سەيسەنبى, 27 قىركۇيەك 2022
46 - ءسوز 3359 6 پىكىر 24 قىركۇيەك, 2020 ساعات 13:19

بوجكونىڭ بەتپاقتىعىنا بايلانىستى

قازاق حالقىنا ءتىل تيگىزگەن بوجكوعا قاتىستى باس بيلىكتىڭ رەسمي وكىلدەرىنىڭ وسى كەزگە دەيىن جۇمعان اۋزىن اشپاي، تۇشىمدى پىكىر بىلدىرمەۋىنىڭ بىرنەشە سەبەبى بار دەپ ويلايمىن.

بىرىنشىدەن، قوعام وسىنشاما ءدۇر سىلكىنىپ، نارازىلىق تانىتىپ جاتسا دا، تۇك بولماعانداي ءتۇر تانىتىپ، ۇندەمەي قۇتىلۋ - بيلىك باسىنداعىلاردىڭ قانىنا سىڭگەن ەجەلگى ءارى كەسىرلى ادەت. اۆتوريتاريزم كەزىندە قالىپتاسىپ قالعان ساياسي سنوبيزم، جۇرتشىلىقتىڭ پىكىرىن كوپە-كورىنەۋ مەنسىنبەۋشىلىك. سوندىقتان دا وعان تاڭ قالۋدىڭ كەرەگى جوق.

ەكىنشىدەن، بيلىك تالاي جىلدان بەرى باسشىلىققا الىپ، قوعام ساناسىنا سىڭىرگىسى كەلە جاتقان ءبىر تۇرپايى تەحنولوگيا بار: ۇلتارالىق ماسەلەدە اباي، مەيلىنشە سابىرلى بولايىق، قىزبالىققا سالىنبايىق، ايتپەسە، ارتى شۋ بولىپ كەتۋى مۇمكىن دەپ، كەز كەلگەن باسسىزدىقتى جۋىپ-شايىپ، ءوزىن-ءوزى الداۋ. سول سەبەپتى وسى كۇنگە دەيىنگى كوپتەگەن ۇلتارالىق قاقتىعىستار "تازا تۇرمىستىق" سيپاتى بار دەلىنىپ، اسقان ينتەرناتسيوناليستىك مىنەز تانىتىلىپ كەلەدى. بوجكولاردىڭ بەتپاقتانۋى دا وسىنىڭ ءبىر سالدارى.

ۇشىنشىدەن، باسقا ۇلتتاردى قايدام، ءدال وسى ورىس تىلدىلەرگە كەلگەندە، رەسەيلىك فاكتور ويناپ كەتەتنىنى دە ەشكىمگە جاسىرىن ەمەس. وسىنداي ساتتە ءبىزدىڭ بيلىك قاتتى سويلەپ، بوجكونىڭ "ناتسيستىك" دەڭگەيدە ارانداتۋىنا قاتاڭ باعا بەرىپ، وسى ماسقارانى الەمگە ايان ەتسە، سولتۇستىك جاقتان قاتقىل داۋىس ەستىلىپ قالۋى مۇمكىن. ءبىزدىڭ بيلىكتىڭ ماسەلەنى ءتيىستى دەڭگەيگە كوتەرمەي، بارلىق جايتتى ءبىر ادام مەن پوليتسياعا اۋدارا سالۋىنىڭ ءبىر سەبەبى دە وسى دەپ ويلايمىن.

ءيا، كەشىرىم سۇراتتى. بىراق ءوزى تۋرالى انەكدوتتى ءوزى شىعارىپ، ءوزى ايتۋدى ىڭعايسىز سانامايتىن ءبىر ەجەلگى حالىق ايتقانداي، "وسادوك-تو وستالسيا"...

تاعى ءبىر وكىنىشتىسى سول: بوجكو قازاقتىڭ نامىسىنا ءتيىسىپ جاتقاندا، قازاقستاندا تۇراتىن باسقا ۇلت وكىلدەرىنىڭ ءۇنسىز قالۋى. ياعني، قازاقتىڭ ادۆوكاتى تەك قانا قازاق بولىپ تۇر.

ءيا، كەيبىر باسقا ۇلت وكىلدەرى جاقسى پىكىر ايتىپ تا جاتىر. بىراق ولار نەكەن-ساياق.

"اسسامبلەيا قايدا؟", - دەپ سۇراماي-اق قويايىن.

نە ىستەۋ كەرەك؟

ەندىگى جەردە ەشكىم قازاق حالقىنا ءتىل تيگىزبەيتىندەي ساباق بولۋى ءۇشىن بۇل وڭباعاندى سوتقا تارتىپ، ناقتى جازا بەرۋ كەرەك! پرەتسەدەنت كەرەك!

ءامىرجان قوساننىڭ جازباسى

Abai.kz

6 پىكىر