الماتى. 15 جەلتوقسان. قازتاگ - ءمادينا ءالىمحانوۆا. الماتى ءماسليحاتىنىڭ دەپۋتاتتىعىنا 201 كانديدات ۇسىنىلدى، ونىڭ 114-ءى - ءوزىن-ءوزى ۇسىنعاندار، دەپ حابارلادى الماتى سايلاۋ كوميسسياسىنىڭ توراعاسى باقىتجان دوسپانوۆ.

«14 جەلتوقساندا ساعات 24-تە ءماسليحات پەن ءماجىلىس سايلاۋى بويىنشا ناۋقاننىڭ ءبىرىنشى كەزەڭى اياقتالدى. 14 جەلتوقساندا 24.00-دە ماسليحاتقا 201 كانديداتۋرا ۇسىنىلدى، ونىڭ 65-ءى تىركەلدى، 4-ەۋى كانديداتۋرالارىن قايتارىپ الدى. 114 كانديدات - ءوزىن-ءوزى ۇسىنعاندار، قالعاندارىن قوعامدىق بىرلەستىكتەر ۇسىنعان»، - دەدى ب.دوسپانوۆ بەيسەنبى كۇنى ءباسپاسوز ءماسليحاتىندا.

ب.دوسپانوۆتىڭ حابارلاۋىنشا، ساياسي پارتيالار مەن قوعامدىق بىرلەستىكتەر 66 ادامدى ۇسىندى، سونىڭ ىشىندە «نۇر وتان» حدپ-سىنان - 34, قحكپ-دان - 2, قپپ - 1, ادىلەت - 9, جسدپ -1, اق جول - 12, رۋحانيات -1, قوعامدىق ۇيىمداردان 26 ادام ۇسىنىلدى. 201 كانديداتتىڭ 153-ءى - ەرلەر، 48-ءى - ايەلدەر، 26 ادامنىڭ جاسى 30-عا جەتپەگەن، 175-ءىنىڭ جاسى 30-دا جانە ودان اسقان، 179-ىنىڭ جوعارعى ءبىلىمى بار، 9-ىنىڭ ورتا ارنايى جانە 12-ءسىنىڭ ورتا ءبىلىمى بار.

ب.دوسپانوۆتىڭ ايتۋىنشا، كانديداتتاردىڭ اراسىندا 11 ۇلتتىڭ وكىلدەرى بار.

الماتى. 15 جەلتوقسان. قازتاگ - ءمادينا ءالىمحانوۆا. الماتى ءماسليحاتىنىڭ دەپۋتاتتىعىنا 201 كانديدات ۇسىنىلدى، ونىڭ 114-ءى - ءوزىن-ءوزى ۇسىنعاندار، دەپ حابارلادى الماتى سايلاۋ كوميسسياسىنىڭ توراعاسى باقىتجان دوسپانوۆ.

«14 جەلتوقساندا ساعات 24-تە ءماسليحات پەن ءماجىلىس سايلاۋى بويىنشا ناۋقاننىڭ ءبىرىنشى كەزەڭى اياقتالدى. 14 جەلتوقساندا 24.00-دە ماسليحاتقا 201 كانديداتۋرا ۇسىنىلدى، ونىڭ 65-ءى تىركەلدى، 4-ەۋى كانديداتۋرالارىن قايتارىپ الدى. 114 كانديدات - ءوزىن-ءوزى ۇسىنعاندار، قالعاندارىن قوعامدىق بىرلەستىكتەر ۇسىنعان»، - دەدى ب.دوسپانوۆ بەيسەنبى كۇنى ءباسپاسوز ءماسليحاتىندا.

ب.دوسپانوۆتىڭ حابارلاۋىنشا، ساياسي پارتيالار مەن قوعامدىق بىرلەستىكتەر 66 ادامدى ۇسىندى، سونىڭ ىشىندە «نۇر وتان» حدپ-سىنان - 34, قحكپ-دان - 2, قپپ - 1, ادىلەت - 9, جسدپ -1, اق جول - 12, رۋحانيات -1, قوعامدىق ۇيىمداردان 26 ادام ۇسىنىلدى. 201 كانديداتتىڭ 153-ءى - ەرلەر، 48-ءى - ايەلدەر، 26 ادامنىڭ جاسى 30-عا جەتپەگەن، 175-ءىنىڭ جاسى 30-دا جانە ودان اسقان، 179-ىنىڭ جوعارعى ءبىلىمى بار، 9-ىنىڭ ورتا ارنايى جانە 12-ءسىنىڭ ورتا ءبىلىمى بار.

