سامۇرىق-قازىنا ءال-اۋقات قورىنىڭ باسشىسى تيمۋر قۇلىباەۆ تا جاڭاوزەندە بولعان توتەنشە وقيعاعا بايلانىستى قىزمەتىنەن بوسادى. سولاي بولۋى ىقتيمال ەكەندىگىن كەشە اقتاۋ قالاسىنا ىسساپارمەن بارعان پرەزيدەنت نازارباەۆتىڭ ءوزى ايتقان ەدى.

تيمۋر اسقارۇلى قۇلىباەۆ قازاقستانداعى اسا باقۋاتتى ادامنىڭ ءبىرى. الەم الپاۋىتتارىنىڭ قارجىسىن ساناپ وتىراتىن «Forbes» جۋرنالىنىڭ مالىمەتىنە سۇيەنسەك، قۇلىباەۆتىڭ ءاميانىندا 5 ملرد-تان استام اقش دوللارى جاتقان كورىنەدى.

سوڭعى جىلدارى ەل اۋزىنا ءجيى ءىلىنىپ، كوزگە تۇسە باستاعان تيمۋر قۇلىباەۆ تۋرالى وتكەن كۇزدە پرەزيدەنتتىڭ ساياسي ىستەر جونىندەگى كەڭەسشىسى ەرمۇحامەت ەرتىسباەۆ ايدى اسپانعا شىعارىپ ءبىر ءسوز ايتقان ەدى. «تيمۋر قۇلىباەۆ، - دەگەن بولاتىن كەڭەسشى كۇزدىڭ ءبىر قوڭىرجاي كۇنىندە اقوردانىڭ تەرەزەسىنەن سىرتقى دۇنيەگە قاراپ وتىرىپ، - نازارباەۆتىڭ مۇراگەرى  بولاشاق پرeزيدەنت».

سامۇرىق-قازىنا ءال-اۋقات قورىنىڭ باسشىسى تيمۋر قۇلىباەۆ تا جاڭاوزەندە بولعان توتەنشە وقيعاعا بايلانىستى قىزمەتىنەن بوسادى. سولاي بولۋى ىقتيمال ەكەندىگىن كەشە اقتاۋ قالاسىنا ىسساپارمەن بارعان پرەزيدەنت نازارباەۆتىڭ ءوزى ايتقان ەدى.

تيمۋر اسقارۇلى قۇلىباەۆ قازاقستانداعى اسا باقۋاتتى ادامنىڭ ءبىرى. الەم الپاۋىتتارىنىڭ قارجىسىن ساناپ وتىراتىن «Forbes» جۋرنالىنىڭ مالىمەتىنە سۇيەنسەك، قۇلىباەۆتىڭ ءاميانىندا 5 ملرد-تان استام اقش دوللارى جاتقان كورىنەدى.

سوڭعى جىلدارى ەل اۋزىنا ءجيى ءىلىنىپ، كوزگە تۇسە باستاعان تيمۋر قۇلىباەۆ تۋرالى وتكەن كۇزدە پرەزيدەنتتىڭ ساياسي ىستەر جونىندەگى كەڭەسشىسى ەرمۇحامەت ەرتىسباەۆ ايدى اسپانعا شىعارىپ ءبىر ءسوز ايتقان ەدى. «تيمۋر قۇلىباەۆ، - دەگەن بولاتىن كەڭەسشى كۇزدىڭ ءبىر قوڭىرجاي كۇنىندە اقوردانىڭ تەرەزەسىنەن سىرتقى دۇنيەگە قاراپ وتىرىپ، - نازارباەۆتىڭ مۇراگەرى  بولاشاق پرeزيدەنت».

ساۋەگەي كەڭەسشى قاتەلەسىپتى، قۇلىباەۆ تاق مۇراگەرلىگىنەن قۇلادى. ونى جاڭاوزەندىكتەردىڭ  ەرەۋىلى ەتپەتىنەن تۇسىرگەن سياقتى.  جاڭاوزەندىكتەر دەمەكشى، مۇنايلى ماڭعىستاۋداعى جۇمىسشىلاردىڭ نارازىلىعىنا يەك قاقپاعان ول «پالەنىڭ باسى ورالماندار»، «وزەنمۇنايگازدىڭ جۇمىسىنا كەدەرگى كەلتىرىپ، كەر باعىپ جۇرگەن سول ورالمان قۋلار» دەگەن سىڭايدا پىكىر ءبىلدىرىپ، ونىڭ الگى ءسوزىن ءورىستىلدى گازەتتەر ءىلىپ الا جونەلىپ ءبىراز داۋرىققان بولاتىن. جاڭاوزەنگە ۇكىمەتتىك كوميسسيانى باستاپ بارعان  ۆيتسە-پەرمەر شوكەەۆ تە قۇلىباەۆتىڭ «قۋىرىپ» بەرگەن دايىن ءسوزىن ايتىپ استاناعا داليىپ ورالعان بولاتىن. قىسقاسى، قۇلىباەۆ قىزمەتىنەن كەتتى. اليەۆ،  كەيىنگى «ايەلىنىڭ فاميلياسىنا كوشىپ شورازوۆ بولىپ العان راحاتتىڭ  كىشى باجاسى   قۇلىباەۆتىڭ دا قۇلانشا جورتا بەرمەسى بەلگىلى بولدى.  ەندى ول دا اتاسىنا قارسى  شىعا ما، الدە تاپقان تايانعانىن تاماعىنا جۇمساپ تىنىش ءومىر سۇرە مە  ازىرگە بىردەمە دەي قويۋ قيىن. ايتپاقشى، تيمۋردىڭ  قىزمەتىنە بايلانىستى سىن ايتقان ادامدار تۋراسىندا اكەسى اسقار «ولاردى قابىرعاعا تۇرعىزىپ قويىپ اتۋ كەرەك» دەگەن بولاتىن. دەگەندەي-اق، ۇلتتىق كومپانيالاردى باسقارعان قۇلىباەۆتىڭ كەزىندە جاڭاوزەن مەن شەتپەدە 15 ادام وققا ۇشتى.

«اباي-اقپارات»