بۇگىن پرەزيدەنتىمىز قاسىم-جومارت توقاەۆ «Nur Otan» پارتياسىنىڭ كەزەكتەن تىس XX سەزىندە قازاقستان قازىرگى احۋالعا قاراماستان ستراتەگيالىق دامۋ ماقساتتارىن دايەكتى تۇردە ىسكە اسىرادى، دەدى.

سونداي-اق مەملەكەت باسشىسى ەلباسى ساياساتىنىڭ ساباقتاستىعىن قامتاماسىز ەتۋ نەگىزگى مىندەتتىڭ ءبىرى. پارتيانىڭ قوعامداعى جەتەكشى ءرولىن ەسكەرە وتىرىپ، بيىلعى جولداۋدا ايتىلعان رەفورمالاردى «Nur Otan» پارتياسىنىڭ زور الەۋەتىنە سۇيەنە وتىرىپ جۇزەگە اسىرىلاتىنىن اتاپ ءوتتى.

مەملەكەت باسشىسى بۇگىنگى سوزىندە الداعى بەس جىلدا باسىمدىلىق بەرىلەتىن نەگىزگى ماسەلەلەردى دە اتاپ ءوتتى.

«ءبىزدىڭ باعدارلامامىزدا نەگىزگى 4 باسىمدىق بار. ءبىرىنشى - ءار ازاماتقا ءوز الەۋەتىن جۇزەگە اسىرۋ ءۇشىن تەڭ مۇمكىندىك بەرۋ. ءبىز الەۋمەتتىك-ەكونوميكالىق ساياساتتا نارىق تاسىلدەرىن باسشىلىققا الامىز. قارجىنى جانە جاردەماقىنى نەگىزسىز، وڭدى-سولدى تاراتۋدى دوعارۋ قاجەت. مەملەكەت اتاۋلى كومەكتى شىن مانىندە مۇقتاج ادامدارعا بەرۋ كەرەك. ەڭ باستىسى - الەۋمەتتىك ادىلدىك»، - دەدى قر پرەزيدەنتى.

الداعى 5 جىل ىشىندە الەۋمەتتىك تولەمدەردى جىل سايىن يندەكستەۋ ءۇشىن 3 ترلن تەڭگەدەن استام قاراجات بولىنبەك.

«Nur Otan» پارتياسىنىڭ سەزىندە كانديداتتاردىڭ قاتارى جاڭا ەسىمدەرمەن تولىققانى بەلگىلى بولدى. ولاردىڭ اراسىندا ەلگە تانىمال تۇلعالار بار. سونىمەن قاتار بۇل جولى كانديداتتار ىشىندە جاستار مەن ايەلدەردىڭ كوبەيگەندىگىن اڭعارۋعا بولادى.

اسحات سادىرباي

Abai.kz