جۇما, 29 ناۋرىز 2024
نە كورىپ ءجۇرسىز؟ 3209 4 پىكىر 22 قازان, 2020 ساعات 17:09

قىرعىزداعى جاعداي. بىزدەگى باق قانداي كوزقاراستا؟

قىرعىزستاندا 4 قازان كۇنى پارلامەنت سايلاۋىنان كەيىن حالىق جاپپاي نارازىلىققا شىقتى. اياعى توڭكەرىسكە ۇلاسىپ، ەدەل-جەدەلدە بيلىك اۋىستى. پرەزيدەنت، پرەمەر-مينيستر مەن بىرنەشە مەملەكەتتىك ورگان باسشىلارى وتستاۆكاعا كەتتى. سايلاۋدىڭ قورىتىندى ەسەبى جويىلىپ، جوگوركۋ كەنەش دەپۋتاتتارى قاراشادا قايتا سايلاناتىن بولدى.

كورشى ەلدەگى وسى ساياسي وقيعالارعا قاتىستى قازاقستاندىق باق ءارتۇرلى كوزقاراستا اقپارات تاراتتى. ولاردىڭ كوبى بۇل وقيعالاردى «توڭكەرىس»، «جالپى حالىقتىق نارازىلىق»، «كوتەرىلىس» دەپ جازسا، ەندى بىرەۋلەرى «توبىرلار توڭكەرىسى»، «تارتىپسىزدىك»، «بەيبەرەكەتسىزدىك» دەپ جازىپ جاتتى.

وسىعان دەيىن «ازاتتىق» سايتى قازاقستاندىق باق-تا قىرعىزستانداعى كوتەرىلىستى قالاي كورسەتتى دەگەن تاقىرىپتا باسپاسوزگە شولۋ جاساعان ەدى. ءبىز بۇگىن سوڭعى كۇندەرى جاريالانعان ءبىردى-ەكىلى ماقالا مەن مەملەكەتتىك ارنا اقپاراتىنا ازداعان شولۋ جاساعاندى ءجون كوردىك. سونىمەن، قازاقستاندىق باق قىرعىزستانداعى ساياسي وقيعالار تۋرالى نە جازىپ جاتىر؟

«جاس الاش» گازەتى

20 قازاندا «جاس الاش» گازەتى «قىلمىستىق توپ قىرعىزستاندى باسقارا الا ما؟» اتتى ماقالا جاريالاپتى.

اتالعان ماقالادا قىرعىزستان پرەمەر-ءمينيسترى جانە پرەزيدەنت مىندەتىن قوسا اتقارۋشى سادىر جاپاروۆتى «تۇرمە كورگەن قىلمىسكەر» دەپ جازادى. ءسويتىپ، جەەنبەكوۆتى ورنىنان كەتىرگەن جاپاروۆ ەكەنىن ايتقان.

سونىمەن قاتار، باسىلىم قىرعىزستاننىڭ مەملەكەتتىڭ قاۋىپسىزدىك قىزمەتىنىڭ باسشىسى قامشىبەك تاشيەۆتىڭ ءسوزىن مىسالعا كەلتىرە وتىرىپ، «قىرعىزستاندا بانديتتەردىڭ ءوزى قۇرمەتتى جانە ىقپالدى بولىپ سانالادى»، دەيدى.

سونداي-اق ماقالادا «تۇرمە كورگەندەر ەلدى تۇلەتە مە؟» نەمەسە «بۇل – قىلمىس جايلاعان قىرعىزستان»، دەگەن سوزدەر قولدانىلادى.

«Nege.kz» سايتى

ال، «Nege.kz» سايتى قىرعىزستانداعى ساياسي جاعدايدى «توبىرلار توڭكەرىسى»، دەپ جازدى. ناقتىراق ايتساق، 21 قازان كۇنى اتالعان سايتتا «توبىرلار توڭكەرىسى. سوڭعى رەۆوليۋتسيا قىرعىزستاندى نەگە بانكروتتىققا جەتەلەيدى؟» دەگەن تاقىرىپپەن ماقالا جاريالاندى.

