بەيسەنبى, 28 ناۋرىز 2024
جاڭالىقتار 3689 0 پىكىر 27 جەلتوقسان, 2011 ساعات 05:10

قۇلىباەۆ قۇلاعىن ۇستاعان قازىناعا شوكەەۆ شوكتى

كەشە اقوردادا ۇزاققا سوزىلعان ءبىر جيىن ءوتتى. جابىق ەسىك جاعدايىندا دەرلىكتەي جيىن بارىسىندا جۋرناليستەرگە جەتكەن العاشقى اقپار قۇلىباەۆتىڭ ءوز ەركىمەن قىزمەتىنەن بوساعانى تۋرالى بولدى.  بۇرىن «قازمۇنايگاز»، «كەگوك» سياقتى ۇلتتىق كومپانيالاردى باسقارىپ، وتكەن كوكەك ايىنان بەرى «سامۇرىق-قازىنا» ءال-اۋقات قورىنىڭ تورىنە بارىپ قونجيعان ەكىنشى كۇيەۋ  -تيمۋر قۇلىباەۆ «وزەنمۇنايگاز» جۇمىسشىلارىنىڭ الەۋمەتتىك  تالابىن كەشەگى كۇنگە دەيىن ەلەۋسىز قالدىرىپ كەلگەن ەدى. كومپانيا باسشىلىعىنان تەڭدىك سۇراپ تەلىمى شىققان مۇنايشىلاردىڭ تىلەگىن ەسكەرۋ بىلاي تۇرىپتى، «وسىنىڭ ءبارىن ۇيىمداستىرىپ جۇرگەن ورالماندار»، «بۇلىك باسى ورالماندار» دەپ از قازاقتىڭ اراسىنا الاقولدى پىكىر سالعان-دى.  اقىرى «وزەنمۇنايگازداعى» ەرەۋىل جاڭاوزەندەگى قاقتىعىسقا ۇلاسىپ تىندى.

الدىمەن رەسەيگە اتتانىپ، تەرىستىكتەگى كورشىمىزدىڭ باسشىسىمەن كەڭەس قۇرىپ ورالعان نازارباەۆ ماڭعىستاۋ وبلىسىنا جەتىسىمەن ءىستى وبلىس باسشىسىن اۋىستىرۋمەن باستادى. ءسويتىپ ماڭعىستاۋ وبلىسىنا 7 جىلعا جۋىق جەتەكشىلىك ەتكەن قىرىمبەك ەلەۋۇلى قىزمەتىنەن بوساپ ونىڭ ورىنتاعىنا باۋىرجان مۇحامەدجانوۆ جايعاستى. ەلباسىمىز الگى ساپارىندا «قازمۇنايگازدىڭ» باسشىلىعىنا قاتىستى دا اۋىس-ءتۇيىس جاسادى. پرەزيدەنتتىڭ پارمەنىنە جەرگىلىكتى اكتيۆ اقساقالدار ادەتتەگىدەي اسا ءتانتتى بولدى. اكتيۆ اقساقالداردىڭ ءبىرى ومىرزاق وزعانباەۆ بىلاي دەيدى. قاراڭىزدار:

كەشە اقوردادا ۇزاققا سوزىلعان ءبىر جيىن ءوتتى. جابىق ەسىك جاعدايىندا دەرلىكتەي جيىن بارىسىندا جۋرناليستەرگە جەتكەن العاشقى اقپار قۇلىباەۆتىڭ ءوز ەركىمەن قىزمەتىنەن بوساعانى تۋرالى بولدى.  بۇرىن «قازمۇنايگاز»، «كەگوك» سياقتى ۇلتتىق كومپانيالاردى باسقارىپ، وتكەن كوكەك ايىنان بەرى «سامۇرىق-قازىنا» ءال-اۋقات قورىنىڭ تورىنە بارىپ قونجيعان ەكىنشى كۇيەۋ  -تيمۋر قۇلىباەۆ «وزەنمۇنايگاز» جۇمىسشىلارىنىڭ الەۋمەتتىك  تالابىن كەشەگى كۇنگە دەيىن ەلەۋسىز قالدىرىپ كەلگەن ەدى. كومپانيا باسشىلىعىنان تەڭدىك سۇراپ تەلىمى شىققان مۇنايشىلاردىڭ تىلەگىن ەسكەرۋ بىلاي تۇرىپتى، «وسىنىڭ ءبارىن ۇيىمداستىرىپ جۇرگەن ورالماندار»، «بۇلىك باسى ورالماندار» دەپ از قازاقتىڭ اراسىنا الاقولدى پىكىر سالعان-دى.  اقىرى «وزەنمۇنايگازداعى» ەرەۋىل جاڭاوزەندەگى قاقتىعىسقا ۇلاسىپ تىندى.

