جاڭاوزەن بۇگىن:

جاڭاوزەندەگى جاعدايعا بايلانىستى جەدەل تەرگەۋ توبىن باستاپ اتالعان قالاعا كەشە كەشكە جەتكەن ىشكى ىستەر ءمينيسترى قالمۇحانبەت قاسىموۆ: «جاڭاوزەندەگى تارتىپسىزدىكتەر باسىلدى. قالا تىنىش. الاڭدا ەشكىم جوق»،-دەپ «ينتەرفاكس-قازاقستان» اقپاراتتىق اگەنتتىگىنە تەلەفون ارقىلى حابارلاعان.

ءمينيستردىڭ مالىمەتىنە سايكەس، كەشەگى تارتىپسىزدىك سالدارىنان 10 ادام قازا تاۋىپ، 75 ادام ءتۇرلى جاراقاتپەن اۋرۋحاناعا تۇسكەن. جانە التى پوليتسەي جاراقات السا، ونىڭ بىرەۋى اۋىر حالدە جاتقان كورىنەدى. ءارى تارتىپسىزدىككە قاتىسى بولۋى مۇمكىن دەگەن كۇدىكپەن 70 ادام ۇستالعان.

مينيستر قاسىموۆ جاڭاوزەندەگى تارتىپسىزدىكتى كىنالى جۇمىستان شىعارىلعان مۇنايشىلار بولعانىن ايتادى. ولار اۋەلى الاڭداعى مەرەكەلىك شارالاردىڭ وتۋىنە قارسى شىعىپ، سوسىن توناۋشىلىقپەن اينالىسقان دەيدى مينيستر.

الايدا، جاڭاوزەندە ۇزاق ۋاقىتتان بەرى ەرەۋىلدەپ جاتقان مۇنايشىلاردىڭ ءبىرى ورازباي تۇرسىنباەۆ ازاتتىق راديوسىنا بەرگەن تۇسىنىكتەمەسىندە جەرگىلىكتى بيلىككە ەسكەرتۋ جاساعاندارىن ايتادى:
- مەن ءوز قولىممەن جاڭاوزەن قالاسى پروكۋرورى مارات تويجانعا، قالا اكىمى  وراق سارىبوپەەۆتىڭ كەڭسەسىنە اپارىپ، ەسكەرتۋ حات تاپسىردىم جانە تىركەتتىم. وندا  «16-سى كۇنى تويدىڭ توپالاڭى شىعۋى مۇمكىن، بىراق ونى ەرەۋىلشىلەردەن كورمەڭدەر، حالىقتىڭ نارازىلىعى ءپىسىپ كەلەدى» دەپ بايانداعان ەدىك.

جاڭاوزەن بۇگىن:

جاڭاوزەندەگى جاعدايعا بايلانىستى جەدەل تەرگەۋ توبىن باستاپ اتالعان قالاعا كەشە كەشكە جەتكەن ىشكى ىستەر ءمينيسترى قالمۇحانبەت قاسىموۆ: «جاڭاوزەندەگى تارتىپسىزدىكتەر باسىلدى. قالا تىنىش. الاڭدا ەشكىم جوق»،-دەپ «ينتەرفاكس-قازاقستان» اقپاراتتىق اگەنتتىگىنە تەلەفون ارقىلى حابارلاعان.

ءمينيستردىڭ مالىمەتىنە سايكەس، كەشەگى تارتىپسىزدىك سالدارىنان 10 ادام قازا تاۋىپ، 75 ادام ءتۇرلى جاراقاتپەن اۋرۋحاناعا تۇسكەن. جانە التى پوليتسەي جاراقات السا، ونىڭ بىرەۋى اۋىر حالدە جاتقان كورىنەدى. ءارى تارتىپسىزدىككە قاتىسى بولۋى مۇمكىن دەگەن كۇدىكپەن 70 ادام ۇستالعان.

