بيىل 10 ايدا قازاقستانداعى شيكى مۇناي ءوندىرىسى 61 ملن توننا بولدى. ۋاعدالاستىقتارعا سايكەس، شيكى مۇناي ءوندىرىسى ءبىر جىلدا 6% ازايعان.

Energyprom.kz حابارلاعانداي، 2020 جىلعى مۇناي قورى بويىنشا ەلدەر رەيتينگىندە قازاقستان 30 ملرد باررەل كولەمىمەن 11 ورىن يەلەندى. رەيتينگتە 302,8 ملرد باررەلمەن ۆەنەسۋەلا كوش باستاپ تۇر. كوپ مۇناي وندىرگەن ءۇش ەل اراسىندا ساۋد ارابياسى مەن كانادا بار.

اقشالاي العاندا شيكى مۇناي ءوندىرىسىنىڭ كولەمى 6,5 ترلن تەڭگەنى قۇرادى. ەستەرىڭىزگە سالا كەتەيىك، وپەك+ ەلدەرىنىڭ ۋاعدالىستىعى بويىنشا، مامىر ايىنان باستاپ مۇناي ءوندىرىسىن  ءۇش اي ىشىندە تاۋلىگىنە 9,7 ميلليون باررەلگە دەيىن تومەندەتۋ كوزدەلگەن.

«ەلىمىزدە مۇناي وندىرەتىن ەڭ نەگىزگى ەكى ايماق- اتىراۋ مەن ماڭعىستاۋ. ءوندىرىستىڭ 64,3% اتىراۋدىڭ، 22,8% ماڭعىستاۋدىڭ ەنشىسىندە.  بيىل قاڭتار-قىركۇيەك ايلارىندا قازاقستان 18,7 ملرد اقش دوللارىنا تەڭ 55 ملن توننا مۇناي ەكسپورتتادى»، - دەپ جازعان دەرەككوز.

Abai.kz