جۇما, 29 ناۋرىز 2024
3713 6 پىكىر 30 قىركۇيەك, 2020 ساعات 12:04

قورداي وقيعاسىنا قاتىسقاندارعا سوت ۇكىمى شىقتى

جامبىل وبلىسى، قورداي اۋدانىندا بولعان قاقتىعىسقا قاتىسقاندارعا ۇكىم شىقتى. بۇل تۋرالى tengrinews.kz مالىمدەدى.

ءىس 18 تامىزدان باستاپ الماتى گارنيزونىنىڭ اسكەري سوتىندا قارالدى، سەبەبى سوتتالۋشىلاردىڭ ءبىرى اسكەري ادام بولعان. ايىپتالۋشىلاردىڭ بەسەۋى "جاپپاي تارتىپسىزدىكتەرگە قاتىستى" دەپ ايىپتالدى - ولار ەرلان بۇرالقىنوۆ، المات تىلەۋعاليەۆ، رۇستەم بەجىباي، ۇلان اتانباەۆ جانە ابزال نۇراحانوۆ.

"سونداي-اق، بەجىبايعا "بيلىكتىڭ زاڭدى تالاپتارىنا بەلسەندى تۇردە باعىنباۋعا جانە جاپپاي تارتىپسىزدىككە، ازاماتتارعا زورلىق-زومبىلىق كورسەتۋگە شاقىردى" دەگەن ايىپ تاعىلدى. سونىمەن قاتار، نۇراحانوۆقا "اسا ءىرى كولەمدە ۇرلىق جاسادى" دەگەن ايىپ تاعىلدى", - دەلىنگەن قىلمىستىق ءىس قۇجاتتارىندا.

تاعى ەكى سوتتالۋشىعا - باقىتبەك يبراگيموۆ پەن مىرزاعالي دۇيسەنباەۆقا "اسا ءىرى كولەمدەگى ۇرلىق جاسادى" دەگەن ايىپ تاعىلدى.

بۇرالقىنوۆ، نۇراحانوۆ جانە يبراگيموۆ قاماۋدا وتىردى، ال قالعاندارى ۇيدەن شىقپاۋ تۋرالى قولحاتپەن جانە جەكە كەپىلدەمەمەن ۇستالدى.

سوت شەشىمىمەن بارلىق جەتى ايىپتالۋشى بولجامدى قىلمىستارعا كىنالى دەپ تانىلدى:

- بۇرالقىنوۆ، اتانباەۆ جانە تىلەۋعاليەۆ ءۇش جىلعا باس بوستاندىعىنان ايىرىلدى، ونى ورتا قاۋىپسىزدىكتەگى مەكەمەسىندە وتەيدى;

- اتانباەۆ اعا سەرجانت اتاعىنان ايىرىلدى;

- بەجىباي ءتورت جىلعا سوتتالدى، ول جازاسىن قاۋىپسىزدىگى ورتاشا مەكەمەسىندە وتەيدى;

- دۇيسەنباەۆ بەس جىلعا باس بوستاندىعىنان ايىرىلدى;

- يبراگيموۆ جەتى جىلعا سوتتالدى، ول جازاسىن قاتاڭ رەجيمدەگى تۇزەۋ مەكەمەسىندە وتەيدى;

- نۇراحانوۆ سەگىز جىلعا توتەنشە قاۋىپسىزدىك مەكەمەسىندە تۇرمەگە جابىلدى.

ايتا كەتەيىك، 7 اقپاندا جامبىل وبلىسى قورداي اۋدانى ماسانچي اۋلىندا تۇرعىندار اراسىندا جاپپاي توبەلەس بولعان ەدى. توبەلەسكە 300-گە جۋىق ادام قاتىسقان.

اۋقاتتى اۋلى جانە بۇلان باتىر اۋىلدارىندا جانجال شىققان. قاقتىعىسقا قاتىسقاندار مەتالل زاتتارىن، اتىس قارۋىن قولدانعان. قاقتىعىس سالدارىنان 11 ادام قازا تاپقان بولاتىن.

Abai.kz

6 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1567
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2261
عيبىرات

قايسار رۋحتى عازيز جان

مۇحتار قۇل-مۇحاممەد 3544