جاڭاوزەن: جۇرت تاعى دا الاڭعا شىعاتىن كورىنەدى
الەۋمەتتىك جەلىلەر بويىندا (م.اگەنت، ەل.پوشتا،ت.ب) «جاڭاوزەن قالاسىنىڭ تۇرعىندارى اقپاننىڭ 23-25 ارالىعىندا تاعى دا ەرەۋىلگە شىعادى» دەگەن اقپارات تاراۋدا. «جەل سوقپاسا، ءشوپتىڭ باسى قيمىلدامايدى» دەيدى قازاق، تەگىندە بۇنداي ءسوز بەكەردەن-بەكەر شىقپاسا كەرەك. ەل ءىشىن دۇرلىكتىرۋدى كوزدەگەن الدەبىر اۋمەسەردىڭ ويلاپ تاپقانى بولسا دا ءبىزدىڭ كاسىبي مىندەتىمىز - ماسەلەنىڭ ءمان-جايىنا جەتۋ، جۇرتقا جان-جاقتى مالىمەت بەرۋ. وسى ماقساتتا ماڭعىستاۋ وبلىسى اكىمشىلىگىنە قوڭىراۋ شالدىق. اۋەلى اكىمشىلىكتىڭ ىشكى ساياسات باسقارماسىنىڭ الدەبىر قىزمەتكەرى باستىقتارىنىڭ (وبلىستىق ىشكى ساياسات باسكارماسىنىڭ تەلى، باستىعى ايتۋاروۆ جارماعامبەت قايىرماعامبەتۇلى)استاناعا ءجۇرىپ كەتكەنىن، قوڭىراۋ شالىپ تۇرعان ماسەلەنىڭ ءمان-جايىن باستىقتىڭ ورىنباسارىنان ءبىلۋىمىزدى ءوتىندى. ورىنباسارعا ساۋالىمىزدى تۇسىندىرە باستاپ ەدىك، «باستىققا بارىپ كەلەيىن، جارتى ساعاتتان سوڭ حابارلاسىڭىزشى» دەپ كەتكەن، سودان قايتىپ «ورالمادى». تەلەفوندى بەزىلدەتىپ-بەزىلدەتىپ ءبىز دە قويدىق.
قانداي دا ءبىر اقپارات الساق دەگەن نيەتپەن جاڭاوزەن قالاسىنىڭ اكىمى سەرىكباي تۇرىموۆتىڭ ۇيالى تەلەفونىنا دا حابارلاستىق. تۇتقانى كوتەرمەدى.
الەۋمەتتىك جەلىلەر بويىندا (م.اگەنت، ەل.پوشتا،ت.ب) «جاڭاوزەن قالاسىنىڭ تۇرعىندارى اقپاننىڭ 23-25 ارالىعىندا تاعى دا ەرەۋىلگە شىعادى» دەگەن اقپارات تاراۋدا. «جەل سوقپاسا، ءشوپتىڭ باسى قيمىلدامايدى» دەيدى قازاق، تەگىندە بۇنداي ءسوز بەكەردەن-بەكەر شىقپاسا كەرەك. ەل ءىشىن دۇرلىكتىرۋدى كوزدەگەن الدەبىر اۋمەسەردىڭ ويلاپ تاپقانى بولسا دا ءبىزدىڭ كاسىبي مىندەتىمىز - ماسەلەنىڭ ءمان-جايىنا جەتۋ، جۇرتقا جان-جاقتى مالىمەت بەرۋ. وسى ماقساتتا ماڭعىستاۋ وبلىسى اكىمشىلىگىنە قوڭىراۋ شالدىق. اۋەلى اكىمشىلىكتىڭ ىشكى ساياسات باسقارماسىنىڭ الدەبىر قىزمەتكەرى باستىقتارىنىڭ (وبلىستىق ىشكى ساياسات باسكارماسىنىڭ تەلى، باستىعى ايتۋاروۆ جارماعامبەت قايىرماعامبەتۇلى)استاناعا ءجۇرىپ كەتكەنىن، قوڭىراۋ شالىپ تۇرعان ماسەلەنىڭ ءمان-جايىن باستىقتىڭ ورىنباسارىنان ءبىلۋىمىزدى ءوتىندى. ورىنباسارعا ساۋالىمىزدى تۇسىندىرە باستاپ ەدىك، «باستىققا بارىپ كەلەيىن، جارتى ساعاتتان سوڭ حابارلاسىڭىزشى» دەپ كەتكەن، سودان قايتىپ «ورالمادى». تەلەفوندى بەزىلدەتىپ-بەزىلدەتىپ ءبىز دە قويدىق.
قانداي دا ءبىر اقپارات الساق دەگەن نيەتپەن جاڭاوزەن قالاسىنىڭ اكىمى سەرىكباي تۇرىموۆتىڭ ۇيالى تەلەفونىنا دا حابارلاستىق. تۇتقانى كوتەرمەدى.