مينيستر قاسىموۆ جاڭاوزەندەگى تارتىپسىزدىكتى كىنالى جۇمىستان شىعارىلعان مۇنايشىلار بولعانىن ايتادى. ولار اۋەلى الاڭداعى مەرەكەلىك شارالاردىڭ وتۋىنە قارسى شىعىپ، سوسىن توناۋشىلىقپەن اينالىسقان دەيدى مينيستر.

الايدا، جاڭاوزەندە ۇزاق ۋاقىتتان بەرى ەرەۋىلدەپ جاتقان مۇنايشىلاردىڭ ءبىرى ورازباي تۇرسىنباەۆ ازاتتىق راديوسىنا بەرگەن تۇسىنىكتەمەسىندە جەرگىلىكتى بيلىككە ەسكەرتۋ جاساعاندارىن ايتادى:
- مەن ءوز قولىممەن جاڭاوزەن قالاسى پروكۋرورى مارات تويجانعا، قالا اكىمى  وراق سارىبوپەەۆتىڭ كەڭسەسىنە اپارىپ، ەسكەرتۋ حات تاپسىردىم جانە تىركەتتىم. وندا  «16-سى كۇنى تويدىڭ توپالاڭى شىعۋى مۇمكىن، بىراق ونى ەرەۋىلشىلەردەن كورمەڭدەر، حالىقتىڭ نارازىلىعى ءپىسىپ كەلەدى» دەپ بايانداعان ەدىك.

سونداي-اق، جاڭاوزەندەگى جاعداي تالقىلانىپ جاتقان تۆيتتەر الەۋمەتتىك جەلىسى ۋاقىتشا جابىلىپ تۇر. ال، قازىرگى كەزدە استانادا قاۋىپسىزدىك كەڭەسىنىڭ شۇعىل وتىرىسى ءوتىپ جاتقان كورىنەدى. سونىمەن بىرگە، ەلدەگى بىرقاتار ساياسي-قوعامدىق قوزعالىستار جاڭاوزەندەگى توتەنشە وقيعاعا بايلانىستى ۇندەۋ جاريالاماق. بۇل تۋرالى قوسىمشا حابارلايتىن بولامىز.

«اباي-اقپارات»

جاڭاوزەن كەشە:

جاڭاوزەندەگى توتەنشە وقيعاعا بايلانىستى بريفينگ (http://prokuror.kz/rus/novosti2/?cid=0&rid=4193) وتكىزگەن باس پروكۋرور اسحات داۋىلباەۆ جاڭاوزەندەگى جاپپاي تارتىپسىزدىك سالدارىنان 10 ادام قازا تاۋىپ، اكىمشىلىك، قوناق ۇيلەر عيماراتتارى مەن «وزەنمۇنايگاز» وندىرىستىك بولىمشەسىنىڭ كەڭسەسى جانە اۆتوموبيلدەر ورتەنىپ، بانكوماتتار تونالعانىن مالىمدەدى.

«جاڭاوزەندەگى تارتىپسىزدىكتەردى توقتاتىپ، تارتىپسىزدىكتى ۇيىمداستىرۋشىلاردى تاۋىپ، جازالاپ قالاداعى قوعامدىق ءتارتىپتى قالپىنا كەلتىرۋ ءۇشىن ەلباسىنىڭ تاپسىرماسىمەن ءىىم ءمينيسترى قالمۇحانبەت قاسىموۆ باستاعان جەدەل تەرگەۋ توبى جاڭاوزەن قالاسىنا ۇشىپ كەتتى» دەدى اسحات داۋىلباەۆ.

داۋىلباەۆتىڭ مالىمدەمەسىنە قاراعاندا، زاڭسىز ارەكەتتەردى توقتاتۋعا شاقىرعان قۇقىق قىزمەتكەرلەرىنە جاپپاي تارتىپسىزدىك تۋدىرعاندار قارۋ تارتىپ الۋ ماقساتىندا قارسى شابۋىل جاساعان. جانە ولار سۋىق قارۋ قولدانعان.

«اباي-اقپارات»