كوروناۆيرۋس پاندەمياسى ءومىردىڭ بارلىق سالالارىنا تەرىس اسەر ەتتى. سونىڭ ىشىندە، ءبىلىم بەرۋ جۇيەسى دە ەڭ كوپ زارداپ شەككەن سالالاردىڭ ءبىرى سانالادى. الايدا، پاندەميا بىزگە جاڭا تىعىرىقتان شىعىپ، جاڭا مۇمكىندىكتەردى يگەرۋگە دە جول اشتى. 

وسى ورايدا «JASTAR: ózekti másele» پىكىرتالاس الاڭى كەزىندە ساراپشىلار جاھاندىق پاندەميا اياسىندا قاشىقتان ءبىلىم بەرۋدى ۇيىمداستىرۋ ماسەلەلەرىن تالقىلادى. «رۋحاني جاڭعىرۋ» قازاقستاندىق قوعامدىق دامۋ ينستيتۋتىنىڭ باسقارما توراعاسى دانيار ەسيننىڭ ايتۋىنشا، كارانتين ءبىلىم بەرۋ پروتسەسىنە جاڭا تەحنولوگيالاردى ەنگىزدى.

«كوروناۆيرۋستىق ينفەكتسيا پاندەمياسى كەزىندە ءبىز ءبىلىم بەرۋ سالاسىنا ءماجبۇرلى تۇردە اسەر ەتكەن جاپپاي تسيفرلاندىرۋعا تاپ بولدىق. ارتىقشىلىعىن د ايتا كەتكەن ءجون. ماسەلەن، ءبىلىم بەرۋ پروتسەسىنە جاڭا تەحنولوگيالاردى ەنگىزۋدىڭ كاتاليزاتورىنا اينالدى. بۇگىندە ونلاين-تەحنولوگيالاردى دامىتۋدىڭ ارقاسىندا الەمنىڭ ۇزدىك ۋنيۆەرسيتەتتەرىندە وقۋ ءۇشىن شەتەل اسۋدىڭ قاجەتى دە جوق. سونداي-اق، ءبىلىم بەرۋ فۋنكتسياسى دا وزگەرىپ جاتىر. سونىمەن قاتار، ساراپشىلار بولاشاقتا وقۋ جۇيەسى ونلاين كۋرستارمەن شەكتەلىپ قالماي، قىزمەتكەرلەردىڭ جۇمىس پروتسەسىنىڭ اجىراماس بولىگى بولادى دەپ بولجايدى. سوندىقتان ەلباسى ءوزىنىڭ باعدارلامالىق ماقالاسىندا «ءبىلىمنىڭ سالتانات قۇرۋى» قاعيداسى تۇرمىستىڭ بارلىق سالاسىندا قولدانىلۋى ءتيىس ەكەندىگىن اتاپ ءوتتى»، - دەدى دانيار ەسين.

«JASTAR: ózekti másele» الاڭىندا ساراپشىلار مەن قاتىسۋشىلار وتاندىق ءبىلىم بەرۋ مەكەمەلەرىندەگى قاشىقتىقتان وقىتۋ پروبلەمالارىن تالقىلاپ، جاڭا جاعدايدا ءبىلىم الۋ ماسەلەسى بويىنشا شەتەلدىك ارىپتەستەرمەن تاجىريبە الماستى. ايتا كەتەيىك، ونلاين-پىكىرتالاسقا قاشىقتىقتان ءبىلىم بەرۋ تەحنولوگيالارىنان تاجىريبەسى زور ماماندار قاتىستى. ولاردىڭ قاتارىندا رەسەي، قىتاي جانە وزبەكستاننىڭ دا ساراپشىلارى بار. ماسەلەن، ن.گ. چەرنىشەۆسكي اتىنداعى ساراتوۆ مەملەكەتتىك ۋنيۆەرسيتەتىنىڭ حالىقارالىق قاتىناستار جانە رەسەيدىڭ سىرتقى ساياساتى كافەدراسىنىڭ دوتسەنتى مارينا لاپەنكو بىلاي دەدى:

«قاشىقتىقتان ءبىلىم بەرۋ فورماتىنا كوشۋدىڭ ماڭىزدى قۇرامداس بولىكتەرىنىڭ ءبىرى – پروفەسسور مەن وقىتۋشىلار قۇرامىن دايارلاۋ. ستۋدەنتتەر جاڭا تەحنولوگيالاردى جىلدام يگەرىپ كەتە الادى. الايدا، جاڭا  ترەندتەردى مەڭگەرۋدە كەيبىر ەگدە ۇستازدار بىراق قيىنشىلىقتى كورەتىنى جاسىرىن ەمەس. سونىمەن قاتار، قاشىقتان وقىتۋ كۋرستارىن بۇعان دەيىن وتكىزگەندەر ونلاين جۇيەگە وڭاي كوشىپ كەتتى. الايدا بۇرىن-سوڭدى مۇندايدى كورمەگەندەر كۋرستاردى قايتا دايىنداۋ، قوسىمشالاردى جۇكتەۋ سىندى كەدەرگىلەرگە كەزىكتى. بەينە ءدارىس پەن ۆەبينارلاردىڭ اۋديتورياداعى كلاسسيكالىق دارىستەردەن ءبىراز ەرەكشەلىگى بار. مۇندا باسقا ادىستەمەلەردى قولدانۋ كەرەك، ماتەريالدى بەرۋدى باسقاشا قۇراسىڭ، ستۋدەنتتەردى تارتۋدىڭ جانە ولاردىڭ نازارىن اۋدارۋدىڭ ءارتۇرلى جولدارىن قاراستىراسىڭ»، – دەيدى مارينا لاپەنكو.

تالقىلاۋ بارىسىندا بارىسىندا قاشىقتان وقىتۋ جۇيەسى مەن ەلەكتروندىق ءبىلىم بەرۋ رەسۋرستارىن پايدالانۋ جونىندەگى بارلىق ۇسىنىستار ەسكەرىلىپ، جاۋاپتى قۇرىلىمدارعا جەتكىزىلەتىن بولادى. ءوز كەزەگىندە اقپارات جانە قوعامدىق دامۋ مينيسترلىگى جاستار جانە وتباسى ىستەرى كوميتەتىنىڭ توراعاسى شاحماردان بايمانوۆ مۇنداي كەزدەسۋلەردىڭ قازاقستانداعى ءبىلىم بەرۋ جۇيەسىن ودان ءارى جاقسارتۋداعى ماڭىزدىلىعىن اتاپ ءوتتى.

«پاندەميا كەزىندە ءبىلىم الۋ ماسەلەسى بارلىق قازاقستاندىقتارعا اۋىر ءتيدى. اسىرەسە جاستارعا قاتتى اسەر ەتتى. سەبەبى الەمدە جاستاردىڭ 70 پايىزى وقۋىنان ايرىلدى جانە جەر بەتىندەگى ءاربىر بەسىنشى جاس ادام جۇمىسسىز قالدى. ارينە، بۇل تۇرعىدا مەملەكەتىمىز جان-جاقتى قولداۋ كورسەتىپ جاتىر. سونىمەن قاتار، ەلدەگى جاستار سپەكترىن جاقسارتۋ جونىندەگى ءتۇرلى باعدارلامالاردى دا قولدايدى. جالپى قازاقستانداعى ءبىلىم بەرۋ جۇيەسىن جاقسارتۋ ءۇشىن ساراپتامالىق تالقىلاۋلار وتە ماڭىزدى»، - دەپ قورىتىندىلادى شاحماردان بايمانوۆ.

Abai.kz