قازاقستانعا «سپۋتنيك V» كوروناۆيرۋسقا قارسى ۆاكتسيناسىنىڭ قوسىمشا 4 ملن دوزاسىن جەتكىزىلەدى. بۇل تۋرالى پرەمەر-مينيستر اسقار مامين رف ۇكىمەتىنىڭ توراعاسى ميحايل ميشۋستينمەن كەزدەسۋ بارىسىندا ايتىلدى.

كەزدەسۋ بارىسىندا COVID-19 تارالۋىنا قارسى كۇرەس جانە ەكى ەلدىڭ ەكونوميكالارى ءۇشىن پاندەميانىڭ سالدارىن جويۋ بويىنشا بىرلەسكەن شارالارعا ەرەكشە نازار اۋدارىلدى.

«ۆيرۋستىڭ تارالۋىن جەڭۋ ءۇشىن ءبىزدىڭ ەلدەرىمىزدىڭ كۇش–جىگەرىن، ونىڭ ىشىندە حالىقتى جاپپاي ۆاكتسيناتسيالاۋ ماسەلەلەرىندە ۇيلەستىرۋدىڭ جوعارى دەڭگەيى قاجەت»، - دەپ اتاپ ءوتتى اسقار مامين.

ايتا كەتەيىك، كەشە قر پرەمەر-ءمينيسترى اسقار مامين ماسكەۋ قالاسىنا جۇمىس ساپارى اياسىندا رف ۇكىمەتىنىڭ توراعاسى ميحايل ميشۋستينمەن، سونداي-اق رەسەيدىڭ ورتالىق مەملەكەتتىك ورگاندارىنىڭ، مەملەكەتتىك كورپوراتسيالارى مەن قارجى-بانك قۇرىلىمدارىنىڭ باسشىلىعىمەن كەلىسسوز وتكىزدى.

Abai.kz