قۇرمەتتى حالايىق!

بىزدەر، الاشتىڭ بۇگىنگى جاس ۇرپاعى رەتىندە ەلىمىز ەگەمەن بولعان كەزەڭدە قالىپتاستىق. ودان ءارى ەلىمىزدى تەك قانا تاۋەلسىز مەملەكەت رەتىندە كورگىمىز كەلەدى جانە ءوزىمىز دە سول ەگەمەن ەلگە لايىق ازامات بولىپ وركەندەگىمىز بار. وسى جولدا انا ءتىلىمىزدىڭ اينالاسىنداعى ماسەلەلەرگە بۇدان بىلاي ازاماتتىق تۇرعىدان ءوز داۋىسىمىزدى، ۇستانىمىمىزدى بىلدىرۋمەن بىرگە، العان باعىتىمىز بويىنشا باستاما كوتەرۋدى ەگەمەن ەلدىڭ جاستارىنا لايىق ءىس دەپ ويلايمىز.

ءبىز ساۋات پەن ءبىلىم زامانىنداعى ادامدارمىز. سول ساۋات پەن ءبىلىمدى ءوز تىلىمىزدە مەڭگەرگىمىز كەلەدى. الايدا، انا تىلىمىزدە جازۋ مۇمكىندىگى مەن ونى ۇيرەتۋ بۇگىنگى ۇستازدارعا دا، بالعىن ۇرپاققا دا اسا اۋىر. ءبىز ءوز بالالارىمىزدىڭ ءوز تىلىمىزگە زورلىقپەن، قيسىنسىز كىرىككەن بۇرالقى ارىپتەردى وقىپ، تىلدەرىن بۇراعانىن، قاراپايىم ءتىل زاڭدارىن كۇردەلەندىرەتىن جاعدايدى باستان كەشۋلەرىن قالامايمىز. ءوزىمىز دە وسى كۇنى سول احۋالدى باستان كەشىپ ىعىر بولعان جاندارمىز.

وكىنىشكە وراي، قازاق الىپبيىنە وزىنە ءتان ەمەس ارىپتەردى ەنگىزۋ ۇدەرىسى كەڭەس وكىمەتى تۇسىندا ورىن العان بولسا دا، سول جاعداي ءالى جالعاسىپ كەلەدى. بۇل ەگەمەن ەلدىڭ رۋحانياتىنا ەشبىر جاراسپايتىن ساياسات! ءتىلىمىزدى بۇرمالاپ وتىرعان بۇرالقى ارىپتەردەن باس تارتقىمىز كەلەدى. ءتىلىمىزدى تاۋەلدى سيپاتىنان ارىلتۋدى تالاپ ەتەمىز! بۇل تاراپتا جالعاسىپ وتىرعان ارەكەتسىزدىك پەن شاراسىزدىقتى ايىپتايمىز!

قۇرمەتتى حالايىق!

بىزدەر، الاشتىڭ بۇگىنگى جاس ۇرپاعى رەتىندە ەلىمىز ەگەمەن بولعان كەزەڭدە قالىپتاستىق. ودان ءارى ەلىمىزدى تەك قانا تاۋەلسىز مەملەكەت رەتىندە كورگىمىز كەلەدى جانە ءوزىمىز دە سول ەگەمەن ەلگە لايىق ازامات بولىپ وركەندەگىمىز بار. وسى جولدا انا ءتىلىمىزدىڭ اينالاسىنداعى ماسەلەلەرگە بۇدان بىلاي ازاماتتىق تۇرعىدان ءوز داۋىسىمىزدى، ۇستانىمىمىزدى بىلدىرۋمەن بىرگە، العان باعىتىمىز بويىنشا باستاما كوتەرۋدى ەگەمەن ەلدىڭ جاستارىنا لايىق ءىس دەپ ويلايمىز.

ءبىز ساۋات پەن ءبىلىم زامانىنداعى ادامدارمىز. سول ساۋات پەن ءبىلىمدى ءوز تىلىمىزدە مەڭگەرگىمىز كەلەدى. الايدا، انا تىلىمىزدە جازۋ مۇمكىندىگى مەن ونى ۇيرەتۋ بۇگىنگى ۇستازدارعا دا، بالعىن ۇرپاققا دا اسا اۋىر. ءبىز ءوز بالالارىمىزدىڭ ءوز تىلىمىزگە زورلىقپەن، قيسىنسىز كىرىككەن بۇرالقى ارىپتەردى وقىپ، تىلدەرىن بۇراعانىن، قاراپايىم ءتىل زاڭدارىن كۇردەلەندىرەتىن جاعدايدى باستان كەشۋلەرىن قالامايمىز. ءوزىمىز دە وسى كۇنى سول احۋالدى باستان كەشىپ ىعىر بولعان جاندارمىز.

وكىنىشكە وراي، قازاق الىپبيىنە وزىنە ءتان ەمەس ارىپتەردى ەنگىزۋ ۇدەرىسى كەڭەس وكىمەتى تۇسىندا ورىن العان بولسا دا، سول جاعداي ءالى جالعاسىپ كەلەدى. بۇل ەگەمەن ەلدىڭ رۋحانياتىنا ەشبىر جاراسپايتىن ساياسات! ءتىلىمىزدى بۇرمالاپ وتىرعان بۇرالقى ارىپتەردەن باس تارتقىمىز كەلەدى. ءتىلىمىزدى تاۋەلدى سيپاتىنان ارىلتۋدى تالاپ ەتەمىز! بۇل تاراپتا جالعاسىپ وتىرعان ارەكەتسىزدىك پەن شاراسىزدىقتى ايىپتايمىز!

قۇرمەتتى جۋرناليستەر مەن بلوگگەرلەر!

ەڭ بولماسا ەركىن اقپارات الاڭى بولىپ تابىلاتىن ەلەكتروندىق كەڭىستىكتە قازاق تىلىنە زورلىقپەن كىرگىزىلگەن باسى ارتىق ورىس ارىپتەرىنەن باس تارتۋدى ويلاستىرايىق. ءوز سايتتارىمىز بەن بلوگتارىمىزعا تازا قازاق ارىپتەرىمەن اقپارات تارالۋىن قولعا الايىق. انا ءتىلىمىزدىڭ تازا ءۇنى ءۇشىن، ونىڭ بەينەسى ءۇشىن كۇرەسەيىك.

لينگۆيستەر مەن تىلگەر عالىمدار، قول ۇشىن بەرىڭىزدەر!

پروگرامميست ماماندار!

ەلەكتروندىق كەڭىستىكتەگى قازاق ءتىلىنىڭ ورىنسىز ورىس ارىپتەرىمەن تاڭبالانۋىن بولدىرمايتىن پروگراممالىق قامتىمالار ازىرلەۋدى قولعا الايىق!

قۇرمەتپەن،

استانالىق ستۋدەنتتەر مەن ماگيسترانتتار، جوعارعى سىنىپ وقۋشىلارى.

«ەل»  اليانسى

«اباي-اقپارات»