىڭ ايتۋىنشا، كەزىندە قۇرىلعان ەكى كومپانيا قازاقستانداعى يندۋستريالاندىرۋ جۇمىستارىنا ەرەكشە ۇلەس قوسقان.

«قازىر ءبىز مۇلدەم باسقا جاعدايدا تۇرمىز. «بايتەرەك» پەن «قازاگرو» حولدينگتەرىن بىرىكتىرىپ، قارجىلىق مۇمكىندىگى اناعۇرلىم زور مەكەمە قۇرۋ كەرەك. وسى رەتتە شتات سانىن 50%-عا قىسقارتۋ كەرەك», - دەپ تاپسىرما بەردى توقاەۆ.

مەملەكەت باسشىسى ەلىمىزدەگى جاساندى بالا ءسۇيۋ پروتسەدۋراسىنا بولىنەتىن كۆوتا سانىن جەتى ەسەگە ارتتىرۋدى تاپسىردى.

«ۇكىمەتكە 2021 جىلدان باستاپ «اڭساعان ءسابي» اتتى ارنايى باعدارلاما باستاۋدى تاپسىرامىن. جاساندى جولمەن بالا كوتەرۋ باعدارلاماسىنداعى كۆوتا سانىن جەتى مىڭعا دەيىن كوبەيتۋدى تاپسىرامىن. ياعني، كۆوتا سانى قازىرگىدەن جەتى ەسەگە ارتادى», - دەدى پرەزيدەنت.

Abai.kz