الدىمەن رەسەيگە اتتانىپ، تەرىستىكتەگى كورشىمىزدىڭ باسشىسىمەن كەڭەس قۇرىپ ورالعان نازارباەۆ ماڭعىستاۋ وبلىسىنا جەتىسىمەن ءىستى وبلىس باسشىسىن اۋىستىرۋمەن باستادى. ءسويتىپ ماڭعىستاۋ وبلىسىنا 7 جىلعا جۋىق جەتەكشىلىك ەتكەن قىرىمبەك ەلەۋۇلى قىزمەتىنەن بوساپ ونىڭ ورىنتاعىنا باۋىرجان مۇحامەدجانوۆ جايعاستى. ەلباسىمىز الگى ساپارىندا «قازمۇنايگازدىڭ» باسشىلىعىنا قاتىستى دا اۋىس-ءتۇيىس جاسادى. پرەزيدەنتتىڭ پارمەنىنە جەرگىلىكتى اكتيۆ اقساقالدار ادەتتەگىدەي اسا ءتانتتى بولدى. اكتيۆ اقساقالداردىڭ ءبىرى ومىرزاق وزعانباەۆ بىلاي دەيدى. قاراڭىزدار:

ومىرزاق وزعانباەۆ، ماڭعىستاۋ وبلىسى اكىمىنىڭ جانىنداعى ارداگەرلەر كەڭەسىنىڭ توراعاسى:
- نۇرسۇلتان ءابىشۇلى ماڭعىستاۋعا كەلەدى دەگەن سەنىمدە بولدىم. وسىندا كەلگەن كەزدە ەلىنىڭ ورتاسىنان تابىلىپ، ەلگە باسۋ اڭگىمە ايتىپ، رەتتى شەشىم قابىلدايدى دەپ سەندىم. بۇگىنگى باس قوسۋدىڭ ورنى بولەك، ەرەكشە. قۇرمەتتى نۇرسۇلتان ءابىشۇلى، بۇگىنگى قابىلداعان شەشىمدەرىڭىزگە ءدان ريزا بولىپ وتىرمىن. اقتاۋدان جاڭاوزەنگە اتتانعان پرەزيدەنت قالاداعى جاعدايدى كوزىمەن كورىپ، تۇرعىندارمەن كەزدەستى. ەل قازىناسىنان بولىنگەن 3 ميلليارد تەڭگە زارداپ شەككەن نىسانداردى تولىق قالپىنا كەلتىرۋگە جۇمسالاتىنىن اتاپ ءوتتى (دەرەك كوزى: http://www.31.kz/kz/video/document23304.phtml ).

سول ساپارىندا نۇرسۇلتان ءابىشۇلى تيمۋر قۇلىباەۆتىڭ  دا ءال-اۋقات قورىنان كەتەتىندىگىن ايتىپ قالعان-دى. دەگەندەي-اق، كەشەگى پرەزيدەنت اكىمشىلىگى  مەن «نۇر وتان» پارتياسىنىڭ ساياسي كەڭەسى جانە ۇكىمەت مۇشەلەرىنىڭ وتىرىسىندا قۇلىباەۆ قىزمەتىنەن ەرىكتى تۇردە باس تارتتى. قۇلىباەۆ قۇلاعىن ۇستاعان «سامۇرىق-قازىناعا» ۆيتسە-پەرمەر ومىرزاق شوكەەۆ شوكتى.  شوكەەۆ كەزىندە  ۇلتتىق كومپانيالارىمىزدىڭ ءبىرى كەگوك-تى باسقارعان بولاتىن. قوستاناي وبىلىسى مەن وڭتۇستىك قازاقستان وبلىسىندا اكىم بولىپ تا تاستادى. ءسويتىپ، ءماسىموۆتىڭ ورىنباسارلىعىنا تاعايىندالعان. ساراپشىلار ەندىگى پرەمەر شوكەەۆ دەگەندى ايتىپ ءجۇر ەدى. مىنە، كورىپ وتىرمىز  بولجام قاتەگە شىقتى.  ەندىگى اڭگىمە شوكەەۆ ءال-اۋقات قورىنا نە جاڭالىق ەنگىزە الادى؟ ەلىمىزدىڭ باس قازىناسىن حالىق يگىلىگىنە جاراتا الادى ما؟ قوردىڭ ىشىندەگى كادر ساياساتىن قانداي رەتكە كەلتىرەدى؟ دەگەنگە سايادى.  بۇل ساۋالدارعا الداعى كۇندەردەن قايتكەندە ءبىر جاۋاپ تابارىمىز انىق. بۇگىنگى ەڭ شەتىن ساۋال: قۇلىباەۆ «وزەنمۇنايگازداعى» احۋالدى وسى ۋاقىتقا دەيىن نە سەبەپتى جاريا ەتپەي جاسىرىن ۇستاۋعا تىرىستى؟ جۇمىسشىلار ەرەۋىلىن  ەسكەرمەگەن سايىن ماسەلەنىڭ ۋشىعا تۇسكەنىن ول قالايشا بايقامادى؟ استانانى جالعان اقپارمەن جارىلقاپ، جۇمىسشىلارعا جۇدىرىق بىلەپ قانا وتىرعاننان نە تابامىن دەدى ەكەن؟ ءسوز جوق، بۇل ساۋالدارعا دا جاقىن كۇندەردىڭ بىرىندە جاۋاپ تابىلاتىنى ءسوزسىز.

«اباي-اقپارات» 

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3532