استانا. 14 ناۋرىز. قازاقپارات - گۆاتەمالا سوتى پەدرو پيمەنتەل ەسىمدى ەليتالىق اسكەري توپتىڭ بۇرىنعى مۇشەسىن 6060 جىلعا باس بوستاندىعىنان ايىردى، دەپ حابارلايدى  ريا نوۆوستي.

پيمەنتەل بۇل جازانى 1982 جىلى جاساعان قىلمىسى ءۇشىن الىپ وتىر. ول سول جىلى ولتىرگەن ءاربىر ادامى ءۇشىن 30 جىلدى ارقالادى.

بۇل جازاسى تۋرالى 55 جاسار بۇرىنعى اسكەريگە وتكەن دۇيسەنبىدە گۆاتەمالاداعى سوت وتىرىسىندا  جاريا ەتىلدى. بۇل سوت ەلدە 1960-1996 جىلدار ارالىعىندا جالعاسقان ازامات سوعىسىنا قاتىستى جۇرگىزىلىپ وتىر. 1982 جىلدىڭ جەلتوقسانىندا ديكتاتور ريوس مونتتىڭ بۇيرىعىمەن Kaibiles دەپ اتالاتىن ەليتالىق ارنايى جاساق لاس دوس ەررەس اۋىلىنىڭ 201 تۇرعىنىن قىرىپ سالدى. قازا بولعانداردىڭ اراسىندا ايەلدەر مەن بالالار دا بار. دەرەكتەر بويىنشا، جاۋىنگەرلەر ولاردى اتىپ، قىلقىندىرىپ نەمەسە بالعامەن ۇرىپ ولتىرگەن.

لاس دوس ەررەسكە 20 جاۋىنگەر جىبەرىلگەن. ولاردىڭ نەگىزگى تاپسىرماسى سولشىل كوتەرىلىسشىلەر تىعىپ وتىرعان اسكەري قارۋ-جاراقتى ىزدەپ تابۋ بولعان. سول قىرعىنعا قاتىسقانداردىڭ ءبىرى جاساق قۇرامىندا پيمەنتەلدىڭ دە بولعانىن ايتىپ بەرگەن. ونى اقش 2011 جىلى ءوز ەلىنە ەكستراديتسيالاعان بولاتىن.

استانا. 14 ناۋرىز. قازاقپارات - گۆاتەمالا سوتى پەدرو پيمەنتەل ەسىمدى ەليتالىق اسكەري توپتىڭ بۇرىنعى مۇشەسىن 6060 جىلعا باس بوستاندىعىنان ايىردى، دەپ حابارلايدى  ريا نوۆوستي.

پيمەنتەل بۇل جازانى 1982 جىلى جاساعان قىلمىسى ءۇشىن الىپ وتىر. ول سول جىلى ولتىرگەن ءاربىر ادامى ءۇشىن 30 جىلدى ارقالادى.

بۇل جازاسى تۋرالى 55 جاسار بۇرىنعى اسكەريگە وتكەن دۇيسەنبىدە گۆاتەمالاداعى سوت وتىرىسىندا  جاريا ەتىلدى. بۇل سوت ەلدە 1960-1996 جىلدار ارالىعىندا جالعاسقان ازامات سوعىسىنا قاتىستى جۇرگىزىلىپ وتىر. 1982 جىلدىڭ جەلتوقسانىندا ديكتاتور ريوس مونتتىڭ بۇيرىعىمەن Kaibiles دەپ اتالاتىن ەليتالىق ارنايى جاساق لاس دوس ەررەس اۋىلىنىڭ 201 تۇرعىنىن قىرىپ سالدى. قازا بولعانداردىڭ اراسىندا ايەلدەر مەن بالالار دا بار. دەرەكتەر بويىنشا، جاۋىنگەرلەر ولاردى اتىپ، قىلقىندىرىپ نەمەسە بالعامەن ۇرىپ ولتىرگەن.

لاس دوس ەررەسكە 20 جاۋىنگەر جىبەرىلگەن. ولاردىڭ نەگىزگى تاپسىرماسى سولشىل كوتەرىلىسشىلەر تىعىپ وتىرعان اسكەري قارۋ-جاراقتى ىزدەپ تابۋ بولعان. سول قىرعىنعا قاتىسقانداردىڭ ءبىرى جاساق قۇرامىندا پيمەنتەلدىڭ دە بولعانىن ايتىپ بەرگەن. ونى اقش 2011 جىلى ءوز ەلىنە ەكستراديتسيالاعان بولاتىن.

سوت پيمەنتەلدى ءاربىر قۇربان ءۇشىن 30 جىلدان جانە ادامزاتقا قارسى قىلمىسى ءۇشىن تاعى 30 جىلعا سوتتاعان. وسىلاردىڭ بارلىعىن قوسقاندا، 6 مىڭ جىلدان اسىپ تۇسكەن. پيمەنتەل وسىنداي جازاعا ۇشىراعان اتالمىش ارنايى جاساقتىڭ 5-ءشى مۇشەسى. ونىڭ قارۋلاستارى  كارلوس كاريس، مانۋەل پوپ، رەيەس كولين گۋاليپ جانە دانيەل مارتينەس ەرناندەستەر وتكەن جىلدىڭ تامىزىندا تۇرمەگە توعىتىلعان بولاتىن.

مۇنداي جازا نەگىزىنەن سيمۆوليكالىق بولىپ تابىلادى. گۆاتەمالا زاڭدارى بويىنشا قىلمىسكەردىڭ جازاسى 50 جىلعا دەيىن قىسقارۋى مۇمكىن. بىراق قىلمىسكەر ول كۇنگە جەتە الا ما، جوق پا، ول جاعى بەلگىسىز.