قازاقستاننىڭ «اق جول» دەموكراتيالىق پارتياسىنىڭ سايلاۋالدى قۇرىلتايى بيىلعى جىلدىڭ 20 قاراشاسىندا نۇر-سۇلتان قالاسىندا وتەدى. بۇگىن «اق جول» دەموكراتيالىق پارتياسىنىڭ فيليالدارى توراعالارىنىڭ قاتىسۋىمەن وتكەن پارتيانىڭ ورتالىق كەڭەسىنىڭ پلەنۋمىندا وسىنداي شەشىم قابىلداندى. وتىرىستى ونلاين رەجيمدە پارتيا توراعاسى ازات پەرۋاشەۆ وتكىزدى.

«قۇرىلتايدىڭ وتەتىن ورنى مەن كۇن تارتىبىنە قاتىستى ۇسىنىستاردى دايىنداۋدى پارتيانىڭ ورتالىق اپپاراتىنا تاپسىرامىز»، – دەدى ازات پەرۋاشەۆ. - الداعى قۇرىلتايدىڭ فورماتى كوروناۆيرۋسقا، سانيتارلىق-ەپيدەميولوگيالىق جاعدايعا بايلانىستى تاڭدالادى. فيليالدارعا سايلاۋالدى باعدارلاما جوباسى جىبەرىلەدى. ءوز ەسكەرتۋلەرىڭىز بەن ۇسىنىستارىڭىزدى دايىنداۋدى سۇرايمىن»
سونداي-اق، ورتالىق كەڭەس قۇرىلتاي كۇن ءتارتىبىنىڭ ءۇش ماسەلەدەن تۇراتىن جوباسىن بەكىتتى. ولار: پارتيانىڭ پارلامەنت ءماجىلىسى مەن ءماسليحاتتار سايلاۋىنا قاتىسۋى تۋرالى، پارتيالىق تىزىمدەردى بەكىتۋ تۋرالى، پارتيانىڭ سايلاۋالدى باعدارلاماسىنىڭ جوباسى تۋرالى. 

«پارتيا باسشىلىعى 24/7 رەجيمىندە «non-stop» جۇمىس تارتىبىنە كوشتى، سوندىقتان ءبارىڭىزدىڭ بايلانىستا بولىپ، اعىمداعى جانە ۇيىمداستىرۋشىلىق ماسەلەلەردى جەدەل شەشۋلەرىڭىزدى سۇرايمىن»، - دەدى ازات پەرۋاشەۆ پارتيالاس ارىپتەستەرىنە.

Abai.kz