جەكسەنبى, 14 تامىز 2022
جاڭالىقتار 2927 0 پىكىر 28 جەلتوقسان, 2011 ساعات 07:32

زاعيپ جاندارعا مۇنايشىلار جاردەم ەتۋدە

قازاقستانداعى زاعيپتەر قوعامىنىڭ اتىراۋداعى بولىمشەسىندە 670 ادام بار. وسىدان 74 جىل بۇرىن قۇرىلعان قوعامدىق ۇيىمنىڭ ماقساتى: زاعيپ جاندار مەن جانارىندا مۇكىسى بار ادامداردى قوعامنىڭ زاماناۋي قاتىناسىنا بەيىمدەۋ، جۇمىسقا ورنالاستىرۋ بولىپ تابىلادى. ەڭ باستىسى، زاعيپتاردىڭ دەنساۋلىعىن تۇزەۋگە بولىسۋ. الايدا، زاعيپتار قوعامى ءوزىن ءوزى قارجىلاندىرۋ ىسىمەن شۇعىلداناتىندىقتان قاراجات جاعىنان قيىندىق كورىپ جاتاتىندارى بار.

- ءبىر جاقسىسى، مىنا جارىق دۇنيە قايىرىمدى ادامدارعا كەندە ەمەس. مىنە، قاتارىنان ءۇش جىل بويى كومەگىن اياماي بەرىپ كەلە جاتقان قايىرىمدى ادامداردى ءبىز  «قازمۇنايگاز بارلاۋ ءوندىرۋ» كومپانياسىنىڭ  «ەمبىمۇنايگاز» كاسىپورنىنىڭ فيليالىنان تاۋىپ وتىرمىز. 2009 جىلى مۇنايشىلار بىزگە 350 مىڭ تەڭگە، وتكەن جىلى - 400 مىڭ تەڭگە، وسى جىلى 150 مىڭ تەڭگە اقشا ءبولدى، - دەيدى زاعيپتار قوعامى وبلىستىق بولىمشەسىنىڭ توراعاسى جامسات بيماعامبەتوۆ.

قازاقستانداعى زاعيپتەر قوعامىنىڭ اتىراۋداعى بولىمشەسىندە 670 ادام بار. وسىدان 74 جىل بۇرىن قۇرىلعان قوعامدىق ۇيىمنىڭ ماقساتى: زاعيپ جاندار مەن جانارىندا مۇكىسى بار ادامداردى قوعامنىڭ زاماناۋي قاتىناسىنا بەيىمدەۋ، جۇمىسقا ورنالاستىرۋ بولىپ تابىلادى. ەڭ باستىسى، زاعيپتاردىڭ دەنساۋلىعىن تۇزەۋگە بولىسۋ. الايدا، زاعيپتار قوعامى ءوزىن ءوزى قارجىلاندىرۋ ىسىمەن شۇعىلداناتىندىقتان قاراجات جاعىنان قيىندىق كورىپ جاتاتىندارى بار.

- ءبىر جاقسىسى، مىنا جارىق دۇنيە قايىرىمدى ادامدارعا كەندە ەمەس. مىنە، قاتارىنان ءۇش جىل بويى كومەگىن اياماي بەرىپ كەلە جاتقان قايىرىمدى ادامداردى ءبىز  «قازمۇنايگاز بارلاۋ ءوندىرۋ» كومپانياسىنىڭ  «ەمبىمۇنايگاز» كاسىپورنىنىڭ فيليالىنان تاۋىپ وتىرمىز. 2009 جىلى مۇنايشىلار بىزگە 350 مىڭ تەڭگە، وتكەن جىلى - 400 مىڭ تەڭگە، وسى جىلى 150 مىڭ تەڭگە اقشا ءبولدى، - دەيدى زاعيپتار قوعامى وبلىستىق بولىمشەسىنىڭ توراعاسى جامسات بيماعامبەتوۆ.

بولىنگەن قاراجات نەگىزىنەن زاعيپتەر مەن كوزى ناشار كورەتىن ادامدار تۇرىپ، ءومىر ءسۇرىپ جاتقان شاڭىراقتارعا بەرىلەدى. سونداي-اق، باسىر بولعان ادامداردى كۇتىپ باعاتىن جاقىندارىنا دا قوسىمشا جاردەماقى رەتىندە تابىستالادى. تەك بۇل عانا ەمەس. زاعيپتەر قوعامىنىڭ اتىراۋداعى بولىمشەسىندە قالاعان ادام باس سۇعۋعا بولاتىن كىتاپحانا بار. كىتاپتاردىڭ مازمۇنىمەن بۇل كىتاپحانادا ارنايى قۇرال - تىڭداۋ اپپاراتى ارقىلى تانىسۋعا مۇمكىندىك بار.  كىتاپحانا قورى ۇنەمى تولىعىپ تۇرادى، الايدا وقۋشىسىنا قاجەتتى ارنايى كىتاپتار ارزانعا تۇسپەيدى.

