الماتى قالاسىنىڭ تۇركىسىب اۋدانىندا جەلتوقسان ساياباعى اشىلدى. بۇل تۋرالى Almaty.tv مالىمدەدى. 

قالانىڭ سولتۇستىك بولىگىندە اۋدانى 100 گەكتاردان اساتىن ەڭ ۇلكەن جاڭا ساياباق رەكرەاتسيالىق ايماق اەروپورت كولىنىڭ جاعالاۋىن قامتيدى. اباتتاندىرۋ الاڭى — شامامەن 23 مىڭ شارشى مەتر.

ساياباقتا 13 ويىن الاڭى بار — 8 بالالار جانە 7 سپورت الاڭى، ونىڭ ىشىندە ۆوركاۋت الاڭدارى، ميني-فۋتبول جانە ستريتبول ويىن الاڭدارى، سونداي-اق پاركۋر ويىن الاڭى.

ساياباقتىڭ باستى ەرەكشەلىگى — ۇزىندىعى 1200 مەترلىك جاياۋ جۇرگىنشىلەرگە ارنالعان پيرست. ول كىشى الماتى وزەنىنىڭ ارناسىنان جانە اۋەجاي كولىنىڭ شىعىس جاعالاۋىنان وتەدى. پيرس ماياك ىقشاماۋدانى مەن اۋدان ورتالىعى اراسىنداعى وزىندىك كوپىرگە اينالدى.

2021 جىلى ساياباقتى جاساۋ جۇمىستارى جالعاسادى. جاياۋ سەرۋەندەۋگە جانە دەمالۋعا ارنالعان ايماقتاردى، سونداي-اق توعايدىڭ جاسىل قورىن قايتا قۇرۋ جوسپارلانۋدا.

جەلتوقسان ساياباعىنىڭ اشىلۋ سالتاناتىندا الماتى قالاسىنىڭ اكىمدىگىنىڭ، زيالى قاۋىم جانە «نۇر وتان» پارتياسىنىڭ وكىلدەرى ءسوز سويلەدى.

Abai.kz