جان-جاعى قۇلازىعان دالاسىندا شولگە قامالعانداي كۇي كەشكەن جاڭاوزەن مۇنايشىلارى  قانات قاعار اق ايدىن شالقار اڭساپ،    ويعا العانىن ورىنداۋعا قانشا قارقىنداعانمەن تۇسكەن جولى قۇمعا كەلىپ تىرەلگەن جولاۋشىلارداي اڭتارىلىپ قالدى.  كولدەي كوڭىلدەرى شالشىق سۋعا اينالىپ، تورعا تۇسكەن تورعايداي   توز-توزى شىعىپ قالا بەردى...   سويتىپ،  سايىن دالادا  ەلەس  دۇبىرگە ەلىگىپ، ەركىندىككە جەتسەم دەگەن    ەجەلگى  اڭقاۋلىعىمەن     اتىن زورىقتىرعان   اۋىل قازاعىنىڭ كەبىن كيدى.

جاس بالا ءتارىزدى اق كوڭىل، سەنىمپازدىقپەن  جايىلىمعا جەم ىزدەپ كەلىپ، سۋ تارتىلعاندا شاعىن شالشىقتىڭ اراسىندا قالىپ، قايتسەم ايدىنعا شىعام دەپ تۋلاعان شورتانداي قانشا تۋلاسا دا قولىنان كەلەر دارمەنى بولمادى. ءجۇرىسىن دە، ىستەگەن جاماندىعىن  دا  بىلدىرمەي ىستەيتىن  جەر بايلىعىن يەلەنگەندەردىڭ  مۇناي بولىپ كەتكەن  ار-ۇياتىن تازارتا المادى. جۇرتىم دەگەندە  جۇمىلىپ، ەلىم دەگەندە ەگىلەتىن ەل باستار ەرلەرى كورىنبەدى.    جىلقىنىڭ ءۇيىرىن بۇقالارعا   قايىرتقان   قازىرگىنىڭ بالتالى باتىراشتارى مەن قۇرىقتى  قوتىراشتارى  وزبىرلىعىن  قايتالادى.

جان-جاعى قۇلازىعان دالاسىندا شولگە قامالعانداي كۇي كەشكەن جاڭاوزەن مۇنايشىلارى  قانات قاعار اق ايدىن شالقار اڭساپ،    ويعا العانىن ورىنداۋعا قانشا قارقىنداعانمەن تۇسكەن جولى قۇمعا كەلىپ تىرەلگەن جولاۋشىلارداي اڭتارىلىپ قالدى.  كولدەي كوڭىلدەرى شالشىق سۋعا اينالىپ، تورعا تۇسكەن تورعايداي   توز-توزى شىعىپ قالا بەردى...   سويتىپ،  سايىن دالادا  ەلەس  دۇبىرگە ەلىگىپ، ەركىندىككە جەتسەم دەگەن    ەجەلگى  اڭقاۋلىعىمەن     اتىن زورىقتىرعان   اۋىل قازاعىنىڭ كەبىن كيدى.

جاس بالا ءتارىزدى اق كوڭىل، سەنىمپازدىقپەن  جايىلىمعا جەم ىزدەپ كەلىپ، سۋ تارتىلعاندا شاعىن شالشىقتىڭ اراسىندا قالىپ، قايتسەم ايدىنعا شىعام دەپ تۋلاعان شورتانداي قانشا تۋلاسا دا قولىنان كەلەر دارمەنى بولمادى. ءجۇرىسىن دە، ىستەگەن جاماندىعىن  دا  بىلدىرمەي ىستەيتىن  جەر بايلىعىن يەلەنگەندەردىڭ  مۇناي بولىپ كەتكەن  ار-ۇياتىن تازارتا المادى. جۇرتىم دەگەندە  جۇمىلىپ، ەلىم دەگەندە ەگىلەتىن ەل باستار ەرلەرى كورىنبەدى.    جىلقىنىڭ ءۇيىرىن بۇقالارعا   قايىرتقان   قازىرگىنىڭ بالتالى باتىراشتارى مەن قۇرىقتى  قوتىراشتارى  وزبىرلىعىن  قايتالادى.

ساحارا ساعىم دالادا ەركىن ءوسىپ، كوكپارعا سالعان ەشكىدەي قىلماق بولعان تالاي جۋاناياقتىلارعا  «قۇلدىق» دەمەگەن قايسار ۇل-قىز وسىرگەن ەل ەدىك. باس كوتەرەر ەستيارلارىن مۇرنىن تەسىپ سوقاعا جەكپەك بولعان ەسىرىك ەسەرلەرگە ەسە جىبەرمەگەن  جۇرت ەدىك. بارىنا يە بولا الماۋدى ارىنا تۇسكەن تاڭبا دەپ ساناعان قاراپايىم مۇنايشىلاردىڭ سۋ تەزەك قۇساپ بىقسىپ جانعان جان اشۋىن تۇسىنەر بيلىكتەن تەكتى تابىلمادى.  تەكسىزدەردى تورگە شىعارساڭ شۇقيتىنىڭ جەر بولار دەگەن ەجەلدەن بار ەدى.  قۋىس كەۋدە «بايلاردان - بارىمتاشى،  بارىمتاشىدان - ۇرى، ۇرىدان - قارى، قارىدان-  ءبارى شىعادى» دەگەندەي  كەزگە تاپ بولعانىمىز بەلگىلى بولدى.

ساكەن  بوزاەۆ،

قۇلسارى قالاسى

«اباي-اقپارات»