جاڭاوزەندە بولۋى ىقتيمال ميتينگكە بۇل جولى تەك قىز-كەلىنشەكتەر، اق جاۋلىقتى انالار عانا باراتىن كورىنەدى. ەر ازاماتتار قارا كورسەتىپ، جيىن جاساي قالسا، ولاردى قارۋلى پوليتسيا ايداپ اپارىپ قاماپ تاستايدى ەكەن. ميتينگكە كەلەتىن ايەلدەر 16 جەلتوقسان كۇنگى وقيعا بارىسىندا الەۋمەتتىك تەڭدىك تالاپ ەتكەن ەرەۋىلشىلەردىڭ تەككە ايىپتالىپ، جازىقسىز ءىستى بولىپ جاتقاندارىن ايتىپ شاعىنباقشى. رەسمي استاناعا اشىنعان انالار ءوز ۇندەرىن وسىلاي جەتكىزبەكشى. رەداكتسيامىزعا كەلىپ تۇسكەن جاڭاوزەن جايىنداعى حاباردى ارىپتەستەرىمىزدەن دە سۇراپ كوردىك. ولار دا قۇلاعدار ەكەن. مىسالى، «دات» جوباسىنىڭ جەتەكشىسى ەرمۇرات باپي باستاعان جۋرناليستەر جانە جاڭاوزەن وقيعاسىنا بايلانىستى قۇرىلعان تاۋەلسىز قوعامدىق كوميسسيانىڭ بىرقاتار مۇشەلەرى الماتىدان جاڭاوزەنگە قوسىن ارتپاق. كوميسسيا مۇشەلەرى وزەندەگى ەلمەن كەزدەسىپ، جۇرتتىڭ قاندى وقيعا كەزىندە كورگەن، بىلگەن، باستان كەشكە جايتتارىن قاعازعا ءتۇسىرىپ، كوميسسيانىڭ جاڭاوزەن وقيعاسىنا قاتىستى قۇجاتىنا تىركەمەك.
جاڭاوزەنگە قارۋلى كۇشتەردىڭ ءبىر لەگى تاياۋ كۇندەرى جەتىپ تە ۇلگەرىپتى. دەمەك، ەل اۋزىنداعى ءسوز جاڭساق ەمەس.
جاڭاوزەن مۇنايشىلاردىڭ پوليتسيامەن قاقتىعىسىنان كەيىن جابىق جاعدايداعى قالا بولدى. بىراق، ەلباسىنىڭ پارمەن ەتۋىمەن ءماجىلىس سايلاۋىنا قاتىسىپ، داۋىس بەرىپ، تۇرعىندار ازاماتتىق ەرىكتەرىن ءبىلدىردى. سونىمەن «قاھارلى» قالانىڭ تىرلىگى قالىپقا تۇسكەن سياقتى كورىنگەن. بىراق، باس پروكۋرور ا. داۋىلباەۆتىڭ مالىمدەمەسىنەن كەيىن وقيعاعا تىكەلەي قاتىسى بار دەگەن بىرنەشە كۇدىكتى ۇستالعان سوڭ جاڭاوزەننىڭ «جاڭا جىرى» باستالدى. Abai.kz اقپاراتتىق پورتالى دا جاڭاوزەننىڭ «جاڭا جىرى» تۋرالى بىرنەشە رەت جازدى: قىسقاسى جۇرت باس پروكۋراتۋرانىڭ شەشىمىنە قارسى، ەرۋىلگە شىققانىمەن جازىعى جوق جانداردىڭ سوتتالۋىنا نارازى.
جىر دەمەكشى، جاڭاوزەن تۋرالى اقىندار قاتتى تولعانۋدا. جاڭاوزەنگە ارنالعان جىرلاردىڭ ءوزى ءبىر كىتاپ بولىپ قالعانعا ۇقسايدى. جاڭاوزەن جىرىنىڭ جاڭا ءتۇرى ەندى قازىرگى زامانننىڭ اقپاراتتىق مۇمكىندىگىمەن ارلەنىپ، تىڭ تىنىس اشۋدا. سونىڭ ءبىر نۇسقاسى ءبىز تومەندە جاريالاپ وتىرعان ولەڭ بولسا كەرەك. اۆتورى ازىرشە بەلگىسىز بولىپ تۇرعان اقىننىڭ جىرىن وقىرمان نازارىنا ۇسىنا وتىرىپ مىنانى قاداپ ايتامىز: جاڭاوزەن - ءبۇتىن قازاق دالاسىنىڭ بولىنبەس، بولشەكتەنبەس كيەلى مەكەنى، ىستىق جۇرتى. جاڭاوزەننىڭ قايعىسى - جالپاق قازاقتىڭ قايعىسى. جاڭاوزەندەگى وقيعاعا قابىرعاسى قايىسىپ، جۇرەگى قان جىلاماعان قازاق كەم. سوندىقتان، ولەڭنىڭ اششىلاۋ كەتكەن تۇسىنا ويلى وقىرمان پاراساتپەن قاراپ، بايلام جاسايدى دەگەن نيەتتەمىز. ال، جاڭاوزەندە تاعى دا الاڭعا جۇرت جينالا ما، جوق پا، جيىن قورتىندىسى قالاي بولادى، وعان جەرگىلىكتى اكىمشىلىك رۇقسات ەتە مە؟ - دەگەن ساۋالداردىڭ ناقتى جاۋابىن قايتكەندە انىقتاۋعا ۋادە ەتەمىز.
«اباي-اقپارات»
