«تۋريزم سالاسى – اسا كۇردەلى سالالاردىڭ ءبىرى. قازاقستاننىڭ تۋريستىك الەۋەتى مول. سول ءۇشىن ءبىز وسى سالا ماماندارىن دايارلاۋعا دەن قويۋىمىز كەرەك. سول ءۇشىن دە تۋريزم ۋنيۆەرسيتەتىن اشۋ تۋرالى شەشىم قابىلدادىق»، - دەگەن ەدى پرەزيدەنت توقاەۆ.

الەمدى ابىگەرگە سالعان سovid-19 پاندەمياسى دۇنيەجۇزى ەلدەرىندەگى ءتۇرلى سالالاردىڭ تىرشىلىگىن تەجەپ، تۇرمىسىن تۇرالاتقانى بەلگىلى. وكىنىشكە وراي ىندەت قازاقستاندى دا اينالىپ وتپەدى. ناۋرىز ايىنىڭ ورتا شەنىنەن باستاپ مەملەكەت باسشىسى قاسىم-جومارت توقاەۆتىڭ تىكەلەي تاپسىرماسىمەن، ەلدە توتەنشە جاعداي جاريالاندى. ىندەتتىڭ بەتىن قايتارۋ ءۇشىن ارنايى كوميسسيا قۇرىلىپ، بىرقاتار اۋقىمدى شارالار اتقارىلدى. ۇكىمەت تاراپىنان قابىلدانعان شەكتەۋ شارالارى ءوز ناتيجەلەرىن بەرىپ، تامىز ايىنىڭ باسىنان باستاپ ىندەت قاۋپى سەيىلە باستادى. وسىدان كەيىن-اق، قاتاڭ كارانتيندىك شەكتەۋلەر كەزىندە قىزمەتىنە توقتاۋ سالىنعان بىرقاتار سالالار قايتا اشىلىپ، جۇمىستارى جاندانا باستادى. وسىنداي سالانىڭ ءبىرى – قازاقستاننىڭ تۋريزم سالاسى.

ءتۋريزمنىڭ ءتۇرى كوپ. ءبىز بۇگىن ىشكى تۋريزم جايىن ءسوز ەتكەندى ءجون كوردىك. قازاقستان ىشكى جانە سىرتقى ءتۋريزمدى دامىتۋ ماقساتىندا 2025 جىلعا دەيىنگى ارالىقتى قامتيتىن ارنايى مەملەكەتتىك باعدارلاما قابىلداعان.

مەملەكەت باسشىسى بىلتىر «ۇلىتاۋ 2019» حالىقارالىق تۋريستىك فورۋمىندا قازاقستانداعى ءتۋريزمدى دامىتۋدىڭ ماڭىزدىلىعى تۋرالى ەگجەي-تەگجەيلى ايتقان ەدى. «قازاقستانعا كەلۋشىلەردىڭ سانىن 9 ميلليونعا جەتكىزۋ مىندەت»، دەپ سويلەگەن. ال ولارعا قىزمەت كورسەتۋشى «پەرسونالداردىڭ» سانىن 650 مىڭع ادامعا دەيىن جەتكىزۋ تۋرالى ۇكىمەتكە، ونىڭ ىشىندە قر مادەنيەت جانە سپورت مينيسترلىگىنە تاپسىرما بەرگەن.

ال كوروناۆيرۋس پەن كوروناۆيرۋس پنەۆمونياسى قوس بۇيىردەن قىسقان تار كەزەڭدە قازاقستاننىڭ تۋريزم سالاسى 6,3 ميلليارد تەڭگەنىڭ تابىسىنان قاعىلعان ەكەن. بۇل تۋالى قر مادەنيەت جانە سپورت مينيسترلىگى مالىمدەدى.

ال قر ۇكىمەتىنىڭ تۋريستىك سالانى دامىتۋعا باعىتتالعان 2019-2025 جىلدارعا ارنالعان مەملەكەتتىك باعدارلاماسىنا سايكەس، اتالمىش سالا ينۆەستورلارى ءۇشىن پرەفەرەنتسيالىق رەجيم ەنگىزۋ جوسپارلانىپ وتىر ەكەن. ول بويىنشا تۋريزم سالاسىنىڭ ينۆەستورلارىن ۋاقىتشا زاتتاي گرانتتار ءبولىپ، كتس تولەۋدەن، جەر جانە زات سالىعىن تولەۋدەن بوساتۋ كوزدەلگەن. اتاپ ايتقاندا، باسىم ينۆەستيتسيالىق جوبالاردىڭ شەكتىك دەڭگەيىن، ازايتۋ، سونىڭ ىشىندە توپ 10 تۋريستىك ورتالىقتارتى كەم دەگەندە 200 مىڭ اەك-كە تومەندەتۋ جانە بۇكىل قازاقستان بويىنشا 1 ميلليون اەك-تەن كەم ەمەس شەكتىك مولشەر بەكىتۋ ۇسىنىلعان.

