بەيسەنبى, 28 ناۋرىز 2024
جەر داۋى 6805 18 پىكىر 28 قاڭتار, 2021 ساعات 13:21

جەر كودەكسىنە قاتىستى موراتوري كۇشىن جويادى. ءارى قاراي نە بولماق؟

2021 جىلدىڭ سوڭىندا جەر كودەكسىنە قاتىستى موراتوري كۇشىن جويادى. مەملەكەت باسشىسى بىرنەشە مارتە جەر ساتىلمايتىنىن ايتقانىمەن، بۇل ماسەلە ءالى تولىق كۇن تارتىبىنەن تۇسكەن جوق. 

وسىدان تۇپ-تۋرا ەكى كۇن بۇرىن پرەزيدەنت قاسىم-جومارت توقاەۆ ۇكىمەتتىڭ كەڭەيتىلگەن وتىرىسىندا جەر كودەكسىنە ەنگىزىلگەن ءموراتوريدىڭ مەرزىمى اياقتالاتىنىن ەسكەرتتى. 2021 جىلدىڭ قاراشا ايىنا دەيىن جەر كودەكسىنە تۇزەتۋلەر ەنگىزۋدى ۇكىمەتكە تاپسىردى.

دەسە دە، موراتوري مەرزىمى اياقتالعاننان كەيىن جەر ماسەلەسى قالاي شەشىلەتىنى ءالى بەلگىسىز. «جەر ساتىلماسىن، شەتەلدىكتەرگە جالعا بەرىلمەسىن» دەگەن حالىق تالابى ەشقاشان وزگەرمەك ەمەس. ەندەشە، ءموراتوريدىڭ كۇشىن جويۋى جەر داۋىن قايتا تۇتاندىرماي ما؟ ءارى قاراي نە بولماق؟ نە ىستەۋ كەرەك؟

سول ءۇشىن سايتىمىز تۇراقتى تۇردە جۇرگىزىپ كەلە جاتقان ينتەرنەت-كونفەرەنتسيانىڭ كەلەسى تاقىرىبىن دا وسى جەر ماسەلەسىنە ارنادىق. كونفەرەنتسيا قوناعى – 2016 جىلعى جەر كوميسسياسىنىڭ مۇشەسى بولعان ساياساتكەر، قوعام قايراتكەرى مۇحتار بولاتحانۇلى تايجان.

سپيكەر مۇحتار بولاتحانۇلىنىڭ اشىق سۇحباتى مەن سىزدەر قويعان ساۋالدىڭ جاۋابى «Abai.kz» اقپاراتتىق پورتالىندا جاريالاناتىن بولادى!

ەسكەرتۋ! قۇرمەتتى وقىرمان، سپيكەردىڭ جەكە باسىنا نەمەسە وتباسىنا سوقتىعىساتىن، ار-ۇجدانىنا تيەتىن، بوقاۋىز، بەيادەپ سوزدەر مەن سۇراقتارعا جول بەرىلمەيدى! 

قوناققا قويار ساۋالدارىڭىز بەن ايتار ويلارىڭىز بولسا، مارحابات، مارتەبەلى وقىرمان!

Abai.kz

18 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1560
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2250
عيبىرات

قايسار رۋحتى عازيز جان

مۇحتار قۇل-مۇحاممەد 3503