وندا قىرعىزستاندا بولعان رەۆوليۋتسيا كوروناۆيرۋس جانە بيۋدجەت تاپشىلىعىمەن بىرگە ەلدى ەكونوميكالىق تىعىرىققا تىرەيدى دەپ جازىلعان.

سايت مالىمەتىنشە، باتىس ەلدەرى جاپاروۆتىڭ بيلىككە كەلۋىن زاڭسىز دەپ تانىسا، قىرعىزستان باتىستاعى حالىقارالىق قارجى ينستيتۋتتارىنىڭ گرانتى مەن كرەديتتەرىنەن ايىرىلادى. مۇنداي جاعدايدا دۇنيەجۇزىلىك بانك، حالىقارالىق ۆاليۋتا قورى مەن ازيا دامۋ بانكى بىردەن سىرت اينالادى.

سونىمەن قاتار، اتالعان ماقالادا قىرعىزستان تەز ارادا ەكونوميكالىق تۇراقتىلىققا قول جەتكىزە المايتىنى ايتىلادى. جانە «كۇن ساناپ ەكونوميكانى ساياسات ىقتىرا بەرەتىن بولادى»، دەپ تۇيىندەيدى.

«Qazaqstan» ۇلتتىق ارناسى

ال، Qazaqstan ۇلتتىق تەلەارناسى 7 قازان كۇنى كەشكى جاڭالىقتاردا كورشى ەلدەگى ساياسي جاعدايدى «تارتىپسىزدىك»، «بەيبەرەكەتسىزدىك»، دەپ اقپارات تاراتقان.

«بىشكەكتەگى تارتىپسىزدىكتەر تىيىلار ەمەس»، دەپ اتالاتىن سيۋجەتتە «قىرعىز پارلامەنتىنە باسا-كوكتەپ كىرگەن جاستار ەرسى قىلىقتارىنان قىمسىنار ەمەس»، دەگەن سوزدەر ايتىلادى. سونداي-اق، اتالعان سيۋجەتتە كوشەدەگى نارازى جۇرتتى «ادەپسىز سوزدەر ايتىپ، جاعىمسىز ءىس-ارەكەتتەرىن ۆيدەوعا ءتۇسىردى»، دەيدى.

سونىمەن قاتار، ساياساتتانۋشى دانيار اشىمباەۆتىڭ: «نارازالىقتى ءبىلدىرۋ ءۇشىن باس سالىپ جينالۋ، قيراتۋ، تاس اتقىلاۋ، دۇكەندەردى توناۋ سەكىلدى تارتىپسىزدىكتەردى قۇرال رەتىندە قولدانۋ دۇرىس ەمەس»، دەگەن پىكىرى بەرىلگەن.

«Tengrinews.kz» سايتى

6 قازان كۇنى «Tengrinews.kz» سايتى قىرعىزستانداعى احۋالدى «جاپپاي تارتىپسىزدىك»، جازدى.

«اق ءۇيدىڭ تاس-تالقانى شىقتى.بىشكەكتەگى جاپپاي تارتىپسىزدىك قالاي ءوربىدى؟»، دەگەن ماقالادا پارلامەنت سايلاۋىنىڭ قالاي وتكەنى جانە سايلاۋدان كەيىنگى ميتينگ كەزىندە جاراقات العاندار مەن ءبىر ادامنىڭ قازا تاپقانى تۋرالى اقپارات جاريالانعان.

سونداي-اق، اق ءۇيدىڭ كابينەتتەرى مەن ءماجىلىس زالىنىڭ تاس تالقانى شىققانى تۋرالى جانە كابينەتتەردەگى كومپيۋتەرلەر جوعالىپ، ەسىك-تەرەزەلەردىڭ سىندىرىلعانى ايتىلعان.

شولۋشى نۇربيكە بەكسۇلتانقىزى

Abai.kz

4 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2257
عيبىرات

قايسار رۋحتى عازيز جان

مۇحتار قۇل-مۇحاممەد 3535