سونىمەن قازاقستانداعى ەڭ ۇزدىك جانە حالىقتىق سۇرانىسقا يە دەگەن ۇزدىك ون تۋريستىك ورتالىق قانداي؟ بۇل تىزىمگە قازاقستاننىڭ قاي جەرلەرى كىرەدى؟ ءبىر شولىپ شىقتىق...

1. الاكول. قازاقستاندىقتار ىشىندە سۇرانىسقا ەڭ كوپ يە – ول الاكول ەكەن. تۋريستىك الەۋەتى 2,5 ميلليون ادامدى قۇراسا، قازىرگى ماسششتاب 772 مىڭ ءتۋريستى قامتىپ وتىر.

2. الماتىنىڭ تاۋ كلاستەرلەرى. مۇنداعى تۋريستىك سىيىمدىلىق تا 2,5 ميلليون ادامعا دەپ ولشەنگەن ەكەن. ازىرگە قامتىلىپ وتىرعانى – جىلىنا 500 مىڭ تۋريست.

3. بۋراباي-ششۋچينسكى كۋرورتتىق ايماعى. ەلىشىلىك ءھام شەتەلدىك سۇرانىسقا يە كۋرورتتىق ايماقتىڭ سىيىمدىلىعى جىلىنا 2 ميلليون ادامدى قۇراسا، قازىرگى ورىندالىپ وتىرعانى – 750 مىڭدى قۇراعان.

4. باياناۋىل كۋرورتتىق ايماعى. مۇنداعى جىلدىق پوتەنتسيال – 450 مىڭ ءتۋريستى قامتىسا، ورىندالىپ وتىرعانى 200 مىڭ ادام.

5. يمانتاۋ-شالقار كۋرورتتىق ايماعى. جىلدىق پوتەنتسيالى 400 مىڭ ادامدى قۇرايدى. بيىلعى جىلداعى ماسششتاب 130 مىڭ ءتۋريستى قامتىعان.

6. بالقاش كولى. ءبىر جىلدىق تۋريستىك پوتەنتسيالى 400 مىڭ ادامدى قۇرايدى. بيىلعى جىلعى كەلۋشىلەر سانى 130 مىڭ ءتۋريستى قامتىعان.

7. تۇركىستان تاريحي ءوام مادەني ءتۋريزمىن دامىتۋ. بۇل ايماقتىڭ تۋريستىك الەۋەتى 1,5 ميلليون ادامدى قۇرايدى ەكەن. بيىلعى جىلداعى اعىم 500 مىڭ ادامعا جەتكەن.

8. ماڭعىستاۋدىڭ جاعاجاي ءتۋريزمى. جىلدىق پوتەنتسيالى 750 مىڭ ادامدى قامتيدى.

9. نۇر-سۇلتانداعى MICE تۋريزم. جىلدىق پوتەنتسيالى 1 ميلليون تۋريست.

10. «بايقوڭىر» تۋريستىك ايماعىن دامىتۋ. تۋريستىك ويىن-ساۋىق حابى رەتىندە پوتەنيالى 250 مىڭ ترۋيستەن 500 مىڭ تۋريسكە دەيىن جەتكىزۋ جوسپارلانعان.

«بۇل جەڭىلدىك جاسالاتىن تۋريستىك ورتالىقتار تىزىمىنە ەنگەن وبەكتىلەردە قوناق ۇيلەر مەن وتەلدەردى، دەمالىس بازالارىن، تەماتيكالىق پاركتەر مەن ويىن-ساۋىق ورتالىقتارىن ت.ب. تۋريستىك ينفراقۇرىلىمداردى دامىتۋعا ۇلكەن كومەك بولادى»، - دەيدى قر مادەنيەت جانە سپورت مينيسترلىگى.

مينيسترلىكتىڭ اقپاراتىنا سۇيەنسەك، بۇل جوبالار جۇزەگە اسىرىلاتىن بولسا، 9,1 مىڭ ادامدى جاڭا جۇمىس ورنىمەن قامتۋعا جانە ەل بيۋدجەتىنە 3,3 ميلليارد تەڭگە قوسىمشا تابىس اكەلۋگە بولادى ەكەن.

Abai.kz