ارقالىق قالاسىنىڭ ىرگەسىندەگى اشۋتاستى اۋىلىندا ايدوس ەسماعامبەتوۆ دەگەن ءبىر تالانت بار. تەڭدەسسىز تالانتى تاس قانا جارماي، تاۋ قوپارادى! تالابىنا نۇر جاۋعاندا دا، تامشىلاي سالماعان. تابانسىزدىقتىڭ تابىن شايىپ جىبەرگەن!

ايدوس العاش رەت ەلباسىنىڭ 70 جىلدىق مەرەيتويىنا ارناپ، تازا سيليكوننان ول كىسىنىڭ ءمۇسىنىن جاسادى. ءبىر جىل ەڭبەكتەنىپ، بويىن، دەنە ءبىتىمىن، ءتۇر-الپەتىن قاز-قالپىندا بەرە الدى. ءتىپتى، ادەتتەگى ءتىسىن كورسەتە كۇلەتىن بەت ميميكاسىن، تۇرعان تۇرىسىن ءدال كورسەتە ءبىلدى. ونى ءبىز «ايقىن»، «نۇر استانا»، «ۆرەميا» گازەتتەرى بار، «شۋاق» جۋرنالى بار، ءبارىمىز بۇرقىراتا جازدىق. «كتك»، «استانا» تەلەارنالارى دا جاڭالىقتاردان جىلت ەتكىزىپ ءبىر-ءبىر كورسەتىپ جىبەردى. ايدوستىڭ ءوزى ءمۇسىندى شىلدەنىڭ 6-سىنا دەيىن تولىقتاي جاساپ ۇلگەرمەي، استاناعا كۇزگە قاراي كەلدى. «تۋعان كۇننىڭ وزىنە ۇلگەرمەسەم دە، «يگىلىكتىڭ ەرتە-كەشى جوق» دەگەندەي، 70 جاسقا تولعانى بيىل عانا عوي»،- دەگەن جەلەۋمەن پرەزيدەنت اكىمشىلىگى، ۇكىمەت ءۇيى، استانا قالاسىنىڭ اكىمدىگى دەگەندەي كەرەمەت كەڭسەلەردىڭ بوساعاسىنان قايتتى. ادىلەت مينيسترلىگى دە اۆتورلىق قۇقىق بەرمەي قاسارىستى. سول بۇحيت-سۇحيتپەن جۇرگەندە، پرەزيدەنتتىك مادەنيەت ورتالىعىنىڭ ديرەكتورى بولىپ وتىرعان مىرزاتاي جولداسبەكوۆ اعامىز: «ابىلايدىڭ 300 جىلدىق مەرەيتويىنا ورايلاستىرىپ، حان باباڭا ارنالعان ءمۇسىن جاساساڭشى!»،- دەپ كەڭەس بەردى. جارتى جىل اۋرەلەنىپ، ونى دا اياقتادى...

ارقالىق قالاسىنىڭ ىرگەسىندەگى اشۋتاستى اۋىلىندا ايدوس ەسماعامبەتوۆ دەگەن ءبىر تالانت بار. تەڭدەسسىز تالانتى تاس قانا جارماي، تاۋ قوپارادى! تالابىنا نۇر جاۋعاندا دا، تامشىلاي سالماعان. تابانسىزدىقتىڭ تابىن شايىپ جىبەرگەن!

ايدوس العاش رەت ەلباسىنىڭ 70 جىلدىق مەرەيتويىنا ارناپ، تازا سيليكوننان ول كىسىنىڭ ءمۇسىنىن جاسادى. ءبىر جىل ەڭبەكتەنىپ، بويىن، دەنە ءبىتىمىن، ءتۇر-الپەتىن قاز-قالپىندا بەرە الدى. ءتىپتى، ادەتتەگى ءتىسىن كورسەتە كۇلەتىن بەت ميميكاسىن، تۇرعان تۇرىسىن ءدال كورسەتە ءبىلدى. ونى ءبىز «ايقىن»، «نۇر استانا»، «ۆرەميا» گازەتتەرى بار، «شۋاق» جۋرنالى بار، ءبارىمىز بۇرقىراتا جازدىق. «كتك»، «استانا» تەلەارنالارى دا جاڭالىقتاردان جىلت ەتكىزىپ ءبىر-ءبىر كورسەتىپ جىبەردى. ايدوستىڭ ءوزى ءمۇسىندى شىلدەنىڭ 6-سىنا دەيىن تولىقتاي جاساپ ۇلگەرمەي، استاناعا كۇزگە قاراي كەلدى. «تۋعان كۇننىڭ وزىنە ۇلگەرمەسەم دە، «يگىلىكتىڭ ەرتە-كەشى جوق» دەگەندەي، 70 جاسقا تولعانى بيىل عانا عوي»،- دەگەن جەلەۋمەن پرەزيدەنت اكىمشىلىگى، ۇكىمەت ءۇيى، استانا قالاسىنىڭ اكىمدىگى دەگەندەي كەرەمەت كەڭسەلەردىڭ بوساعاسىنان قايتتى. ادىلەت مينيسترلىگى دە اۆتورلىق قۇقىق بەرمەي قاسارىستى. سول بۇحيت-سۇحيتپەن جۇرگەندە، پرەزيدەنتتىك مادەنيەت ورتالىعىنىڭ ديرەكتورى بولىپ وتىرعان مىرزاتاي جولداسبەكوۆ اعامىز: «ابىلايدىڭ 300 جىلدىق مەرەيتويىنا ورايلاستىرىپ، حان باباڭا ارنالعان ءمۇسىن جاساساڭشى!»،- دەپ كەڭەس بەردى. جارتى جىل اۋرەلەنىپ، ونى دا اياقتادى...

قازىر ايدوس اكىمعاليۇلى - قازاقستاندا تۇڭعىش جۇزەگە اسىپ وتىرعان وزىق ۇلگىدەگى ەكى تۇلعا ءمۇسىنىنىڭ اۆتورى. ەلىمىزدەگى بۇعان دەيىنگى مۇسىندەر تەك گيپس، قولا، اناۋ-مىناۋدان جاسالىپ كەلسە، مىنا ەكەۋى - ارنايى تاپسىرىسپەن گەرمانيادان الدىرعان سيليكون تۋىندىلار. ايتا كەتەر جايت، قازىرگى مەملەكەت باسشىسىنىڭ قايتا جاسالعان ءتۇرى «كوڭىلسىزدەۋ». مەرەيتويعا دەيىن جىمىڭ قاققان بەينە نەگە بۇلاي اياقاستى بۇرتيىپ شىعا كەلدى ەكەن؟ بالكىم، شەبەردىڭ ەلوردادان ابدەن تاۋى شاعىلىپ قايتقانداعى كوڭىل-كۇيى وسى تۋىندىسىمەن استاسىپ كەتكەن بولار؟.. نە دەسەك تە، ايدوس - اسقان مىقتى! تالانتى بار، تىرەگى جوق. قولداماي وتىرمىز. بار جازىعى ەۋروپادا ەمەس، قازاقستاندا تۋعاندىعى دەرسىڭ...

قولونەردىڭ اسقان شەبەرى تۋرالى ماقالالار الداعى ۋاقىتتا تالاي رەت ەگجەي-تەگجەيلى جازىلا جاتار.

«اباي-اقپارات»