سارسەنبى, 25 قاراشا 2020
COVID-19 قازاقستاندا. جۇقتىرعاندار — 126860. جازىلعاندار — 113646. قايتىس بولعاندار — 1945
657 0 پىكىر 28 قازان, 2020 ساعات 16:15

الماتى وبلىسىندا كارانتين شارالارى كۇشەيتىلدى

الماتى وبلىسىندا كارانتين شارالارى كۇشەيتىلدى. ەندى ءدامحانالار مەن ساۋدا ورتالىقتارى دەمالىس كۇندەرى جابىق بولادى.

الماتى وبلىسىنىڭ باس مەملەكەتتىك سانيتار دارىگەرى ەرعالي سىدىمانوۆ قاۋلىعا قول قويدى. قۇجاتقا سايكەس، "كوروناۆيرۋس ينفەكتسياسىنىڭ جاعدايىنا بايلانىستى كارانتين رەجيمى مەن مەرزىمى وزگەرۋى مۇمكىن".

سىدىمانوۆ بارلىق باسسەيندى جابۋ تۋرالى قاۋلى شىعاردى. وتباسى مۇشەلەرىنەن باسقا، تۇرعىندارعا ءالى دە ءۇش ادامنان ارتىق توپتاسىپ جۇرۋگە بولمايدى. 65 جاستان اسقان ازاماتتارعا كوشەگە شىقپاۋعا كەڭەس بەرىلدى.

توپتاسىپ جاتتىعۋ جاساعاندا 5 ادامنان ارتىق بولماۋى كەرەك.

بازارلار ساعات 10.00-دەن 17.00-گە دەيىن 30 پايىزدان اسىپ تولماي جۇمىس ىستەيدى، ال ويىن-ساۋىق ساۋدا ورتالىقتارى وسىنداي شارتپەن ساعات 22.00-گە دەيىن اشىق بولادى. دەمالىس جانە مەرەكە كۇندەرى جۇمىس ىستەۋگە تىيىم سالىندى.

سونداي-اق ءدامحانا، مەيرامحانا جانە تاماق ىشەتىن باسقا ورىنداردا دەمالىس كۇندەرى تەك جەتكىزۋ قىزمەتى جۇمىس ىستەيدى. جۇمىس كۇندەرى 30 ادامنان ارتىق ادام وتىرماۋى كەرەك.

Abai.kz

0 پىكىر