ەۋروپالىق وداق قىرعىزستانعا ساندىق جۇيەگە كوشۋ ءۇشىن 2021 جىلعا ءبولىنۋى ءتيىس 6 ملن ەۋرونى ءبىر جىلعا توقتاتىپ قويدى. بۇل اقپاراتتى قىرعىزستانداعى ەۋرووداق وكىلدىگى راستادى.

الايدا، وسىعان دەيىنگى ەۋرووداقتىڭ ءبىلىم، دەنساۋلىق سالاسى مەن تۇرعىنداردى اۋىز سۋمەن قامتاماسىز ەتۋگە ارنالعان باعدارلاما جالعاسىن تابا بەرەدى.

ال ەۋروپالىق وداق پەن قىرعىزستاننىڭ ىنتىماقتاستىعى جولىنداعى 2021-2027 جىلدارعا ارنالعان جاڭا باعدارلاما پارلامەنت سايلاۋى ءوتىپ، جاڭا ۇكىمەت قۇرىلعاننان كەيىن بارىپ تالقىلانباق.

قازىر قىرعىزستان قارجىلىق قيىندىق كورىپ، شەتەلدىك ارىپتەستەرىنەن كومەك سۇراپ جاتىر. سىرتقى ىستەر ءمينيسترى رۋسلان كازاكباەۆ ەۋروپالىق وداقتان بيۋدجەتتى تولتىرۋ ءۇشىن كومەك سۇرادى. قارجى مينيسترلىگى رەسەي 100 ملن دوللار بولەدى دەپ مالىمدەدى.

Abai.kz