17 مىڭعا جۋىق قازاقستاندىق جەكەلەگەن قارجى ۇيىمدارىنىڭ قىزمەتىنەن زارداپ شەكتى. بۇل تۋرالى LS سايتى مالىمدەدى. 

كەلتىرىلگەن شىعىن 21 ميلليارد تەڭگەدەن اسقان. مەملەكەتتىك ورگان لومباردتاردىڭ اتىن جامىلىپ، الاياقتار ءىس جۇزىندە قارجىلىق پيراميدالار ۇيىمداستىرعانىن ايتادى.

وسىعان بايلانىستى قارجى نارىعىن رەتتەۋ جانە دامىتۋ اگەنتتىگى 350-دەن استام لومبارد پەن ونلاين-نەسيە بەرۋشىلەردىڭ قىزمەتىن تەكسەردى.

جاسىرىن كوميسسيالار قۇرۋ، ميكروكرەديتتەر بويىنشا پايىزدىق مولشەرلەمەنى جوعارىلاتۋ جانە كەپىلدىك زاتتاردى نەگىزسىز ساتۋ سياقتى قارىز الۋشىلاردىڭ قۇقىقتارىن بۇزۋ فاكتىلەرى انىقتالدى.

«جەكەلەگەن قارجى ۇيىمدارىنا جۇرگىزىلگەن تەكسەرىس ناتيجەلەرى بويىنشا 70 ميلليون تەڭگەدەن استام ايىپپۇلمەن 910 اكىمشىلىك قۇقىق بۇزۋشىلىق ءىس قوزعالدى. اگەنتتىك 150 نۇسقاۋلىق ەنگىزدى، وعان سايكەس قارىز الۋشىلارعا 130 ميلليوننان استام تەڭگە قايتارىلدى»، - دەپ ءتۇسىندىردى پروكۋراتۋرا.

مەملەكەتتىك ورگان قازاقستاندا سىياقى مەن تۇراقسىزدىق جاعدايلارىن قوسپاعاندا، ميكروكرەديتتەر بەرۋ كەزىندە قارىز الۋشىلاردان كەز-كەلگەن تولەمدەر مەن كوميسسيالاردى الۋعا زاڭنامالىق تىيىم سالىنعانىن ەسكە سالدى.

سونىمەن قاتار، 2021 جىلدىڭ 1 قاڭتارىنان باستاپ ميكروقارجى قىزمەتىن مىندەتتى ليتسەنزيالاۋ ەنگىزىلەدى.

ال، بۇعان دەيىن ءۇش قارجىلىق پيراميدا 8 ميلليارد تەڭگە شىعىنعا باتىرعانى ايتىلعان.

Abai.kz