سارسەنبى, 2 جەلتوقسان 2020
COVID-19 قازاقستاندا. جۇقتىرعاندار — 133118. جازىلعاندار — 117362. قايتىس بولعاندار — 1990
3527 7 پىكىر 28 قازان, 2020 ساعات 18:46

Kaspi Bank-ءتىڭ توراعاسى ميحايل لومتادزە ميللياردەرلەر تىزىمىنە ەندى

Kaspi Bank-كە يەلىك ەتەتىن گرۋزيالىق قارجىگەر ميحايل لومتادزە لوندون قور بيرجاسىندا قازاقستاندىق Kaspi.kz كومپانياسىنىڭ اكتسيالارىن ورنالاستىرعاننان كەيىن دوللارلىق ميللياردەرگە اينالدى. بۇل تۋرالى نوۆوستي-گرۋزيا جازدى. 

Forbes مالىمەتتەرى بويىنشا، كومپانيانىڭ اكتسيالارى باستاپقىدا 38 دوللاردان ساۋدالانىپ، سوڭىندا 46,9 دوللارعا جەتتى. كومپانيانىڭ جالپى 4,4 ميلليون اكتسياسى ساتىلعان. «بۇل ورتاشا ەسەپپەن كۇنىنە 3,8 ميلليون اكتسيانى ساتاتىن رەسەيلىك [جوعارى تەحنولوگيالىق كومپانيا] ياندەكس-تەن كوپ».

«بۇل - ەكىنشى ءىرى IPO ال، تۇتاستاي العاندا ەۋروپاداعى ءتورتىنشى IPO»، - دەپ جازادى گازەت.

وسى ساتتەن كەيىن Kaspi.kz قازاقستانداعى ەڭ قۇندى قوعامدىق كومپانياعا اينالدى، ال ديرەكتورلار كەڭەسىنىڭ توراعاسى ۆياچەسلاۆ كيم مەن باسقارما توراعاسى ميحايل لومتادزە الەمدىك ميللياردەرلەردىڭ ەليتالىق كلۋبىنا كىردى.

ليستينگكە دەيىن كيم كومپانيانىڭ شامامەن 32 پايىز، لومتادزە 26 پايىز اكتسيالارىنا يەلىك ەتكەن. سونىمەن، Bloomberg Billionaire يندەكسىنە سايكەس، ەگەر IPO قۇنى 33,75 دوللاردى قۇراسا، ولاردىڭ بايلىعى سايكەسىنشە 1,9 جانە 1,8 ملرد دوللاردى قۇرايدى.

حالىقارالىق باسىلىمدار قاراپايىم بانكتەن «قارجىلىق تەحنولوگيالاردىڭ الىبىنا» دەيىن وسكەن وسى ۇيىمنىڭ تاريحىنا نازار اۋداردى، دەپ جازادى «ازاتتىق».

«Covid-19 سالدارىنان قازاقستان ەكونوميكاسى مۇناي باعاسىنىڭ قۇلدىراۋىنا جانە تەجەلىسكە ۇشىراعان كەزدە Kaspi-ءدىڭ تازا پايداسى 2020 جىلدىڭ ءبىرىنشى جارتىجىلدىعىندا 50 پايىزعا ءوستى، ال بانكتىڭ ءموبيلدى قوسىمشاسىن پايدالانۋشىلار سانى وتكەن جىلى 72 پايىزعا ءوستى. ايىنا 7,8 ميلليون قولدانۋشى شوتتى تولەي الادى جانە نەسيە الا الادى، جەكە قارجىنى باسقارۋ قۇرالىن قولدانا الادى»، - دەپ جازادى Bloomberg.

ايتا كەتەيىك، ميحايل لومتادزە 2007 جىلدان باستاپ Kaspi Bank اق باسقارما توراعاسى. ول 2017 جىلى گرۋزيا تولقۇجاتى بار ەكەنىن جانە قازاقستان ازاماتتىعىن الۋ جوسپارىندا جوق ەكەنىن ايتقان.

2020 جىلى ماۋسىمدا ميحايل لومتادزە كوروناۆيرۋس پاندەمياسىمەن كۇرەسكە قوسقان ۇلەسى ءۇشىن قازاقستان پرەزيدەنتى بەلگىلەگەن «حالىق العىسى» مەدالىمەن ماراپاتتالدى.

Abai.kz

7 پىكىر