جۇما, 29 ناۋرىز 2024
ەل ءىشى... 5162 8 پىكىر 29 قاڭتار, 2021 ساعات 20:34

بيىل حالىق ساناعى وتەدى

قازاقستاندا وسى جىلدىڭ قازان ايىندا حالىق ساناعى وتەدى. بۇل تۋرالى مەملەكەت باسشىسى قاسىم-جومارت توقاەۆ رەفورمالار جونىندەگى جوعارعى كەڭەستىڭ ءۇشىنشى وتىرىسىندا ايتتى.

«حالىقتىڭ ۇلتتىق ساناعىن ۇيىمداستىرۋ ماسەلەلەرى جايىندا ايتا كەلە قاسىم-جومارت توقاەۆ وسىناۋ اۋقىمدى شارا ماڭىزدى ساراپتامالىق مالىمەتتەردى، ونىڭ ىشىندە حالىقتىڭ شىنايى سانىن، ولاردىڭ جاستارىن، گەندەرلىك قۇرامىن، ۋربانيزاتسيا دارەجەسىن، كىرىس دەڭگەيىن جانە دۇرىس، نەگىزدى باسقارۋشىلىق شەشىمدەر قابىلداۋ ءۇشىن قاجەتتى وزگە دە مالىمەتتەردى الۋعا مۇمكىندىك بەرەتىندىگىن اتاپ ءوتتى. سوندىقتان پرەزيدەنت بارىنشا قاجەتتى مالىمەتتەر الۋ ءۇشىن ساۋالنامانى مازمۇندىق جاعىنان تولىقتىرۋ ماسەلەسىنە نازار اۋدارتتى»، - دەلىنگەن اقوردانىڭ ءباسپاسوز قىزمەتى تاراتقان اقپاراتتا.

بۇل رەتتە مەملەكەت باسشىسى كوپ سۇراقتارمەن ازاماتتاردىڭ باسىن قاتىرماۋ قاجەتتىگىنە، اسىرەسە قازىرگى پاندەميا جاعدايىن ەسكەرە وتىرىپ، تسيفرلىق تەحنولوگيالاردى كەڭىنەن پايدالانۋ كەرەكتىگىنە نازار اۋدارتقان.

«مەملەكەت باسشىسى حالىق ساناعىن دايىنداۋ جانە وتكىزۋمەن بايلانىستى نەگىزگى ۇيىمداستىرۋشىلىق جانە ماڭىزدى ماسەلەلەردىڭ شەشىمىمەن اينالىساتىن پرەمەر-مينيستر ءبىرىنشى ورىنباسارىنىڭ توراعالىعىمەن ارنايى جۇمىس توبىن قۇرۋدى تاپسىردى. ساناق وسى جىلدىڭ قازان ايىندا ءوتۋى، ال 2022 جىلدىڭ ورتاسىندا ۇكىمەت سوڭعى مالىمەتتەردى جاريا ەتۋى ءتيىس»، - دەلىنگەن تاراتىلعان اقپاراتتا.

ايتا كەتسەك بۇگىن اقوردادا مەملەكەت باسشىسى قاسىم-جومارت توقاەۆتىڭ توراعالىعىمەن رەفورمالار جونىندەگى جوعارعى كەڭەستىڭ ءۇشىنشى وتىرىسى ءوتتى. ءىس-شارانىڭ كۇنتارتىبىنە قازاقستان رەسپۋبليكاسىن 2025 جىلعا دەيىن دامىتۋدىڭ ۇلتتىق جوسپارىن، مەملەكەتتىك جوسپارلاۋدىڭ جاڭا جۇيەسىن، 2030 جىلعا دەيىن مەملەكەتتىك بسقارۋدى دامىتۋ تۇجىرىمداماسىن، 2021-2025 جىلدارعا ارنالعان جەكەشەلەندىرۋ جوسپارىن ازىرلەۋ، سونىمەن قاتار شۇعىل رەفورمالار توپتاماسى مەن حالىقتىڭ ۇلتتىق ساناعىن وتكىزۋ ماسەلەلەرى كىردى.

Abai.kz

8 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1581
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2281
عيبىرات

قايسار رۋحتى عازيز جان

مۇحتار قۇل-مۇحاممەد 3607