جۇما, 29 ناۋرىز 2024
پىكىر 2420 3 پىكىر 2 قىركۇيەك, 2020 ساعات 11:07

پرەزيدەنت پوپۋليزممەن ەمەس، ناقتى ىسپەن اينالىسۋ كەرەكتىگىن ەسكەرتتى

مەملەكەت باسشىسى قازاقستان حالقىنا ءداستۇرلى جولداۋىن جاريالادى. وتكەن جىلعى قر پرەزيدەنت سايلاۋىندا «ساباقتاستىقتى» تۋ ەتىپ، ەلباسى نۇرسۇلتان نازارباەۆتان كەيىن ەل تىزگىنىن ۇستاعان قاسىم-جومارت توقاەۆتى بۇگىنگى كۇردەلى زاماننىڭ اسا اۋىر سىندارى قارسى الدى. پرەزيدەنتتىڭ كەشەگى جولداۋى دا سىندارلى كەزەڭنەن قالاي ءوتۋ جايىندا بولدى.

«قازىرگى كۇردەلى جاعدايدا الدىمىزدا تۇرعان باستى مىندەت – الەۋمەتتىك-ەكونوميكالىق تۇراقتىلىقتى، جۇمىس ورىندارىن جانە حالىقتىڭ تابىسىن ساقتاپ قالۋ»، – پرەزيدەنت قاسىم-جومارت توقاەۆ داعدارىسقا قارسى 2023  جىلعا دەيىن شامامەن 1 تريلليون تەڭگەدەن استام قارجى ءبولۋ جوسپارلانىپ وتىرعانىن ايتىپ ءوتتى. حالىقارالىق ساراپشىلاردىڭ پىكىرىن ەسكەرە وتىرىپ، جاساعان پرەزيدەنتىمىزدىڭ پاندەمياعا قارسى بۇل قادامدارى قازىرگى قيىندىقتى قالايدا ەڭسەرەتىنىمىزگە سەنىم بەرەدى.

سونداي-اق، پرەزيدەنت بيىلعى جولداۋىندا حالىقتىڭ ءال-اۋقاتىن كوتەرۋگە، جەمقورلىققا قارسى كۇرەستى كۇشەيتۋگە، ازاماتتاردىڭ قۇقىقتارىن قورعاۋعا باعىتتالعان ناقتى ءىس-قيمىل جوسپارىن دا اتاپ ءوتتى. ءبىلىم بەرۋ مەن دەنساۋلىق ساقتاۋ سالاسىن دامىتۋعا كوڭىل بولىنەتىنى ايتىلدى.

پرەزيدەنتتىڭ جولداۋىن الەۋمەتتىك جەلى قولدانۋشىلارى تالقىلاپ، كوبى جىلى لەبىزدەرى مەن سەنىمىن ءبىلدىرىپ جاتىر. بۇل سىندارلى كەزەڭنەن بىرگە شىعۋعا دەگەن ەلدىڭ تالپىنىسىن كورسەتسەك كەرەك.

ارينە ەل بولعان سوڭ، ەل ىشىندە الا دا، قۇلا دا بولدى. سوعان وراي سانالۋان پىكىرلەر دە بولادى. وسى سان الۋان پىكىر يەلەرىنىڭ باسىن پرەزيدەنت وتكەن جىلى ۇلتتىق سەنىم كەڭەسىنىڭ اياسىندا قوسقان بولاتىن. قاسىم-جومارت توقاەۆ بۇل جولعى جولداۋىندا ۇلتتىق قوعامدىق سەنىم كەڭەسى ازاماتتىق ديالوگتى دامىتۋ ىسىنە تىڭ سەرپىن بەرگەنىن، سونىڭ ناتيجەسىندە ساياسي رەفورمالار توپتاماسى جۇزەگە اسىرىلىپ جاتقانىن ايتىپ ءوتتى. قازاق زيالىلارىنىڭ جاڭا كەزەڭدەگى مىندەتى – ۇلت بولمىسىنىڭ جاڭا قاعيداتتارىن ورنىقتىرۋ، سونداي-اق، ۇلت ساپاسىن ارتتىرۋعا اتسالىسۋ ەكەنىن دە ەسكەرتتى.

«ءبىزدىڭ ەلىمىزدە «جاۋاپتى مەملەكەت – جاۋاپتى قوعام – جاۋاپتى ادام» جۇيەسى بەرىك ورنىعۋى كەرەك. ءبىز ءبىر ورىندا تۇرعان جوقپىز. ساياسي جۇيەمىزدى جاڭا جاعدايعا بەيىمدەپ، ونى بىرتىندەپ جەتىلدىرىپ كەلەمىز. ساياسي رەفورمالار قوعامىمىزعا قاجەت، سوندىقتان ولار مىندەتتى تۇردە ءوز جالعاسىن تابادى. دەموكراتيانىڭ باستى جاۋى – بىلىمسىزدىك پەن پوپۋليزم. وسىنى ەستەن شىعارماعان ءجون. ازاماتتارىمىز رەفورمالارعا قولداۋ بىلدىرەدى دەپ سەنەمىن. ولار جاڭا ساياسي مۇمكىندىكتەردىڭ ارقاسىندا قوعامدا «حايپوكراتيانىڭ» بەلەڭ الۋىنا جول بەرمەيدى دەپ ۇمىتتەنەمىن»، – دەپ پرەزيدەنت بارلىق رەفورمالاردىڭ، وزگەرىستەردىڭ تابىستى جۇزەگە اسۋى بارشامىزدىڭ بىرلىگىمىزگە، وتانشىلدىعىمىزعا جانە ازاماتتىق جاۋاپكەرشىلىگىمىزگە بايلانىستى ەكەنىن ەسكەرتتى.

پرەزيدەنتتىڭ سايلاۋ الدى باعدارلاماسىنىڭ، جولداۋلارىنىڭ دا، ءبىزدىڭ ارمان-مۇراتىمىزدىڭ دا ورىندالۋى وسى ەلدىڭ بەركە-بىرلىگى مەن ازاماتتاردىڭ بىلىمگە دەگەن قۇلشىنىسىنا بايلانىستى. قازىرگى ءتۇرلى سىن-قاتەرگە توتەپ بەرىپ، ەلىمىزدىڭ كوركەيىپ-گۇلدەنگەنىن كورۋ پوپۋليزممەن ەمەس، ناقتى ىسپەن جۇزەگە اسادى. پرەزيدەنتتىڭ ايتقانى دا – وسى.

ءومارالى ادىلبەكۇلى،

«جەبەۋ» رەسپۋبليكالىق قوعامدىق بىرلەستىگىنىڭ توراعاسى

Abai.kz

3 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1578
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2276
عيبىرات

قايسار رۋحتى عازيز جان

مۇحتار قۇل-مۇحاممەد 3593