تىلدىك تاۋەلسىزدىكتىڭ باستى دىڭگەگى – مادەني كونتەنت. وسى مادەني كونتەنتتى قالىپتاستىرۋعا كەز كەلگەن الاش بالاسى ات سالىسا الادى.

بىراق ءبىزدىڭ 14 وبلىستا جانە ءۇش ميلليونەر قالادا جەرگىلىكتى اۋدارما مەكتەبى مەن رەداكتورلار القاسى قالىپتاسپاي وتىر. جانە وسى جەرگىلىكتى اۋدارما مەكتەبى مەن رەداكتورلار القاسىن قولدايتىن مەديابيزنەس قۇرىلىم ومىرگە كەلگەن جوق. ورىس تىلدىلەردىڭ رەسەيى بار. وندا 200 جىلدىق تاريحى بار اۋدارما مەكتەبى مەن رەداكتورلار القاسى بىزگە ءوز مەدياونىمدەرىن كوكتەمگى سەلدەي تاسقىنداتتى. 

بيلىك تاراپىننان قازاق تىلدىلەردىڭ پوپمادەنيەتكە (يسلام ءدىلدى ۇلتتىق دۇنيەتانىمداعى بۇقارالىق مادەنيەتكە) مەديا سۇرانىسى وتەلمەي كەلەدى. كىتاپ باعاسى مەن كينو بيلەتى اسپانداپ تۇرعانىن ءسوز ەتپەگەندە. وزگە تىلدەگى كىتاپتاردى اۋدارىپ، اۋديونۇسقاسى مەن ەلەكتروندى نۇسقاسىن سايتتارعا ورنالاستىرۋ جاعى كەمشىن سوعۋدا. كينو مەن بەينە ونىمدەردى اۋدارۋ شەنەۋىنىكتەر تاراپىنان رەتتەلىپ، بەلگىلى ءبىر جانداردىڭ عانا ناپاقاسىنا اينالدى. ۇلتتىق كينوپروكات (سولاي دەپ ايتۋعا اۋزىڭ بارمايدى) رەسەي كينو تۇساۋكەسەرلەرىن بىزگە تىقپالاۋدان جالىعارۋ ەمەس. 

تىلدەردى وقىتۋ ورتالىقتارى جانىنان اۋدارما مەكتەبى مەن رەداكتورلار القاسىن ۇيمداستىرۋ جولعا قويىلۋى كەرەك. قازاق تىلىندە ايلىق ابونەمەنتتەرى 500 تەڭگەدەن اسپايتىن ونلاين كىتاپحانالار جانە 1 تەڭگەگە نە كينوسەريال نە كوركەمفيلم كورسەتەتىن كينوسايتتار اشاتىن ۋاقىت كەلدى. جابىلعان تويحانالاردى كينوتەاترلارعا اينالدىرسا بيزنەسمەندەر ۇتادى. ول ءۇشىن جازۋشىلار وداعى باسشىلىق ەتىپ، كينوگەرلەر باقىلاۋ جاسايتىن 14 وبلىستىڭ جانە ءۇش ميلليونەر قالانىڭ ءار اۋداندارىندا قۇرىلعان قازاق ءتىلدى وتاندىق دۋبلياج بىرلەستىكتەرى كەرەك. ولاردى قۇرۋدىڭ تۇك قيىندىعى جوق. تەك اۋداندىق  تىلدەردى وقىتۋ ورتالىقتارى جانىنان اۋدارما مەكتەبى مەن رەداكتورلار القاسىن ۇيمداستىرۋعا مەكەمە باسشىلارىنا قۇزىرەت بەرىپ، مەملەكەتتىك ءتىلدى دامىتۋعا جۇمساعان قارجىدان تۇراقتى اقشا بولسە عانا بولعانى.

قازاق دۋبلياجى قيىرداعى اۋدانداردا جولعا قويىلماي، قازاق ءتىلدى كينوپرواكت جەلىسى دۇنيەگە كەلمەي، ءبىز ۇلت بولىپ ءوز مادەنيەتىمىزدى قانات جايعىزا المايمىز.

ءسوز سوڭى. ماقالا اۆتورى وسى باعىتتا دۋبلياجدى ۇيدە قالاي جاساۋعا بولاتىنى جايلى نيەت ەتكەن جاندى ۇيرەتۋگە نەگىزدەلگەن ءۇش بەينە ساباقتى ءوز فب پاراقشاسىنا ورنالىستىرعان بولاتىن. دۋبلياج جاساۋدى ۇلت بولىپ ۇيرەنىپ، الاشتىڭ ءبىر كادەسىنە جارايىق اعايىن!

ءابىل-سەرىك الياكبار

Abai.kz