ۇلىبريتانيا مەن ەۋرووداق برەكزيتتەن كەيىن ساۋدا كەلىسىمىنە كەلدى.

بۇل كەلىسىم لوندون مەن بريۋسسەل اراسىنداعى بيزنەستى جۇرگىزۋ مەن بالىق اۋلاۋ كاسىبىنە قاتىستى ۇزاققا سوزىلعان داۋعا نۇكتە قويدى.

2016 جىلى وتكەن رەفەرەندۋم كەزىندە بريتان حالقىنا نە ۋادە ەتىلدى، ءبارى ورىندالدى دەپ مالىمدەدى بريتان ۇكىمەتى.

ەۋروكوميسسيا باسشىسى ۋرسۋلا فون دەر ليايەن، كەلىسىم ورتاق نارىققا ءادىل مۇمكىندىك بەرەدى دەپ مالىمدەدى.

ۇلىبريتانيا مەن ەۋرووداق اراسىنداعى ساۋدا كەلىسىمى نولدىك تاريف پەن نولدىك كۆوتاعا نەگىزدەلگەن. ول 2021 جىلدىڭ 1 قاڭتارىنان باستاپ كۇشىنە ەنۋى ءتيىس.

2019 جىلى ۇلىبريتانيا مەن ەۋرووداق اراسىنداعى ساۋدا اينالىمى 668 ميلليارد فۋنت ستەرلينگ (شامامەن 900 ميلليارد دوللار) بولدى.

2016 جىلدىڭ جازىندا بريتاندىقتار ەۋرووداقتان شىعۋدى قولداپ داۋىس بەرگەن. ۇلىبريتانيا ەۋرووداققا 1973 جىلى كىردى ءارى ءبىرىنشى بولىپ شىقتى.

Abai.kz