ونىڭ سوزىنشە، كونستيتۋتسياعا ەنگىزىلگەن تۇزەتۋلەرگە سايكەس، جوگوركۋ كەڭەش دەپۋتاتتارىنىڭ جارتىسى ءبىر مانداتتى وكرۋگتەر ارقىلى، جارتىسى پارتيالىق جۇيە ارقىلى سايلانادى.

"پارتيالىق جۇيە مەملەكەتتى تولىق قۇردىمعا كەتىردى. ءبىز سايلاۋدى تولىق ءبىر مانداتتى جۇيە بويىنشا وتكىزۋدى ۇسىندىق. بىراق قارسىلاستار تابىلدى", - دەدى جاپاروۆ. ونىڭ ايتۋىنشا، ەندى 10-15 كۇن ىشىندە جوبا كونستيتسيالىق كەڭەستە تالقىلانادى.

جوگوركۋ كەڭەشتىڭ 7-شاقىرىلىمداعى دەپۋتاتتارىن سايلاۋ 4 قازاندا وتكەن. بىراق ونىڭ ناتيجەسىنە نارازى بولعان حالىق 5 قازاندا كوشەگە شىعىپ، سايلاۋ ناتيجەسىن جويۋدى تالاپ ەتتى. نارازىلىق اكتسياسىنىڭ سوڭى دەمونسترانتتار مەن پوليتسيا قاقتىعىسىنا ۇلاستى. 6 قازانعا قاراعان ءتۇنى دەمونسترانتتار جوگوركۋ كەڭەش عيماراتىن باسىپ الدى. 6 قازاندا ورتالىق سايلاۋ كوميسسياسى سايلاۋ ناتيجەسىن جويىپ، پارلامەنت سايلاۋىن 20 جەلتوقسانعا بەلگىلەگەن.

الايدا 22 قازاندا جوگوركۋ كەڭەش پارلامەنت سايلاۋى وتپەي تۇرىپ كونستيتۋتسيالىق رەفورما جۇرگىزۋگە مۇمكىندىك بەرەتىن زاڭ قابىلدادى.

Abai.kz