وتكەن ايدا، ءبىر ازاماتتىڭ قۇقىعىن قورعاپ ءجۇرىپ، "قۇزىرلى" دەگەن ورگانداردىڭ ءبىر نەشەۋىنە كىرىپ شىقتىق. ىشكى ىستەر مەن قوسا، پروكۋراتۋرا دەپ اتالاتىن، زاڭنىڭ ورىندالۋىن قاداعالايتىن جەرلەردە دە بولدىق.

ايتپاعىم، ءبىز قايسسى بىرىنە كىرسەك تاعى، قر ء"تىل تۋرالى" زاڭىنىڭ تالاپتارى بۇزىلادى دا تۇرادى. بۇل جەردە، ارينە، وزگە ءتىلدى بىلمەيتىن كەي ازاماتتارىمىزدىڭ قۇقىلارى دا، قوسا بۇزىلاتىنى ءسوزسىز.

الدىمەن، اۋداندىق پوليتسيا بولىمشەسىنىڭ كىرە بەرىسىنەن، ورىس تىلىندە عانا ىلىنگەن جازبالاردى كورىپ، بىردەن، بۇل زاڭ بۇزۋشىلىق ەكەنىن، سول جەردىڭ فورمى كيگەن زاڭگەرلەرلەرىنە تۇسىندىرگەندەي بولدىق. كەلەسى جولى بارعانىمىزدا، ەسكەرىلۋسىز قالعان زاڭ بۇزۋشىلىق، كوزىمىزدى بادىرايتىپ قويىپ، تاعى قارسى الدى. بىزدە دە ۇيات جوق. بۇلاردا دا ۇيات جوق. ۇيات جوق جەردە، زاڭ قايدان بولسىن دەيمىن مەن. "بۇزىلعان" اقپاراتتارىن زاڭدى قالپىنا كەلتىرۋلەرىن تاعى سۇرادىق. ولار بولسا، جاڭا عيماراتقا ەندى كوشكەندەرىن ايتىپ، جاڭا باسشى كەلگەنىن سىلتاۋلاتىپ، سوڭىندا، بۇل ء"ىس" ولاردىن قولدارىنان كەلمەيتىنىن جەتكىزدى؟!

قالالىق پروكۋراتۋرادا دا سونداي جاعدايعا تاپ بولدىق. كوزگە كورىنىپ تۇرعان زاڭ بۇزۋشىلىقتارعا قاتىستى، كىرە بەرىستەگى "كۇزەتشى بالا", باسشىلارعا جەتكىزەمىز دەۋمەن عانا شەكتەلىپ قالدى.

ال، ەندى، ەلىمىزدىڭ باس پروكۋراتۋراسىندا زاڭ بۇزۋشىلىققا تىرەلگەنىمىز، شىنىمەنەن ۇيات بولدى. ءبىر پاراققا جازىلعان اقپاراتتارىندا، ورىس ءتىلى مەملەكەتتىك تىلدەن جوعارى تۇر. ال، جەكە پاراقتارعا جازىپ ىلىنگەندەرىندە، ورىس ءتىلى تاعى باسىم بولىپ، سول جاعىنا جابىستىرىلعان.

بۇل ەندى، باس پروكۋراتۋرا.

حاتىمدى قابىلداپ جاتقان كەڭسە قىزمەتكەرى، ءتىل ماماندارىنا ايتامىز دەپ، قىسقا قايىرىپ ول كەتتى.

مەنىڭ دە، ۇنەمى ايتاتىنىم. بۇل مەكەمەلەرگە كەلەتىن ادامدار، جەكە ماسەلەلەرىمەن باستارى قاتىپ، سول جەرگە تاۋەلدى بولىپ باراتىندارى بەلگىلى. سوندىقتان، وزدەرىنە قاتىستى بولماسا، بۇنداي زاڭ بۇزۋشىلىقتاردى كورە تۇرا، ءمان بەرىپ، ەشتەڭە ايتقىلارى كەلمەيدى.

ءتىل ساياساتى كوميتەتى باسشىسىمەن العاشقى كەزدەسكەنىمدە، وسى ءتىل ماسەلەسىنە بايلانىستى ءوز ويىمدى ايتقان ەدىم. كەيىن ءبىر، سويلەسكەنىمدە، پروكۋراتۋرا، ادىلەت باسقارمالارى قىزمەتكەرلەرىمەن جاقىن ارادا جەكە ءبىر كەزدەسۋ وتكىزەمىز دەپ، سەندىرىپ ەدى مەنى، ادىلبەك قابا مىرزا. سودان بەرى، كۇتۋدە بولىپ، قۇرىلعان توپ، جيىندارىندا دا ۇندەمەي جۇرگەن جايىمىز بار. بىراق، قاشاڭعى جۇرە بەرەمىز.

شىنىمەن، ەگەر ناتيجەلى جۇمىس جاسايمىز دەسەك، الدىمەن وسى اتتارى اتالعان ورگاندارمەن كەزدەسۋ وتكىزىپ، ماسەلەنىڭ بەتىن اشىپ الۋىمىز كەرەك. ءارى قارايعى جۇمىستاردى، سولارمەن بىرلەسىپ جاساعانىمىز ءجون دەپ، تاعى قايتالايمىن.

ال، قازىرگى ءبىزدىڭ، كوشە "تازالاپ", كاسىپكەرلەرگە شۇيلىگىپ، ءبىلىم مەن عىلىمدى "وسەكتەپ", كينو، مۋلتفيلمدەردى، ت.ت. "اڭگىمەلەپ" جۇرگەنىمىز، جۇمىستىڭ جاي قيمىلىن (يميتاتسيا) عانا كورسەتەدى دەپ بىلەمىن.

قاتتى ايتسام ىرەنجىمەڭىزدەر. بارلىعى، تەك ءتىل ءۇشىن. بارلىعى ۇلت ءۇشىن...

جاسۇلان يسانىڭ جازباسى

Abai.kz