مينيستر جەمقورلىقتى بىردەي كيىم مەن شەن بەرىپ جەڭبەك
قارجى ءمينيسترى ەرۇلان جاماۋباەۆ بۇگىن ۇكىمەت وتىرىسىنا قاتىسىپ، مەملەكەتتىك كىرىس ورگاندارى قىزمەتكەرلەرىنە شەن بەرىپ، جالاقىسىن ءوسىرۋ تۋرالى ۇسىنىس ايتىپتى. دالىرەك ايتساق، ارنايى شەن بەرىلىپ، بازالىق جالاقىعا ۇستەمە قوسىلىپ، بىرىڭعاي فورما (كيىم) بەرىلەتىنىن مالىمدەگەن.
«سجقىق اگەنتتىگى مەن «ادالدىق الاڭى» كەڭسەسى مالىمەتىندە ايتىلعانداي، مەمكىرىس ورگاندارى قىزمەتكەتكەرلەرىنىڭ جالاقىسىنىڭ تومەندىگى مەن الەۋمەتتىك قورعالماعانى جانە قىزمەتىنىڭ جاۋاپكەرشىلىگى جوعارى بولۋىنان جەمقورلىق تاۋەكەلىنە تاپ بولىپ وتىر»، - دەپتى مينيستر جاماۋباەۆ.
ال مۇنىڭ شەشىمى رەتىندە جوعارىداعى بىرىڭعاي فورما ەنگىزۋ مەن ۇستەمە جالاقى تولەۋدى ايتىپتى.
«وسىعان بايلانىستى ولاردىڭ بازالىق جالاقىسىنا ۇستەمە قوسىپ، بىرىڭعاي فورمال مەن كلاسستىق شەن ەنگىزۋ ۇسىنىلۋدا. بۇل وز كەزەگىندە ىلىكتى كادرلاردى ساقتاپ، جەمقورلىق دەڭگەيىن تومەندەتۋگە، سونداي-اق مەملەكەتتىك كىرىس ورگاندارىنىڭ مارتەبەسىن كوتەرۋگە سەپتىگىن تيگىزەدى»، - دەپتى جاماۋباەۆ.
وسىلايشا، مينيستر اتالعان سالاداعى جەمقورلىقتى جويۋدىڭ جولى – بىرىڭعاي فورما مەن ۇستەمە جالاقى جانە كلاسستىق شەن بەرۋ ەكەنىن ايتىپتى. ءمينيستردىڭ بۇل ايتقاندارىن ەلدەگى اقپارات قۇرالدارى جارىسا جازىپ جاتىر.
مينيستر تۋرالى اقپارات:
ەرۇلان جاماۋباەۆ - قازاقستاننىڭ قارجى ءمينيسترى. بۇرىن ۇلتتىق بانكتە، پرەزيدەنت اكىمشىلىگىندە ءتۇرلى قىزمەتتەر اتقارعان. 2018-2019 جىلدارى پرەزيدەنتتىڭ كومەكشىسى، 2019-2020 جىلدارى قارجى مينيسترلىگىنىڭ جاۋاپتى حاتشىسى بولعان. 2020 جىلدىڭ مامىرىنان بەرى قارجى ءمينيسترى.
جاسى 46-دا. ماماندىعى – قارجىگەر. قازاق جانە ورىس تىلدەرىن مەڭگەرگەن.
«قۇرمەت» وردەنى، «ەرەن ەڭبەگى ءۇشىن»، «قر تاۋەلسىزدىگىنە 20 جىل»، «استاناعا 20 جىل»، «تەڭگەگە 20 جىل» مەدالدەرى سەكىلدى بىرنەشە مەملەكەتتىك ناگرادالارمەن ماراپاتتالعان. «قر ۇلتتىق بانكىنىڭ ەڭبەك سىڭىرگەن قىزمەتكەرى» دەگەن اتاعى تاعى بار ەكەن.
Abai.kz
