«ۆەسنا» ادام قۇقىقتارىن قورعاۋ ۇيىمىنىڭ حابارلاۋىنشا، قاۋىپسىزدىك كۇشتەرى 8 قاراشادا شامامەن 800 ادامدى ۇستادى. مينسك، گومەل، ۆيتەبسك، جلوبين جانە باسقا دا قالالاردا وتكەن شەرۋلەردە بەلسەندىلەر قاماۋعا الىندى. كەم دەگەندە التى جۋرناليست ۇستالعانى ءمالىم بولدى. «ۆەسنا» مالىمەتىنە قاراعاندا، ۇستالعانداردىڭ كەيبىرى كەيىن بوساتىلعان. الەۋمەتتىك جەلىلەردە تارالعان ۆيدەولاردان ميليتسيا قىزمەتكەرلەرىنىڭ ادامداردى قۇلاتىپ، ولاردى ارنايى كولىككە سالىپ جاتقانىن كورۋگە بولادى.

بۇنىڭ الدىندا مينسك ميليتسياسى ون ادامدى «رۇقسات ەتىلمەگەن اكتسياعا شىققانى ءۇشىن» ۇستاعانىن حابارلاعان. جۋرناليستەردىڭ ەسەبى بويىنشا، مينسك قالاسىنداعى ميتينگىگە بىرنەشە مىڭ ادام قاتىسقان. «دەموكراتيا مارشىنا» قاتىسۋشىلار وپپوزيتسيا بەلگىسىنە اينالعان اق-قىزىل جالاۋلار مەن قولشاتىر ۇستاپ ءجۇردى.

مينسك ميليتسياسى بۇل كۇنى تاڭەرتەڭنەن كوشەلەر مەن قالا ورتالىقتارىن جاۋىپ تاستاعان. ودان ءبىر كۇن بۇرىن، 7 قاراشادا، دارىگەرلەردىڭ نارازىلىق اكتسياسىندا شامامەن 60 ادام ۇستالدى.

بەلارۋس قالالارىندا نارازىلىق اكتسيالارى بيىل 9 تامىزدا باستالعان. تۇرعىندار سول كۇنى وتكەن پرەزيدەنت سايلاۋىنىڭ ناتيجەسىمەن كەلىسپەي، جاڭا سايلاۋ ءوتىزۋدى تالاپ ەتتى. باتىس ەلدەرى دە لۋكاشەنكونىڭ سايلاۋداعى جەڭىسىن مويىنداۋدان باس تارتتى، ال ەۋرووداق وعان جانە ونىڭ جاقتاستارىنا سانكتسيا سالدى.

Abai.kz