- زاعيپتەر قوعامىنىڭ اتىراۋداعى بولىمىشەسىندە مۇمكىندىگىمىزگە وراي ءارتۇرلى شارالار وتكىزۋگە بولاتىن كلۋب بار. ءبىز وعان ارتىستەردى شاقىرامىز، ءوزىمىز قويىلىمدار دايىندايمىز، كونتسەرتتەر وتكىزەمىز، - دەيدى جامسات بيماعامبەتوۆ.

سوڭعى كەزدەرى الگىندەي كەزدەسۋلەر ۇلكەن سۇرانىسقا يە بولۋدا. زاعيپتەر عانا ەمەس، ولاردىڭ وتباسى مۇشەلەرى دە كلۋبتىڭ شەڭبەرىندە قۇرىلعان حورعا قاتىسۋعا ىنتا بىلدىرۋدە. حوردىڭ رەپەرتۋارىندا قازاق پەن ورىستىڭ حالىق اندەرى مەن قازىرگى اندەرى، وزگە دە تىلدەگى اندەر بار. حوردىڭ رەپەرتۋارى مولايىپ، ونى وسى كۇندەرى قالاداعى سالتاناتتى شارالارعا شاقىرۋشىلار كوبەيۋدە. ايتكەنمەندە باستى ماسەلە: ەمدومعا ءزارۋ قوعام مۇشەلەرىنە كومەكتەسۋ بولىپ تابىلادى. بۇل ورتالىقتا «قازمۇنايگاز بارلاۋ ءوندىرۋ» كومپانياسى بولگەن ءدارى-دارمەكتەر پايدالانىلادى. زاعيپتەر قوعامىنىڭ اتىراۋ وبلىسىنا قاراستى قالالار مەن اۋدان ورتالىقتارىنداعى 8 بولىمشەسىندە مەديتسينالىق تەكسەرۋ اقىلى بولا قالعان جاعدايدا اتالعان كومپانيا قارجىلاي جاردەم جاساۋدا.

بۇل كۇندەرى اتىراۋداعى جەرگىلىكتى دارىگەرلەر ادامنىڭ كورۋ مۇمكىندىگىن قالپىنا كەلتىرەتىن وتا تۇرلەرىن جاساۋدى يگەرىپ جاتىر. بىراق جەرگىلىكتى دارىگەرلەردىڭ  بارى كوزگە وتا جاساۋ ىسىنە جۇمىلا كىرىسىپ كەتتى دەۋگە بولمايدى. ادەتتە ءزارۋ جانعا قاجەتتى ەم ارنايىمامانداندىرىلعان كلينيكالاردا عانا كورسەتىلۋى مۇمكىن. بىرەۋلەر زاعيپتەر قوعامىنىڭ جاردەمىمەن استاناعا ەمدەلۋگە بارىپ جاتادى. بىراق، جانارىندا جاراقاتى بار اتىراۋلىقتاردىڭ اراسىندا رەسەي فەدەراتسياسىنىڭ ۆولگوگراد قالاسىنداعى وفتولمولوگيالىق مەدورتالىقتىڭ بەدەلى اسا زور. ارينە، ۆولگوگرادقا بارۋ، ەمدەلۋ كىمنىڭ قالتاسىنا بولسا دا جەڭىل تيمەيدى. سوندىقتان ۆولگوگرادقا تاۋەكەل ەتىپ ساپارعا شىعاتىن زاعيپتەر اتالعان مۇناي كومپانياسىنىڭ ماتەريالدىق جاردەمىنە سۇيەنسە بولادى.

- ءبىز قمگ ءبو-ءنىڭ قايىرىمدى ىستەرىنە ءتانتتىمىز. ءبىز ولاردىڭ قىزمەتكەرەلەرى ەمەسپىز. ايتسەدە، ايماقتان مۇناي بارلاپ ءوندىرىپ جاتقان كومپانيا ءوز ادامدارىمەن شەكتەلىپ قالماي، بارلىق جۇرتقا جاعداي جاساۋعا تىرىساتىن جومارتتىعىمەن كوپكە ءمالىم. بۇل - «پارىز» سياقتى جوعارى ماراپاتقا ابدەن لايىق، ءارى ەلدىڭ الەۋمەتتىك احاۋالىن الەۋەتتەندىرۋ ءۇشىن جۇمىس جاسايتىن كومپانيا، - دەدى جامسات بيماعامبەتوۆ مىرزا ارامىزدا بولعان ەمەن جارقىن اڭگىمەنىڭ قورتىندىسىندا.

0 پىكىر

ۇزدىك ماتەريالدار

الاشوردا

الاش-ارمان

بەيبىت قويشىباەۆ  2267
بىلگەنگە مارجان

حيلدا حۋكحەم جانە ۇلى قولباسشىلار

بەيسەنعازى ۇلىقبەك 2051
ادەبيەت

ءتۇس

ەرعالي باقاش 1734
انە، كوردىڭ بە؟

ارحيمەد كىمدى قورعاشتايدى؟

جايبەرگەن بولاتوۆ 2788