جوبانى ۇيىمداستىرعان “Zertteu Research ءىnstitute” قوعامدىق قورىنىڭ حابارلاۋىنشا، بۇل سايت ارقىلى وبلىس ءماسليحاتىنىڭ نە پارلامەنت ءماجىلىسىنىڭ دەپۋتاتىنا ەلەكتروندى اشىقحات جىبەرۋگە بولادى.

ولاردىڭ ايتۋىنشا، ازاماتتار وسى رەسۋرس كومەگىمەن مەملەكەت، وبلىس، قالا، اۋدان نەمەسە اۋىل بيۋدجەتى تۋرالى ساۋال قويا الادى.

– جوبا ماقساتى – سايلاۋشى مەن دەپۋتات اراسىندا ناقتى بايلانىس ورناتىپ، سايلاۋشىلاردىڭ بيۋدجەت ماسەلەسى بويىنشا بەلسەندىلىگىن ارتتىرۋ. ءار جىل سايىن كۇزدە دەپۋتاتتار كەلەسى جىلعا بيۋدجەت جوباسىن قاراستىرادى. ءبىزدىڭ باقىلاۋىمىز بويىنشا، سول بيۋدجەت اقشاسىن قالىپتاستىراتىن سالىق تولەۋشىلەر بۇل پروتسەسكە قاتىسپايدى. بيۋدجەتتىڭ ءوزى دە سولار ءۇشىن ازىرلەنىپ، قابىلدانادى. سوندىقتان بيۋدجەتتىڭ سالىق تولەۋشىلەردىڭ كوزقاراسى مەن قالاۋىن ەسكەرە وتىرىپ قۇرىلۋى كەرەگىن ەسكەرتەمىز. تالقى كەزىندە دەپۋتاتتار سايلاۋشىلارىنىڭ تالاپ-تىلەگىن ءبىلۋى كەرەك. سوندىقتان ازاماتتار سۇراق قويىپ، پىكىرىن، تالابى مەن ءوتىنىشىن، ايتالىق بيۋدجەتكە قاتىستى ساۋالىن جىبەرە الۋى ءۇشىن وسى جوبانى ازىرلەدىك، – دەيدى "Zertteu Research Institute" ساراپشىسى عالىمجان ورازىمبەت ازاتتىققا سۇحباتىندا.

جوبا باستاماشىلارى بارلىق وبلىس ءماسليحاتتارىنان دەپۋتاتتاردىڭ ەلەكتروندى مەكەنجايىن بەرۋدى سۇراعان.

– ءماسليحاتتاردىڭ 70 پايىزى وڭ كوزقاراس تانىتتى. قاراعاندى، جامبىل، باتىس قازاقستان وبلىستارىنىڭ ءماسليحاتتارى دەپۋتاتتاردىڭ ەلەكتروندى پوشتالارىن جەكە باس مالىمەتى دەپ سانادى. ءبىز سايلاۋشىلارمەن بايلانىس بولۋى ءۇشىن اسىرەسە تسيفرلاندىرۋ داۋىرىندە ءماسليحات دەپۋتاتتارىنىڭ جۇمىس جانە ەلەكتروندى مەكەنجايى ناقتى جاريالانۋى ءتيىس دەپ سانايمىز. ماسەلەن، اقمولا جانە شىعىس قازاقستان وبلىستىق ءماسليحاتتارى دەپۋتاتتاردىڭ ەلەكتروندى پوشتالارىن سايتتارىندا كورسەتكەن، بۇل حالىق قالاۋلىلارىمەن تىكەلەي بايلانىسۋعا مۇمكىندىك بەرەدى. كەيبىرەۋلەرى ءماسليحاتتىڭ كورپوراتيۆتىك پوشتا مەكەنجايىن بەردى. ء[ماسليحاتتا] "وسى مەكەنجايعا جىبەرىڭدەر، ءارى قاراي كىمگە جونەلتۋدى ءوزىمىز شەشەمىز" دەدى، – دەيدى ساراپشى.

ورازىمبەتتىڭ ايتۋىنشا، دەپۋتات ازاماتتىڭ حاتىنا جاۋاپ بەرمەسە، بۇل ونىڭ "سايلاۋشى الدىنداعى اشىقتىعى مەن جاۋاپكەرشىلىگىن" بىلدىرەدى.

– ازامات سۇراعىنا جاۋاپ الماسا، دەمەك دەپۋتات ونىڭ ساۋالىنا نازار سالمادى دەگەن ءسوز، – دەيدى ساراپشى.

salemdeputat.kz سايتى قولدانۋشىنىڭ الدىمەن اشىقحات ءتۇرىن تاڭداپ، حابارلامانى جازىپ، تىزىمدەگى دەپۋتاتتى بەلگىلەپ، حاتتى ونىڭ اتىنا جىبەرۋىنە مۇمكىندىك بەرەدى. حات دەپۋتاتتىڭ ەلەكتروندى پوشتاسىنا تۇسەدى. جاۋاپ الۋ ءۇشىن حات جىبەرۋشى ءوز دەرەكتەرى مەن ەلەكتروندى پوشتا مەكەنجايىن كورسەتۋى ءتيىس.

ۇيىمداستىرۋشىلار تاقىرىپتىق اشىقحات جازۋ – سايلاۋشى ساۋالدارىنا دەپۋتاتتىڭ نازارىن اۋدارتۋدىڭ الەمدە كەڭ تاراعان ۇلگىسى دەيدى.

جوباعا قۇقىقتىق مەديا-ورتالىق، Factcheسk.kz, قازاقستاننىڭ جاستار اقپاراتتىق قىزمەتى (ميسك), "سوتسيۋم-زەرتتەۋ", "مەديانەت" جانە "سوروس-قازاقستان" قورى قولداۋ كورسەتكەن.

قازىر قازاقستاندا ءماسليحاتتار مەن ءماجىلىس دەپۋتاتىمەن حابارلاسۋ ءۇشىن سايلاۋشىلار ولاردىڭ قابىلداۋىنا جازىلۋى نەمەسە ءماسليحات سايتىندا كورسەتىلگەن تەلەفون نومىرىنە قوڭىراۋ شالۋى كەرەك. بولىنەتىن ۋاقىت شەكتەۋلى بولعاندىقتان، ازاماتتار حالىق قالاۋلىلارىمەن بايلانىستىڭ ناشار ەكەنىن، ەلدى تولعاندىراتىن سۇراقتاردىڭ كوبى جاۋاپسىز قالىپ جاتقانىن ءجيى ايتادى.

Abai.kz