باقىتبەك سماعۇل. اينالايىن، قازاعىم، ءبىر-بىرىڭە كەكتەنبە!
يا، جاراتقان، ارۋاق! اقيقاتقا جۇگىندىر.
قارقالازي كۇن ەدى، دۋمانداتقان بۇگىن ءدۇر.
اڭساپ جەتكەن ارماندى ىلاڭ قىلىپ نەتكەنى،
ەل ەمەس پە ەك قازاعىم نامىسى ءبىر، ءتۇبىڭ ءبىر.
بولاتىن ەل قاشاندا، ىنتىماقپەن وسەدى،
قاتەلەسسە ەركەسى، ەسى بارى كەشەدى.
ەر قوساي مەن ەر شوتان وسى ازات كۇن ءۇشىن،
نايزا ىلگەن بىلەككە ءپىر بەكەتتەر كەشەگى.
نەگە ايتىپ وتىرمىن وي جىبەرىپ وتكەنگە،
ەركىندىككە وسىناۋ ءولىپ-تالىپ جەتكەندە.
شىرقىن بۇزىپ شاتتىقتىڭ، دوس-دۇشپانعا تابا بوپ،
اينالايىن قازاعىم ءبىر-بىرىڭە كەكتەنبە.
اقىلعا سال ءبارىن دە، اسىل ەلىم سالماقتاپ،
قادىرىنە جەتەيىك بەيبىت كۇندى ارداقتاپ.
جەمتىك اڭدىپ جۇرگەن كوپ، بولىنگەندى ءبولىپ جەپ،
قارعا-قۇزعىن تونبەسىن توبەمىزدەن قالباقتاپ...!
يا، جاراتقان، ارۋاق! اقيقاتقا جۇگىندىر.
قارقالازي كۇن ەدى، دۋمانداتقان بۇگىن ءدۇر.
اڭساپ جەتكەن ارماندى ىلاڭ قىلىپ نەتكەنى،
ەل ەمەس پە ەك قازاعىم نامىسى ءبىر، ءتۇبىڭ ءبىر.
بولاتىن ەل قاشاندا، ىنتىماقپەن وسەدى،
قاتەلەسسە ەركەسى، ەسى بارى كەشەدى.
ەر قوساي مەن ەر شوتان وسى ازات كۇن ءۇشىن،
نايزا ىلگەن بىلەككە ءپىر بەكەتتەر كەشەگى.
نەگە ايتىپ وتىرمىن وي جىبەرىپ وتكەنگە،
ەركىندىككە وسىناۋ ءولىپ-تالىپ جەتكەندە.
شىرقىن بۇزىپ شاتتىقتىڭ، دوس-دۇشپانعا تابا بوپ،
اينالايىن قازاعىم ءبىر-بىرىڭە كەكتەنبە.
اقىلعا سال ءبارىن دە، اسىل ەلىم سالماقتاپ،
قادىرىنە جەتەيىك بەيبىت كۇندى ارداقتاپ.
جەمتىك اڭدىپ جۇرگەن كوپ، بولىنگەندى ءبولىپ جەپ،
قارعا-قۇزعىن تونبەسىن توبەمىزدەن قالباقتاپ...!