ب.دوسپانوۆتىڭ ايتۋىنشا، كانديداتتاردىڭ اراسىندا 11 ۇلتتىڭ وكىلدەرى بار.

«ۇلتتىق قۇرام جەتكىلىكتى دەڭگەيدە كەڭىنەن ۇسىنىلىپ وتىر. قازاقتار - 154, ورىستار -30, ۇيعىرلار - 4, كورەيلەر - 3, ۋكرايندار - 2, بەلورۋستار - 1, تاتارلار - 1, ازەربايجاندار - 1, تۇرىكتەر - 1, ەۆرەي - 1, كۇردتەر - 1»، - دەدى ول.

«بىزدە ءماسليحات دەپۋتاتتىعىنا كانديدات رەتىندە ۇسىنىلعانداردىڭ جارتىسىنا جۋىعى - بيزنەس وكىلدەرى. 2-ەۋى - مەملەكەتتىك قىزمەتكەرلەر، 28-ءى مەملەكەتتىك مەكەمەلەردىڭ قىزمەتكەرلەرى، 84-ءى - كوممەرسانت، 3-ەۋى قوعامدىق بىرلەستىكتەردىڭ جۇمىسكەرلەرى، 2-ەيى - زەينەتكەرلەر، 19-ى جۇمىسسىز، 62-ءسى باسقالار»، - دەدى ب.دوسپانوۆ.

الماتى سايلاۋ كوميسسياسىنىڭ اقپاراتىنا سايكەس، ءماسليحاتتىڭ بۇرىنعى قۇرامىنان 37 ادامنىڭ 23-ءى كانديداتۋرالارىن ۇسىندى.

ب.دوسپانوۆتىڭ ايتۋىنشا، سايلاۋ وكرۋگتارى بويىنشا كانديداتتاردىڭ سانى بىركەلكى ەمەس.

«وكرۋگتار بويىنشا ادامداردىڭ سانى بىردەي ەمەس. بىزدە نەبارى 2 ادامنان عانا ۇسىنىلعان وكرۋگتار بار. وندا 5 وكرۋگ بار. 8-9 ادامنان ۇسىنىلعان وكرۋگتار بار. بۇل سايكەسىنشە 3 جانە 2 وكرۋگ»، - دەپ حابارلادى ول.

ب.دوسپانوۆتىڭ ايتۋىنشا، الماتىدا 517 سايلاۋ كوميسسياسى جۇمىس ىستەيدى، ونىڭ ىشىندە قالالىق، 7 اۋداندىق، 37 وكرۋگتىق جانە 472 ۋچاسكەلىك سايلاۋ كوميسسياسى. سايلاۋشىلاردىڭ تىزىمدەرىنە توقتالعان ول كۇنتىزبەلىك جوسپارعا سايكەس سايلاۋشىلاردىڭ تىزىمدەرى ۋچاسكەلىك سايلاۋ كوميسسيالارىندا سايلاۋعا 20 كۇن قالعاندا ىلىنەدى.

«بۇگىن «ۆەچەرني الماتى» جانە «الماتى اقشامى» گازەتتەرىندە call-ورتالىقتار قۇرىلعانى تۋرالى اقپارات جاريالاندى. ءار ادام ءوزىنىڭ قاي سايلاۋ ۋچاسكەسىندە تىركەلگەنىن بىلە الادى»، - دەدى الماتى سايلاۋ كوميسسياسى توراعاسىنىڭ ورىنباسارى جاننا اسانوۆا.

ب.دوسپانوۆتىڭ اتاپ كورسەتۋىنشە، ءماسليحات سايلاۋى ناۋقانىنىڭ كەلەسى كەزەڭى -دەپۋتاتتىققا كانديداتتاردى تىركەۋ 20 جەلتوقساندا 24.00-دە اياقتالادى.